1 Saˬmeuˬlaˆ 23:11 - Akha

¹¹ Kiˇlahˬ meuˬ-ahˇ jawˇ-eu tsawˇ haˬ deuˬ, ngaˬ-ahˇ Sawˇluˆ-euˬ aˬ laꞈ laꞈ kʼoeˇ a nehˬ tehꞈ-a loˇ. Ngaˬ neh ya gaˬ taˬ-euˬ loꞈ-ehˇ, Sawˇluˆ aˬ diˇ oe tehꞈ-a loˇ. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, gaˇ kawˆ heu ngaˬ-ahˇ tiˬ poˆ ehˇ nehˬ laꞈ-eu gʼaˇ duˬ, ngaˇ nawˬ-ahˇ shaˇ-eu ma.” Sahˬpaˬ Miˬyehˇ ehˇ-eu, “Sawˇluˆ aˬ diˇ oe tehꞈ-a.”

1 Saˬmeuˬlaˆ 23:11 Iomraidhean Croise

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Yeˬlaˬmiˇ 11:18

Muiˇ-eu deuˬ ngaˬ-ahˇ yaw doeˇ jahˇ-eu lehˇ gʼeh-eu gaˇ kawˆ, Sahˬpaˬ Miˬyehˇ ngaˬ-ahˇ bi siˬ laꞈ-euˬ meh.

Yeˬlaˬmiˇ 33:3

“Ngaˬ-ahˇ kuˇ naˇ, ngaˇ oˬ toˬ nehˬ ma. Nawˇ tiˬ pawꞈ-iˬ maˬ siˬ nya-eu zahˬ dui dui leˇ paˬ-ehˇ gʼeh-eu gaˇ kawˆ deuˬ, nawˬ-ahˇ ngaˇ ehˇ nehˬ ma.

1 Saˬmeuˬlaˆ 23:10

Daˬbiˇ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu ngaˇ heu gaˇ jawˇ luꞈ-eu miˇ neh, Kiˇlahˬ meuˬ heu meuˬ-ahˇ Sawˇluˆ laˆ cawˆ le-eu lehˇ lehˬ hmˬ luꞈ-eu gaˇ kawˆ, ngaˇ ya gaˬ duˬ taˬ-euˬ ma.

1 Saˬmeuˬlaˆ 23:12

Daˬbiˇ tiˬ poˆ paˇ ehˇ-eu, “Kiˇlahˬ meuˬ-ahˇ jawˇ-eu tsawˇ haˬ deuˬ, ngaˇ hawˇ-eu ngaˬ-euˬ tsawˇ haˬ deuˬ-ahˇ, Sawˇluˆ-euˬ aˬ laꞈ laꞈ kʼoeˇ a nehˬ tehꞈ-a loˇ.” Sahˬ paˬ Miˬyehˇ ehˇ-eu, “A nehˬ tehꞈ-a” lehˇ Sahˬpaˬ Miˬyehˇ ehˇ kʼoꞈ nehˬ-euˬ meh.