1 Saˬmeuˬlaˆ 18:12 - Akha

¹² Daˬbiˇ-ahˇ Sawˇluˆ guˆ-eu meh. Aˬ jeˬ miˇ neh ehˇ naˇ, Daˬbiˇ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ-ahˇ Sahˬpaˬ Miˬyehˇ byehˇ dzeh-euˬ meh.

1 Saˬmeuˬlaˆ 18:12 Iomraidhean Croise

2 Saˬmeuˬlaˆ 5:10

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ tiˬ jawˇ saˇ-iˬ tiˬ jawˇ gʼaˬ kʼaˆ laˇ luꞈ-eu meh.

2 Laˬsaˬbaˬ 17:3

Yeˬhawˇshaˬpaˇ-ahˇ Sahˬpaˬ Miˬyehˇ guiˬ lahˬ biꞈ-eu meh. Aˬ jeˬ miˇ neh ehˇ naˇ, yaw beh aˬ yawꞈ aˬ da yaw muiˬ paˬ-ehˇ dehꞈ ngeh loꞈ-ehˇ aˬ yawꞈ dehꞈ-awˇ, Baˬlaˇ miˬ yehˇ-ahˇ uˬ duˬ maˬ tahˬ-a.

Jaceuq 51:11

Nawˬ nehˬ-ehˇ maˬ bi jawˇ ni taˬ sheuˬ dzeh nehˬ laꞈ muiˬ-eu shawˇ-eu nawˬ-euˬ yaw sahˇ ngaˬ-ahˇ taˬ bi byehˇ dzeh nehˬ laꞈ.

Jaceuq 53:5

Aˬ yawꞈ-euˬ tsawˇ haˬ-ahˇ muiˇ-eu deuˬ-euˬ shaˬ yoeˬ-ahˇ, Miˬyehˇ ngawˬ kʼehꞈ ngawˬ kʼoeˆ-awˇ byaˆ dzeh ngeh, tiˬ jawˇ-iˬ maˬ puˬ maˬ mawˇ haw-euˬ guˆ-eu gaˆ-eu jeˬ, aˬ yawꞈ maꞈ tahˬ puˬ-awˇ laˇ baˇ-iˇ tehꞈ-a. Aˬ yawꞈ maꞈ-ahˇ Miˬyehˇ byehˇ dzeh nehˬ-euˬ miˇ neh Iˇsaˬleˬlaˆ tsawˇ jeuˬ aˬ yawꞈ maꞈ-ahˇ nui kʼahˇ tiˬ shiˇ gʼaˬ leˇ tehꞈ-a.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Luˇkaꞈ 8:37

Miˇ kʼahˬ kʼoeˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ guˆ dui dui-awˇ, Yeˬsuˇ-ahˇ aˬ yawꞈ maꞈ-euˬ miˇ kʼahˬ laꞈ kʼoeˇ neh doˆ-iˇ nehˬ laꞈ lehˇ shaˇ-eu meh. Kʼoeˇ ngeh, Yeˬsuˇ lawˬ dziˬ-awˇ doˆ-iˇ-euˬ meh.

Gʼaˬkʼehˇ 24:25

Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

Gʼaˬkʼehˇ 7:9

“Yaˬkoˆ-euˬ aˬ li deuˬ-aˬ, aˬ yawꞈ ha mehˇ nmˇ-euˬ aˬ nyiˇ Yoˇsehˆ-ahˇ myaˆ naˆ-eu miˇ neh, aˬ cawˬ-ahˇ ahˬ nehˬ-awˇ, aˬ cawˬ neh Iˇjiˇtuˆ miˆ kʼahˬ-ahˇ zaˬ kʼaˆ bi geuꞈ-iˇ-eu gʼaˇ duˬ ahˬ dzaˬ-euˬ meh. Ehˇ kʼawꞈ, Yoˇsehˆ-ahˇ Miˬyehˇ maˬ byehˇ dzeh-ehˇ,

