1 Saˬmeuˬlaˆ 26:23 - Akha

²³ Saˇ jaˇ ziꞈ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ Sahˬpaˬ Miˬyehˇ guiˬ lahˬ biꞈ-eu meh. Iˬ nah nawˬ-ahˇ ngaˬ-euˬ aˬ laꞈ laꞈ kʼoeˇ aˬ yawꞈ a nehˬ laꞈ gʼaˬ-euˬ meh. Ehˇ kʼawꞈ, Sahˬpaˬ Miˬyehˇ neh tseˇ doˆ taˬ-euˬ gʼaˬ pyeuꞈ-eu miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ-aˬ.

1 Saˬmeuˬlaˆ 26:23 Iomraidhean Croise

2 Saˬmeuˬlaˆ 22:21

Ngaˬ-euˬ yaw tsaˬ yaw dawˇ baˬ da, Sahˬpaˬ Miˬyehˇ guiˬ lahˬ biꞈ-awˇ, ngaˬ-euˬ aˬ laꞈ yaw shawˇ miˇ neh, yaw muiˬ jeˬ biꞈ nehˬ laꞈ-euˬ meh.

2 Saˬmeuˬlaˆ 22:25

Ngaˇ yaw tsaˬ yaw dawˇ baˬ da neh, aˬ yawꞈ ngaˬ-ahˇ guiˬ lahˬ biꞈ-awˇ, ngaˇ iˬ baˇ maˬ mˇ-eu gaˇ kʼawˆ, aˬ yawꞈ siˬ luꞈ mawˇ luꞈ-eu meh.

1 Sahˬpaˬ 8:32

Sahˬpaˬ Miˬyehˇ nawˇ mˬ kʼoeˇ taˆ jawˇ-awˇ naˇ haˬ-eu laꞈ kʼoeˇ, nawˬ-euˬ zaˬ kʼaˆ deuˬ-ahˇ yaˇ kʼaˬ daˇ nehˬ-awˬ. Lehˬ-eu gʼaˬ lehˬ-eu bymˇ bi tawˆ-awˇ, tsaˬ-eu gʼaˬ tsaˬ-eu bymˇ bi tawˆ-awˬ.

Neˬhaˬmiˇ 13:14

Ngaˬ-euˬ Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ gaˇ nawˬ-ahˇ uˬ duˬ ya tahˬ ni ngaˬ neh leh jeh-euˬ gaˇ heu deuˬ-ahˇ noeˬ keuˆ-eu laꞈ kʼoeˇ yawˬ ngehꞈ-ehˇ taˬ bi pyeuꞈ-iˇ nehˬ laꞈ.

Yawˇbaˆ 34:11

Tsawˇ haˬ zaˬ mˇ-eu shaˇ-eu gaˇ haw-awˇ aˬ yawꞈ guiˬ lahˬ biꞈ-eu loꞈ-ehˇ, aˬ yawꞈ maꞈ-ahˇ kʼaˇ geuˇ-eu jeˬ ciˬ pi-awˇ bi daˬ-eu meh.

Jaceuq 62:12

Aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ lehˇ ehˇ gaˇ, ngaˇ ya gaˬ haw-euˬ ma. Sahˬpaˬ Miˬyehˇ-oˇ, tsawˇ haˬ yawˬ gʼaˬ na luꞈ yawˬ ha neh kʼaˇ mˇ kʼaˇ shaˇ taˬ-euˬ loꞈ-ehˇ, nawˇ laꞈ sawˬ biꞈ nehˬ-awˬ.

