1 Saˬmeuˬlaˆ 26:6 - Akha

⁶ Heˬtaˆ tsawˇ haˬ Aˬhiˇmaˬlehˇ hawˇ-eu, Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ aˬ nyaꞈ-ahˇ, “Naw nyaꞈ ngaˬ nehˬ-ehˇ Sawˇluˆ-euˬ taˆ-ahˇ aˬ geu gʼaˬ iˇ nmˇ” lehˇ Daˬbiˇ naˇ haˬ ngeh, “Ngaˇ iˇ ma” lehˇ Aˬbiˇshaiˇ ehˇ-eu meh.

1 Saˬmeuˬlaˆ 26:6 Iomraidhean Croise

Aˇ dahˬ 10:15

Kaˬnaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Siˇdoˬ hawˇ-eu Heˬtaˆ aˬ nyaꞈ nmˇ-aˬ, aˬ yawꞈ nyaꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ pyeuꞈ-eu meh.

Aˇ dahˬ 15:20

Heˬtaˆ tsawˇ jeuˬ-euˬ miˇ kʼahˬ, Paˬyehˆ tsawˇ jeuˬ-euˬ miˇ kʼahˬ,

Aˇ dahˬ 23:3

Aˬbyaˬhaˬ-aˬ, shiˇ taˬ-euˬ aˬ yawꞈ miˬ zaˬ-euˬ gʼawˇ mawˇ jaˆ gaˇ neh tsawˬ tuˇ-awˇ, Heˬtaˆ tsawˇ haˬ deuˬ jawˇ gaˇ iˇ-awˇ, heu loꞈ-ehˇ ehˇ nehˬ-iˇ-euˬ meh.

Aˇ dahˬ 26:34

Iˇsawˇ oeˬ tseˇ kʼoꞈ byah laˇ ngeh, Heˬtaˆ tsawˇ jeuˬ zaˬ miˬ zaˬ nyiˬ gʼaˬ-ahˇ sheuˬ-euˬ meh. Zaˬ miˬ zaˬ kʼoeˇ nyiˬ gʼaˬ-aˬ Beˬliˇ-euˬ aˬ buˇ Juˇdiˆ hawˇ-eu Eˇloˬ-euˬ aˬ buˇ Baˬseˬmaˇ pyeuꞈ-eu meh.

2 Saˬmeuˬlaˆ 11:21

Giˇdoˬ-euˬ aˬ li Aˬbiˇmaˬlehˆ-ahˇ aˬ joˆ-ehˇ jahˇ-awˇ bi deuˆ sehꞈ-euˬ gaˇ kawˆ naw maꞈ maˬ noeˬ nya loˇ. Deˬbehˇ meuˬ-euˬ meuˬ lahˇ kʼoeˇ taˆ daˆ-eu zaˬ miˬ zaˬ tiˬ gʼaˬ neh, aˬ yawꞈ-ahˇ lo lehˬ pyehˬ deh sehꞈ-euˬ maˬ ngeuˇ-a loˇ. Toˆ-ehˇ ngeuˇ naˇ, aˬ jeˬ miˇ neh naw maꞈ meuˬ meuˬ lahˇ dawˬ peh teu naˆ naˆ-ehˇ iˇ peh teˬ’ lehˇ sahˬ paˬ ehˇ laˇ naˇ, ‘Nawˬ-euˬ guiˇ maꞈ kʼoeˇ taˆ yaw huiˬ yaw mahˇ geuꞈ luꞈ-eu Uˇliˇyaˆ gʼaˬ kʼawꞈ bi deuˆ sehꞈ-euˬ meh’ lehˇ ehˇ kʼoꞈ nehˬ-awˬ.”

2 Saˬmeuˬlaˆ 11:24

Kʼoeˇ ngeh, aˬ yawꞈ maꞈ meuˬ meuˬ lahˇ kʼoeˇ taˆ daˆ-awˇ, nga maꞈ-ahˇ kaˆ beuˆ gʼeh leꞈ-euˬ miˇ neh, nawˬ-euˬ guiˇ maꞈ kʼoeˇ taˆ aˬ yuiꞈ geuꞈ-eu yaw huiˬ yaw mahˇ tiˬ paˆ na deuˬ bi beuˆ sehꞈ-euˬ meh. Nawˬ-euˬ guiˇ maꞈ kʼoeˇ taˆ aˬ yuiꞈ geuꞈ-eu yaw huiˬ yaw mahˇ tiˬ gʼaˬ pyeuꞈ-eu Heˬtaˆ tsawˇ haˬ Uˇliˇyaˆ kʼawꞈ, kʼoeˇ gaˇ bi beuˆ sehꞈ-euˬ meh.”

