1 Saˬmeuˬlaˆ 20:1 - Akha

¹ Laˬmahˇ gahˬ kaˬ laꞈ kʼoeˇ jaˆ-eu Naˬiˇyoˆ pu-ahˇ neh Daˬbiˇ cehˆ doˆ-awˇ, Yawˇnaˆshaˬ jawˇ gaˇ le-awˇ, “Ngaˇ aˬ jeˬ mˇ bahˬ taˬ-euˬ jaˆ ta. Aˬ jeˬ iˬ baˇ ahˇ ta. Nawˬ da ngaˬ-ahˇ sehꞈ mawꞈ paˬ-ehˇ, aˬ yawꞈ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta” lehˇ naˇ haˬ-euˬ meh.

1 Saˬmeuˬlaˆ 20:1 Iomraidhean Croise

Jaceuq 54:3

Biˇ siˇ siˇ-eu tsawˇ haˬ deuˬ ngaˬ-ahˇ ceh le-eu lehˇ oe luꞈ meh. Gʼawˬ shaˬ gaˬ-eu maˬ siˬ nya-eu, Miˬyehˇ-ahˇ yaw zeu maˬ baw-eu tsawˇ haˬ deuˬ, ngaˬ-ahˇ sehꞈ-eu lehˇ oe luꞈ meh.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Beˬtuˆluˆ 2:9

Kʼoeˇ miˇ neh, Yaˇ kʼaˬ daˇ-eu Aˇ nah gʼaˇ duˬ, Miˬyehˇ-ahˇ yaw zeu baw-eu tsawˇ haˬ deuˬ-ahˇ aˬ joˆ-ehˇ bi buˬ-iˇ-eu gaˇ kawˆ hawˇ-eu, haiˬ-eu tsawˇ haˬ deuˬ-ahˇ aˬ joˆ-ehˇ ya kʼehˬ ya kʼaˆ nehˬ-eu gaˇ kawˆ, Miˬyehˇ siˬ nya meh.

1 Yoˇhaˬ 3:21

Kʼoeˇ miˇ neh ngaˇ gaˬ dui dui-eu cawˬ deuˬ-oˇ, aˬ dui-euˬ nui ma aˬ dui-ahˇ iˬ baˇ taˬ kʼaˇ maˬ za naˇ, Miˬyehˇ mehˬ shi aˬ dui nui ma ziꞈ dah ni jaˆ-eu ma.

1 Saˬmeuˬlaˆ 12:3

Nymˬ-mˇ ngaˇ heu gaˇ yawꞈ luꞈ-eu ma. Ngaˬ neh mˇ lehˬ taˬ-euˬ tiˬ jeˬ paˬ jaˆ naˇ, Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ mehˬ shi nymˬ-mˇ ehˇ doˆ-awˬ. Aˬ cawˬ-euˬ mawˇ neˇ hawˇ-eu aˬ cawˬ-euˬ mahˬ tahˬ laˆ-ahˇ ngaˬ neh yuˇ geuꞈ taˬ-euˬ jaˆ ta loˇ. Ngaˬ neh aˬ cawˬ-ahˇ myawꞈ dzaˬ kʼaˆ dzaˬ-euˬ jaˆ ta loˇ. Aˬ cawˬ neh laꞈ nmꞈ nmꞈ nehˬ laꞈ-euˬ jeˬ-ahˇ ngaˬ neh ha geuꞈ-euˬ jaˆ ta loˇ. Heu loꞈ-ehˇ gʼeh-eu jeˬ ngaˬ neh mˇ taˬ-euˬ jaˆ naˇ, ngaˬ neh kʼaˇ yuˇ-euˬ jeˬ ngaˇ biꞈ kʼoꞈ ma.”

1 Saˬmeuˬlaˆ 19:1

Sawˇluˆ-aˬ, aˬ yawꞈ-euˬ aˬ li Yawˇnaˆshaˬ hawˇ-eu aˬ yawꞈ-eu gaˇ mˇ-eu yaw huiˬ yaw mahˇ deuˬ-ahˇ, Daˬbiˇ-ahˇ aˬ yawꞈ sehꞈ-eu lehˇ lehˬ hmˬ luꞈ-eu gaˇ kawˆ ehˇ mehˬ nehˬ-euˬ meh. Ehˇ kʼawꞈ, Yawˇnaˆshaˬ gʼaˬ Daˬbiˇ-ahˇ gʼoeˇ dui dui-eu meh.

