1 Saˬmeuˬlaˆ 23:3 - Akha

³ Ehˇ kʼawꞈ, Daˬbiˇ-euˬ tsawˇ haˬ deuˬ Daˬbiˇ-ahˇ ehˇ-eu, “Aˬ dui maꞈ heu gaˇ Yuˇdaˆ miˇ kʼahˬ laꞈ kʼoeˇ jawˇ luꞈ-eu tehꞈ-ehˇ kʼawꞈ, guˆ kʼaˇ za-eu-aˬ, nymˬ-mˇ Kiˇlahˬ meuˬ-ahˇ Piˇliˇtiˆ tsawˇ haˬ deuˬ-ahˇ guiˇ paˇ deuˆ-iˇ naˇ, heu naˆ maˬ tseˆ shaˬ laˇ-eu maˬ ngeuˇ-a loˇ.”

1 Saˬmeuˬlaˆ 23:3 Iomraidhean Croise

Jaceuq 11:1

SahˬpaˬMiˬyehˇ ngaˇgʼoe duˬma. Ngaˬ-ahˇheu loꞈ-ehˇ ehˇ-eu deuˬ, aˇnaˆni dzawˬ-eu tsawˇhaˬnga. “Aˇjiˇguˆ-awˇzaw-eu loꞈ-ehˇ, gawˬjawˬpaw zaw daˆbyoˆleꞈ-awˬ.

Yeˬlaˬmiˇ 12:5

Sahˬpaˬ Miˬyehˇ ehˇ-eu, “Yeˬlaˬmiˇ nawˇ tsawˇ haˬ zaˬ-ahˇ cehˆ ceh ceh-eu gʼaˬ doeˇ doeˇ naˇ, mahˬ nehˬ-ehˇ aˬ joˆ-ehˇ cehˆ ceh ceh nmˇ. Juˇ tsui ni gʼeh-eu deh ga-ahˇ nawˇ coˬ-iˇ naˇ, Yawˇdaˬ lawˇ baˬ gawˆ taw bawˇ tsahˬ bawˇ dahˇ laꞈ kʼoeˇ, nawˇ aˬ joˆ-ehˇ yawꞈ ziꞈ nya nmˇ.

1 Saˬmeuˬlaˆ 23:15

Ziˇpaˬ meuˬ dawˬ peh jaˆ-eu bawˇ tsahˬ bawˇ dahˇ laꞈ kʼoeˇ, Hawˇlehˆ lehˇ kuˇ-eu jawˇ duˬ-ahˇ Daˬbiˇ jawˇ luꞈ ngeh, Sawˇluˆ aˬ yawꞈ-ahˇ sehꞈ-eu lehˇ laˇ luꞈ-eu gaˇ kawˆ aˬ yawꞈ ya siˬ-euˬ meh.

1 Saˬmeuˬlaˆ 23:2

Kʼoeˇ miˇ neh, Piˇliˇtiˆ tsawˇ haˬ deuˬ-ahˇ guiˇ deuˆ-iˇ-eu gʼaˇ duˬ, Sahˬpaˬ Miˬyehˇ-ahˇ aˬ yawꞈ naˇ haˬ-euˬ meh. “Aˬ yawꞈ maꞈ-ahˇ guiˇ deuˆ-iˇ-awˇ, Kiˇlahˬ meuˬ-ahˇ ka kʼoꞈ nehˬ-awˬ” lehˇ, Sahˬpaˬ Miˬyehˇ ehˇ-eu meh.

1 Saˬmeuˬlaˆ 23:23

Aˬ yawꞈ aˬ geu tsahˇ-ahˇ dzuˇ zaꞈ luꞈ nga lehˇ yaw duˬ duˬ-ehˇ haw duˬ-awˇ, ngaˇ jawˇ gaˇ yaw kawˇ-ehˇ cehˆ gaˬ laˇ-awˬ. Kʼoeˇ naˇ, naw maꞈ nehˬ-ehˇ ngaˇ oe-awˇ, gahˬ kaˬ kʼoeˇ kaˬ laꞈ kʼoeˇ aˬ yawꞈ maˬ cehˆ doˆ dah-ehˇ jawˇ naˇ, shaˬ teh teh-eu loꞈ-ehˇ aˬ yawꞈ-ahˇ poˆ ma. Yuˇdaˆ miˇ kʼahˬ kʼahˬ lah ni ya poˆ doe paˬ-ehˇ gʼeh naˇ kʼawꞈ poˆ doe tehꞈ-a.”

1 Saˬmeuˬlaˆ 23:26

Gawˬ jawˬ tiˬ jawˬ-ahˇ tehꞈ-ehˇ, Sawˇluˆ hawˇ-eu aˬ yawꞈ-euˬ tsawˇ haˬ deuˬ tiˬ paw dzeˇ kʼaˇ-ahˇ jawˇ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ tiˬ paw dzeˇ kʼaˇ-ahˇ jawˇ luꞈ-eu meh. Sawˇluˆ hawˇ-eu aˬ yawꞈ-euˬ tsawˇ haˬ deuˬ teh miˇ laˇ paˬ-ehˇ pyeuꞈ laˇ-awˇ, aˬ yawꞈ maꞈ-ahˇ nyehꞈ mi shaw-iˬ-eu miˇ neh, Daˬbiˇ hawˇ-eu aˬ yawꞈ-euˬ tsawˇ haˬ deuˬ cehˆ tehˇ tehˬ luꞈ-eu meh.

1 Saˬmeuˬlaˆ 23:4

Kʼoeˇ miˇ neh, Sahˬpaˬ Miˬyehˇ-ahˇ Daˬbiˇ tiˬ poˆ paˇ naˇ haˬ-euˬ meh. Sahˬpaˬ Miˬyehˇ ehˇ-eu, “Kiˇlahˬ meuˬ-ahˇ guiˇ deuˆ-iˇ-awˬ. Aˬ jeˬ miˇ neh ehˇ naˇ, naw maꞈ-ahˇ Piˇliˇtiˆ tsawˇ haˬ deuˬ kʼoeˇ taˆ ngaˇ bi gʼaˬ leˇ ma.”