1 Saˬmeuˬlaˆ 30:10 - Akha

¹⁰ Daˬbiˇ-aˬ, tsawˇ haˬ oeˬ yaˇ gʼaˬ sheuˬ-awˇ mehˬ hu paw iˇ gʼeh-euˬ meh. Dzeˇ yaꞈ-euˬ kʼoeˇ nyiˬ yaˇ gʼaˬ-aˬ, gʼaˬ doeˇ doeˇ dui dui-eu miˇ neh, lawˇ gawˆ maˬ tsehˆ doˆ coeˇ-ehˇ jawˇ yaꞈ-euˬ meh.

1 Saˬmeuˬlaˆ 30:10 Iomraidhean Croise

Iˇsaˬyaˇ 40:30

Aˇ kʼoꞈ yaw nahˬ deuˬ kʼawꞈ gʼaˬ baˬ laˇ-euˬ baw-awˇ, zaˬ guˬ deuˬ coˬ-iˇ nya-eu meh.

1 Saˬmeuˬlaˆ 14:20

Bahˬ leˇ lahˇ leˇ jiˇ-awˇ yawˬ ha tsawˇ haˬ cawˬ cawˬ deuˆ ceh ceh luꞈ-eu Piˇliˇtiˆ tsawˇ haˬ deuˬ jawˇ gaˇ, Sawˇluˆ hawˇ-eu aˬ yawꞈ-euˬ tsawˇ haˬ deuˬ le-awˇ guiˇ deuˆ-euˬ meh.

1 Saˬmeuˬlaˆ 14:31

Kʼoeˇ ngeh nah, Miˇkaˬmaˆ meuˬ-ahˇ neh Aiˬjaˬloˬ meuˬ-ahˇ keuˆ ni guiˇ deuˆ keuˆ-awˇ, Iˇsaˬleˬlaˆ tsawˇ haˬ deuˬ neh Piˇliˇtiˆ tsawˇ haˬ deuˬ-ahˇ deuˆ gʼaˬ-euˬ meh. Kʼoeˇ ngeh, Iˇsaˬleˬlaˆ tsawˇ haˬ deuˬ hawˬ mehꞈ mehꞈ dui dui-awˇ, gʼaˬ baˬ laˇ taˬ-euˬ meh.

1 Saˬmeuˬlaˆ 30:11

Daˬbiˇ nehˬ-ehˇ iˇ-euˬ deuˬ, bawˇ tsahˬ-ahˇ Iˇjiˇtuˆ tsawˇ jeuˬ aˬ li tiˬ li mawˇ-awˇ, Daˬbiˇ jawˇ gaˇ sheuˬ laꞈ nehˬ-euˬ meh. Aˬ li kʼoeˇ li-ahˇ aˬ yawꞈ maꞈ kaˬ muˇ bi dzaˬ-awˇ, iˇ cuꞈ bi dawˇ-euˬ meh.

1 Saˬmeuˬlaˆ 30:21

Kʼoeˇ naˇ, gʼaˬ baˬ dui dui-eu miˇ neh aˬ yawꞈ-euˬ mehˬ nah maˬ caw teh le nya-ehˇ, Beˬsawˬ lawˇ gawˆ dawˬ peh jawˇ yaꞈ-euˬ tsawˇ haˬ kʼoeˇ nyiˬ yaˇ gʼaˬ jawˇ gaˇ Daˬbiˇ gʼoꞈ leˇ-euˬ meh. Tsawˇ haˬ kʼoeˇ deuˬ mehˬ hu paw oe-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ-ahˇ ha laˬ le-euˬ meh. Daˬbiˇ gʼeh, aˬ yawꞈ maꞈ-ahˇ laˬ kʼaˬ cehˇ taˆ ni dawˬ ngehˬ cawˬ nehˬ-euˬ meh.

1 Saˬmeuˬlaˆ 30:9

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ koꞈ yaˇ gʼaˬ lehˬ hmˬ-awˇ doˆ-iˇ-euˬ meh. Beˬsawˬ lawˇ gawˆ-ahˇ iˇ keuˆ ngeh, tiˬ paˆ na deuˬ jawˇ yaꞈ-euˬ meh.