1 Saˬmeuˬlaˆ 4:19 - Akha

¹⁹ Eˇliˆ-euˬ kuiˬ ma pyeuꞈ-eu Piˇnaˬhaˇ-euˬ miˬ zaˬ-aˬ, aˬ nyiˇ ciˬ deˇ le taˬ-euˬ meh. Miˬyehˇ-euˬ Dawˬ ma saˇ jaˇ Bahˬ keuˆ aˬ cawˬ neh bi deuˆ za-euˬ gaˇ kawˆ hawˇ-eu, aˬ yawꞈ-euˬ boeˇ miˬ aˬ da hawˇ-eu aˬ yawꞈ-euˬ kʼaˬ dzeˇ zaˬ shiˇ-euˬ gaˇ kawˆ aˬ yawꞈ ya gaˬ ngeh, ja pyuˬ ni uˬ maˆ naˇ laˇ-awˇ, aˬ nyiˇ ciˬ-euˬ meh.

1 Saˬmeuˬlaˆ 4:19 Iomraidhean Croise

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Aˇ dahˬ 35:17

Aˬ yawꞈ uˬ maˆ yaw kʼaˆ-ehˇ naˇ luꞈ ngeh, aˬ yawꞈ aˬ nyiˇ ciˬ gaˇ haw nehˬ-eu zaˬ miˬ zaˬ kʼoeˇ gʼaˬ aˬ yawꞈ-ahˇ, “Laˬkeˬlaˇ-oˇ, taˬ guˆ. Aˬ li tiˬ li paˇ dehꞈ le-euˬ nga” lehˇ ehˇ nehˬ-euˬ meh.

1 Sahˬpaˬ 14:1

Aˇ yamˬ kʼoeˇ yamˬ laꞈ kʼoeˇ, sahˬ paˬ Yeˬyawˇbamˬ-euˬ aˬ li Aˬbiˇyaˬ pyaˬ laˇ-euˬ meh.

Jaceuq 78:64

Piˇ ma deuˬ shaˆ shiˇ shiˇ-awˇ, aˬ yawꞈ maꞈ-euˬ miˬ zaˬ deuˬ tsawˇ ngoeˇ maˬ ya ngoeˇ-a.

Yeˬlaˬmiˇ 26:6

Naw maꞈ kʼoeˇ loꞈ-ehˇ maˬ naˇ haˬ ni jawˇ te lehˇ ngeuˇ naˇ, Shiˇloˬ meuˬ-ahˇ jahˇ nehˬ-euˬ loꞈ-ehˇ, Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ-awˇ, miˇ tsaˬ tsawˇ jeuˬ dawˬ tawˆ luꞈ yaˬ kʼehˇ kʼaˇ yaˬ ngeh, meuˬ heu meuˬ-euˬ tsawˇ myahˇ-ahˇ dawˬ daˬ daˬ-awˇ yaˬ gaˇ keuˆ tehꞈ-a.”

1 Saˬmeuˬlaˆ 4:18

Tsawˇ haˬ kʼoeˇ gʼaˬ Dawˬ ma saˇ jaˇ Bahˬ keuˆ gaˇ kawˆ dzawˇ ngeh, gʼoˆ kʼehˬ dawˬ peh jaˆ-eu nuiˇ duˬ-ahˇ nuiˇ luꞈ-eu Eˇliˆ sehˇ pyaˆ-ehˇ coˬ-iˇ-euˬ meh. Aˬ yawꞈ mawˬ dui dui laˇ-awˇ, tsuˇ dui dui-eu miˇ neh, kawˬ lahˇ coˬ kʼehꞈ-awˇ shiˇ-euˬ meh. Aˬ yawꞈ-aˬ, Iˇsaˬleˬlaˆ tsawˇ jeuˬ-euˬ aˬ yuiꞈ aˬ tsu oeˬ tseˇ kʼoꞈ geuꞈ-euˬ meh.

1 Saˬmeuˬlaˆ 4:20

Aˬ yawꞈ shiˇ leˇ luꞈ ngeh, aˬ yawꞈ aˬ nyiˇ ciˬ gaˇ caw ba le-euˬ zaˬ miˬ zaˬ kʼoeˇ gʼaˬ aˬ yawꞈ-ahˇ, “Nui ma kʼaˬ duˬ ni taˬ-awˬ. Nawˇ aˬ li tiˬ li ciˬ gʼaˬ-euˬ meh” lehˇ ehˇ nehˬ kʼawꞈ, aˬ yawꞈ-ahˇ gaˬ leˇ gaˇ maˬ duˇ ni, ciˬ cuˇ ni jawˇ-eu meh.