1 Saˬmeuˬlaˆ 3:12 - Akha

¹² Eˇliˆ-euˬ nymˇ jiˇ kʼoeˇ taˆ bi keuˆ le ma lehˇ ngaˬ neh kʼaˇ ehˇ taˬ-euˬ jeˬ dawˬ tawˆ luꞈ, aˇ dahˬ beh gaˇ neh aˇ saˬ saˬ gaˇ keuˆ ni kʼoeˇ ngeh nah laꞈ kʼoeˇ bi keuˆ le jiˇ ma.

1 Saˬmeuˬlaˆ 3:12 Iomraidhean Croise

Yeˬsaˬgeˬlaˇ 21:5

Sahˬpaˬ Miˬyehˇ pyeuꞈ-eu ngaˇ mi cehˇ gʼawˇ doˆ-awˇ, tawˆ kʼawˆ laꞈ kʼoeˇ maˬ paˇ soeˬ ahˇ kʼoꞈ ngaˇ lehˇ, yawˬ gʼaˬ na luꞈ ya siˬ duˬ tehꞈ-a.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Luˇkaꞈ 21:33

Mˬ hawˇ-eu miˇ maˬ jaˆ coeˇ-ehˇ byoˆ-iˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Yawˇshuˆ 23:15

Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ yaw muiˬ jeˬ dawˬ tawˆ luꞈ, naw maꞈ kʼoeˇ taˆ mˇ byah nehˬ-euˬ loꞈ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ muiˬ dui dui-eu miˇ kʼahˬ heu kʼahˬ laꞈ kʼoeˇ, naw maꞈ luˬ-iˇ seˇ-iˇ jiˇ ngeh keuˆ ni, yaw doeˇ jeˬ dawˬ tawˆ luꞈ naw maꞈ kʼoeˇ taˆ Sahˬpaˬ Miˬyehˇ bi keuˆ le tehꞈ-a.

Yaˇ kʼaˬ daˇ 4:24

Iˇsaˬleˬlaˆ tsawˇ haˬ deuˬ-aˬ, sahˬ paˬ Yaˬbiˬ naˆ maˬ tseˇ tiˬ nah saˇ-i tiˬ nah kʼaˆ dzehˬ laˇ-awˇ, aˬ yawꞈ-ahˇ laˆ luˬ laˆ seˇ nehˬ-euˬ meh.

1 Saˬmeuˬlaˆ 4:11

Miˬyehˇ-euˬ Dawˬ ma saˇ jaˇ Bahˬ keuˆ aˬ cawˬ neh bi deuˆ za-awˇ, Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ bi sehꞈ-euˬ meh.

1 Saˬmeuˬlaˆ 4:17

Tsawˇ haˬ kʼoeˇ gʼaˬ ehˇ-eu, “Iˇsaˬleˬlaˆ tsawˇ haˬ deuˬ Piˇliˇtiˆ tsawˇ haˬ deuˬ neh guiˇ bi deuˆ gʼaˬ-awˇ, cehˆ byaˆ luꞈ meh. Heu-aˬ, aˬ dui gʼaˇ duˬ guˆ dui dui laˇ paˬ-ehˇ gʼeh-eu smˬ-eu jeˬ pyeuꞈ-eu meh. Kʼoeˇ uˬ taꞈ, nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nmˇ kʼawꞈ bi sehꞈ-awˇ, Miˬyehˇ-euˬ Dawˬ ma saˇ jaˇ Bahˬ keuˆ kʼawꞈ, aˬ cawˬ neh bi deuˆ za geuꞈ-euˬ meh.”

1 Saˬmeuˬlaˆ 4:21

Miˬyehˇ-euˬ Dawˬ ma saˇ jaˇ Bahˬ keuˆ aˬ cawˬ tsawˇ jeuˬ neh bi deuˆ za-euˬ gaˇ kawˆ hawˇ-eu, aˬ yawꞈ-euˬ boeˇ miˬ aˬ da hawˇ-eu aˬ yawꞈ-euˬ kʼaˬ dzeˇ zaˬ shiˇ-euˬ gaˇ kawˆ-ahˇ noeˬ-eu laꞈ kʼoeˇ, “Miˬyehˇ-euˬ yaw shehꞈ kʼahˬ sehˇ Iˇsaˬleˬlaˆ tsawˇ haˬ deuˬ nehˬ-ehˇ maˬ paˇ jaˆ meh” lehˇ ehˇ-awˇ, aˬ li kʼoeˇ li-ahˇ Iˇkaˬbawˇ lehˇ aˬ yawꞈ myahˇ nehˬ-euˬ meh.

1 Saˬmeuˬlaˆ 4:22

“Miˬyehˇ-euˬ Dawˬ ma saˇ jaˇ Bahˬ keuˆ aˬ cawˬ neh bi deuˆ za geuꞈ-euˬ miˇ neh, Miˬyehˇ-euˬ yaw shehꞈ kʼahˬ sehˇ Iˇsaˬleˬlaˆ tsawˇ haˬ nehˬ-ehˇ maˬ paˇ jaˆ meh” lehˇ aˬ yawꞈ ehˇ-eu meh.