2 Saˬmeuˬlaˆ 11:6

Kʼoeˇ naˇ, Yoˇbaˬ jawˇ gaˇ Daˬbiˇ dawˬ tsaꞈ tsaꞈ ahˇ gʼeh-awˇ, “Heˬtaˆ tsawˇ haˬ Uˇliˇyaˆ-ahˇ bi gʼoꞈ laˇ-awˬ” lehˇ ehˇ nehˬ-euˬ meh. Kʼoeˇ ngeh, Yoˇbaˬ neh Uˇliˇyaˆ-ahˇ Daˬbiˇ jawˇ gaˇ bi gʼoꞈ leˇ-euˬ meh.

2 Saˬmeuˬlaˆ 12:9

Ngaˇ nawˬ-ahˇ teu naˆ ni mˇ nehˬ taˬ-euˬ kʼawꞈ, aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ te. Aˬ jeˬ miˇ neh teu loꞈ-ehˇ gʼeh-eu yaw haiˬ jeˬ nawˇ mˇ te. Uˇliˇyaˆ guiˇ deuˆ gaˇ bi deuˆ sehꞈ ni nawˬ neh toˆ-awˇ, Aˬmoˬ tsawˇ haˬ neh aˬ yawꞈ-ahˇ bi sehꞈ-awˇ, aˬ yawꞈ-euˬ miˬ zaˬ-ahˇ nawˇ sheuˬ geuꞈ-euˬ meh.

2 Saˬmeuˬlaˆ 18:5

Yoˇbaˬ, Aˬbiˇshaiˇ hawˇ-eu Iˇtehˇ aˬ ha smˇ gʼaˬ-ahˇ, “Ngaˬ-euˬ myaˆ pyawˬ-ahˇ haw-eu laꞈ kʼoeˇ, aˬ li zaˬ guˬ Aˬbaˇsaˬloˬ-ahˇ maˬ sehꞈ ni taˬ nehˬ de” lehˇ dawˬ biꞈ-euˬ meh. Aˬ yawꞈ-euˬ gaˇ mˇ-eu yaw huiˬ yaw mahˇ kʼoeˇ deuˬ-ahˇ Daˬbiˇ kʼoeˇ loꞈ-ehˇ ehˇ nehˬ gaˇ, yehˇ dawˬ tawˆ luꞈ ya gaˬ-euˬ meh.

2 Saˬmeuˬlaˆ 2:13

Zeˬluˇyaˆ-euˬ aˬ li Yoˇbaˬ hawˇ-eu Daˬbiˇ-euˬ gaˇ mˇ-eu yaw huiˬ yaw mahˇ deuˬ aˬ yawꞈ maꞈ-ahˇ Giˇbyoˬ lah dawˬ peh tahˬ puˬ-awˇ, lah-euˬ kʼoeˇ baˬ heu baˬ-ehˇ, aˇ muˇ muˇ-awˇ nuiˇ luꞈ-eu meh.

2 Saˬmeuˬlaˆ 2:18

Zeˬluˇyaˆ-euˬ aˬ li deuˬ pyeuꞈ-eu, Yoˇbaˬ, Aˬbiˇshaiˇ hawˇ-eu Aˬsaˬheˬlaˇ aˬ ha smˬ mehˇ nmˇ luꞈ kʼoeˇ gaˇ ahˇ-eu meh. Aˬsaˬheˬlaˇ-aˬ, kʼaˬ tsehˆ naˆ ni cehˆ kawˇnya-eu meh.

2 Saˬmeuˬlaˆ 23:18

Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ-aˬ, tsawˇ myahˇ doˆ-eu yehˇ smˬ tseˇ gʼaˬ laꞈ kʼoeˇ aˬ yuiꞈ geuꞈ-euˬ gʼaˬ meh. Aˬ yawꞈ-aˬ, aˬ yawꞈ-euˬ gahˬ neh tsawˇ haˬ smˬ yaˇ gʼaˬ-ahˇ guiˇ deuˆ ceh ceh-awˇ sehꞈ jiˇ nehˬ-euˬ miˇ neh, smˬ tseˇ gʼaˬ laꞈ kʼoeˇ tsawˇ myahˇ doˆ-eu gʼaˬ pyeuꞈ laˇ-euˬ meh.