1 Saˬmeuˬlaˆ 19:18

Daˬbiˇ cehˆ dzeuˇ-awˇ, Laˬmahˇ meuˬ-ahˇ Saˬmeuˬlaˆ jawˇ gaˇ le-awˇ, Sawˇluˆ neh aˬ yawꞈ-ahˇ kʼaˇ jahˇ nehˬ-euˬ jeˬ dawˬ tawˆ luꞈ dzawˇ nehˬ-euˬ meh. Kʼoeˇ naˇ, Saˬmeuˬlaˆ aˬ yawꞈ nyaꞈ Naˬiˇyoˆ pu-ahˇ iˇ-awˇ jawˇ-euˬ meh.

1 Saˬmeuˬlaˆ 20:2

Yawˇnaˆshaˬ ehˇ-eu, “Miˬyehˇ nawˬ-ahˇ shiˇ gaˇ maˬ bi keuˆ-a. Ngaˬ da-aˬ, huiˬ-eu gaˇ maˬ ehˇ, nyiˇ-eu gaˇ maˬ ehˇ, aˬ yawꞈ kʼaˇ mˇ-eu lehˇ gʼeh-eu jeˬ dawˬ tawˆ luꞈ ngaˬ-ahˇ ehˇ nehˬ laꞈ-eu meh. Gaˇ kawˆ heu hmˬ kʼawꞈ, aˬ yawꞈ ngaˬ-ahˇ maˬ ehˇ nehˬ laꞈ ni maˬ zaꞈ taˬ-aˇ. Nawˇ ehˇ-eu loꞈ-ehˇ maˬ ngeuˇ-eu paˬ”

1 Saˬmeuˬlaˆ 20:32

Yawˇnaˆshaˬ ehˇ-eu, “Aˬ yawꞈ aˬ jeˬ mˇ taˬ-euˬ jaˆ-eu miˇ neh, aˬ yawꞈ-ahˇ ya sehꞈ ta.”

1 Saˬmeuˬlaˆ 24:11

Ngaˬ-euˬ aˬ da-oˇ, heu gaˇ haw sheˇ. Ngaˇ tuˆ tehˬ luꞈ-eu nawˬ-euˬ pehˇ kʼahˬ pehˇ dahˬ-ahˇ haw sheˇ. Nawˬ-ahˇ ngaˇ sehꞈ-eu yehꞈ laˇ-euˬ kʼawꞈ maˬ sehꞈ ni, pehˇ kʼahˬ pehˇ dahˬ tehꞈ-ehˇ yehˬ tsehˆ-euˬ ma. Heu gaˇ haw-awˇ, ngaˬ-euˬ nui ma laꞈ kʼoeˇ, nawˬ-ahˇ puiˬ mawꞈ-eu jeˬ hawˇ-eu laˆ tahˬ laˆ naˇ nehˬ mawꞈ-eu jeˬ tiˬ pawꞈ-iˬ maˬ ahˇ nga lehˇ, nawˇ siˬ duˬ-awˬ. Ngaˬ neh nawˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ kʼawꞈ, ngaˬ-ahˇ sehꞈ-eu lehˇ nawˇ poˆ luꞈ meh.

1 Saˬmeuˬlaˆ 24:12

Aˇ nyaꞈ aˬ geu gʼaˬ lehˬ-eu nga lehˇ, Sahˬpaˬ Miˬyehˇ yaˇ kʼaˬ daˇ luꞈ-uˇ. Nawˬ neh ngaˬ-ahˇ mˇ lehˬ-euˬ jeˬ baˬ da neh, Sahˬpaˬ Miˬyehˇ nawˬ-ahˇ jahˇ kʼoꞈ nehˬ luꞈ-uˇ. Ehˇ kʼawꞈ, ngaˇ nawˬ-ahˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ ni jawˇ ma.

1 Saˬmeuˬlaˆ 24:17

Kʼoeˇ naˇ, Daˬbiˇ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Nawˇ-aˬ, ngaˇ naˆ maˬ tseˇ tsaˬ-eu dawˇ-eu tsawˇ haˬ pyeuꞈ-eu meh. Nawˬ-ahˇ ngaˇ yaw doeˇ mˇ nehˬ-euˬ kʼawꞈ, nawˇ ngaˬ-ahˇ yaw muiˬ jeˬ mˇ kʼoꞈ nehˬ laꞈ-euˬ meh.

1 Saˬmeuˬlaˆ 24:9

Sawˇluˆ-ahˇ Daˬbiˇ ehˇ nehˬ-eu, “Nawˬ-ahˇ laˆ tahˬ laˆ naˇ-eu gʼaˇ duˬ ngaˇ leh jeh luꞈ meh lehˇ ehˇ-eu tsawˇ haˬ deuˬ-euˬ dawˬ-ahˇ, aˬ jeˬ miˇ neh nawˇ naˇ haˬ te.

1 Saˬmeuˬlaˆ 26:18

Daˬbiˇ ehˇ-eu, “Sahˬ paˬ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ, aˬ jeˬ miˇ neh iˬ nah keuˆ ni teh luꞈ te.