1 Saˬmeuˬlaˆ 24:11

Ngaˬ-euˬ aˬ da-oˇ, heu gaˇ haw sheˇ. Ngaˇ tuˆ tehˬ luꞈ-eu nawˬ-euˬ pehˇ kʼahˬ pehˇ dahˬ-ahˇ haw sheˇ. Nawˬ-ahˇ ngaˇ sehꞈ-eu yehꞈ laˇ-euˬ kʼawꞈ maˬ sehꞈ ni, pehˇ kʼahˬ pehˇ dahˬ tehꞈ-ehˇ yehˬ tsehˆ-euˬ ma. Heu gaˇ haw-awˇ, ngaˬ-euˬ nui ma laꞈ kʼoeˇ, nawˬ-ahˇ puiˬ mawꞈ-eu jeˬ hawˇ-eu laˆ tahˬ laˆ naˇ nehˬ mawꞈ-eu jeˬ tiˬ pawꞈ-iˬ maˬ ahˇ nga lehˇ, nawˇ siˬ duˬ-awˬ. Ngaˬ neh nawˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ kʼawꞈ, ngaˬ-ahˇ sehꞈ-eu lehˇ nawˇ poˆ luꞈ meh.

1 Saˬmeuˬlaˆ 24:12

Aˇ nyaꞈ aˬ geu gʼaˬ lehˬ-eu nga lehˇ, Sahˬpaˬ Miˬyehˇ yaˇ kʼaˬ daˇ luꞈ-uˇ. Nawˬ neh ngaˬ-ahˇ mˇ lehˬ-euˬ jeˬ baˬ da neh, Sahˬpaˬ Miˬyehˇ nawˬ-ahˇ jahˇ kʼoꞈ nehˬ luꞈ-uˇ. Ehˇ kʼawꞈ, ngaˇ nawˬ-ahˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ ni jawˇ ma.

1 Saˬmeuˬlaˆ 24:18

Nawˇ ngaˬ-euˬ kʼoeˇ taˆ aˇ naˆ ni muiˬ-eu tsawˇ haˬ pyeuꞈ-eu gaˇ kawˆ, iˬ nah nawˇ bi siˬ bi mawˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ gʼaˬ-euˬ kʼawꞈ, nawˇ ngaˬ-ahˇ maˬ sehꞈ-a.

1 Saˬmeuˬlaˆ 24:19

Yawˬ ha-ahˇ muiˇ-eu tsawˇ haˬ-ahˇ nyehꞈ mi-awˇ, maˬ laˆ tahˬ maˬ laˆ naˇ ni pyehˬ nehˬ-eu aˬ suˇ gʼaˬ jawˇ ta. Iˬ nah nawˇ ngaˬ-ahˇ mˇ nehˬ laꞈ-euˬ jeˬ baˬ da neh, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ.

1 Saˬmeuˬlaˆ 26:11

Sahˬpaˬ Miˬyehˇ neh ka nehˬ-euˬ sahˬ paˬ-ahˇ laˆ tahˬ laˆ naˇ nehˬ-eu jeˬ maˬ ya mˇ ni, Sahˬpaˬ Miˬyehˇ ngaˬ-ahˇ laˆ tsoeˬ taˬ-euˬ meh. Aˬ yawꞈ-euˬ gahˬ hawˇ-eu iˇ puˬ yuˇ-awˇ doˆ-iˇ kaˇ-euˇ.”

1 Saˬmeuˬlaˆ 26:22

Daˬbiˇ ehˇ-eu, “Sahˬ paˬ-oˇ, nawˬ-euˬ gahˬ heu gaˇ jaˆ meh. Nawˬ-euˬ tsawˇ haˬ tiˬ gʼaˬ pyehˬ laꞈ-awˇ bi laˬ kʼoꞈ laˇ-awˬ.

1 Saˬmeuˬlaˆ 26:9

Ehˇ kʼawꞈ, Daˬbiˇ ehˇ-eu, “Aˬ yawꞈ-ahˇ laˆ tahˬ laˆ naˇ-eu jeˬ maˬ mˇ kʼmˬ-a. Sahˬpaˬ Miˬyehˇ neh tseˇ doˆ-euˬ sahˬ paˬ-ahˇ laˆ tahˬ laˆ naˇ-eu jeˬ mˇ-eu tsawˇ haˬ-ahˇ, Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a.”