2 Saˬmeuˬlaˆ 23:34

Mawˇkah meuˬ-ahˇ jawˇ-eu Aˬhaˇsaˬbehˇ-euˬ aˬ li Eˇliˇpaˬlehˇ, Giˇloˬ meuˬ-ahˇ jawˇ-eu Aˬhiˇtawˇpeˬlaˇ-euˬ aˬ li Eˇlamˬ,

2 Saˬmeuˬlaˆ 23:39

Heˬtaˆ tsawˇ jeuˬ Uˇliˇyaˆ, heu deuˬ meh. Tsawˇ myahˇ doˆ-eu yehˇ dawˬ tawˆ luꞈ smˬ tseˇ shiꞈ gʼaˬ byah-eu meh.

1 Sahˬpaˬ 10:29

Iˇjiˇtuˆ miˇ kʼahˬ-ahˇ neh kʼaˇ ahˬ doˆ-euˬ mahˬ laˆ lawˬ deuˬ-ahˇ kʼawꞈ, aˬ yawꞈ maꞈ neh zeuˇ jiˇ-euˬ meh. Heˬtaˆ sahˬ paˬ hawˇ-eu Suˇliˆ sahˬ paˬ deuˬ-ahˇ, mahˬ hawˇ-eu mahˬ laˆ lawˬ deuˬ aˬ yawꞈ maꞈ ahˬ ahˇ nehˬ-euˬ meh. Mahˬ laˆ lawˬ tiˬ laˇ-euˬ pyuˇ maˇ byaˆ koꞈ yaˇ byaˆ-ehˇ neh ahˬ nehˬ-awˇ, mahˬ tiˬ mawˇ-euˬ pyuˇ maˇ byaˆ tiˬ yaˇ ngaˬ tseˇ byaˆ-ehˇ neh ahˬ nehˬ-euˬ meh.

2 Sahˬpaˬ 7:6

Mahˬ hawˇ-eu mahˬ laˆ lawˬ deuˬ ahˇ-eu guiˇ maꞈ maꞈ ma tiˬ maꞈ laˇ luꞈ-eu teˇ saˇ Suˇliˆ tsawˇ haˬ deuˬ-ahˇ Sahˬpaˬ Miˬyehˇ bi gaˬ leˇ-euˬ meh. Kʼoeˇ ngeh, Heˬtaˆ sahˬ paˬ hawˇ-eu Iˇjiˇtuˆ sahˬ paˬ-ahˇ Iˇsaˬleˬlaˆ tsawˇ haˬ deuˬ neh kuˇ laˬ-iˇ-awˇ, aˬ yawꞈ maꞈ-ahˇ guiˇ bi deuˆ laˇ-euˬ nga lehˇ, Suˇliˆ tsawˇ haˬ deuˬ noeˬ-euˬ meh.

Yawˇshuˆ 3:10

Naw maꞈ mehˬ hu paw le gʼeh leꞈ-eu nehˬ ehˇ, Kaˬnaˬ tsawˇ jeuˬ, Heˇtaˆ tsawˇ jeuˬ, Hiˇbiˇ tsawˇ jeuˬ, Paˬyehˆ tsawˇ jeuˬ, Geuˬgaˬshaˆ tsawˇ jeuˬ, Aˬmawˇliˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ, aˬ yawꞈ aˬ diˇ aˬ maˇ teh doˆ gʼeh tehꞈ-a. Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ,

1 Saˬmeuˬlaˆ 26:7

Kʼoeˇ ngeh miˇ, Daˬbiˇ hawˇ-eu Aˬbiˇshaiˇ aˬ nyaꞈ Sawˇluˆ-euˬ taˆ laꞈ kʼoeˇ uˇ-iˇ ngeh, uˬ duˬ dawˬ peh miˇ tsaˬ-ahˇ gahˬ soeˬ tsoˆ taˬ-awˇ, taˆ-euˬ gʼahˇ ceh yuꞈ luꞈ-eu Sawˇluˆ-ahˇ ya mawˇ-euˬ meh. Aˬbaˬnaˬ hawˇ-eu yehˇ deuˬ aˬ yawꞈ-euˬ jawˬ jawˬ-ehˇ yuꞈ kʼaˆ taˬ-euˬ meh.