Yaˇ kʼaˬ daˇ 16:20

“Saˬsoˬ-oˇ, Piˇliˇtiˆ tsawˇ haˬ deuˬ laˇ luꞈ meh” lehˇ Deˬliˇlaˆ kuˇ ngeh, aˬ yawꞈ noeˬ laˇ-awˇ, “Aˬ myah myah loꞈ-ehˇ teuˆ puiˇ-awˇ doˆ-iˇ ma” lehˇ aˬ yawꞈ noeˬ-euˬ meh. Sahˬpaˬ Miˬyehˇ aˬ yawꞈ-ahˇ byehˇ dzeh-euˬ gaˇ kawˆ aˬ yawꞈ maꞈ siˬ nya-a.

1 Saˬmeuˬlaˆ 16:18

Aˬ yawꞈ-euˬ zaˬ kʼaˆ tiˬ gʼaˬ ehˇ-eu, “Behˬlehˬhehˬ meuˬ-ahˇ jawˇ-eu Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ deuˇ-mˬ yaw muiˬ paˬ-ehˇ diˬ nya-eu aˬ li tiˬ li jawˇ meh. Aˬ li kʼoeˇ gʼaˬ nui ma kʼaˬ duˬ ni gʼeh-awˇ aˇ gʼehˇ muiˬ-eu uˬ taꞈ, muiˬ-eu yehˇ tiˬ gʼaˬ pyeuꞈ-awˇ, dawˬ ngehˬ-eu kʼawꞈ yaw nya meh. Aˬ yawꞈ nehˬ-ehˇ Sahˬpaˬ Miˬyehˇ jawˇ-eu meh.”

1 Saˬmeuˬlaˆ 16:4

Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.

1 Saˬmeuˬlaˆ 18:15

Daˬbiˇ kʼoeˇ loꞈ-ehˇ mˇ pyeuꞈ shaˇ pyeuꞈ nya gaˇ Sawˇluˆ ya mawˇ ngeh, Daˬbiˇ-ahˇ paˇ guˆ dzehˬ laˇ-euˬ meh.

1 Saˬmeuˬlaˆ 18:20

Sawˇluˆ-euˬ aˬ buˇ Miˇkaˬlaˇ gʼaˬ, Daˬbiˇ-ahˇ mawꞈ leˇ-eu meh. Gaˇ kawˆ kʼoeˇ Sawˇluˆ ya gaˬ ngeh, laꞈ kʼaˬ cehˇ-eu meh.

1 Saˬmeuˬlaˆ 20:13

Nawˬ-ahˇ yaw dehꞈ-ehˇ maˬ taˬ lehˇ aˬ yawꞈ noeˬ luꞈ-eu ngaˇ ya siˬ ngeh, gaˇ kawˆ kʼoeˇ nawˬ-ahˇ ngaˇ maˬ ehˇ gaˬ le-ehˇ, nawˬ-ahˇ maˬ sheuˬ buˬ nehˬ ni ngaˇ jawˇ naˇ, Sahˬpaˬ Miˬyehˇ ngaˬ-ahˇ sehꞈ luꞈ-uˇ. Ngaˬ da nehˬ-ehˇ Sahˬpaˬ Miˬyehˇ jawˇ-eu loꞈ-ehˇ, nawˬ nehˬ-ehˇ kʼawꞈ jawˇ luꞈ-uˇ.

1 Saˬmeuˬlaˆ 22:13

Sawˇluˆ ehˇ-eu, “Aˬ jeˬ miˇ neh Daˬbiˇ naw maꞈ ngaˬ-ahˇ puiˬ-eu lehˇ leh jeh te. Aˬ jeˬ miˇ neh Daˬbiˇ-ahˇ dzaˬ dzaˬ dawˇ dawˇ hawˇ-eu mi cehˇ biꞈ-awˇ, aˬ yawꞈ gʼaˇ duˬ Sahˬpaˬ Miˬyehˇ-ahˇ mehˬ bawˬ mˇ nehˬ teˬ. Nymˬ-mˇ ngaˇ jawˇ gaˇ neh aˬ yawꞈ cehˆ doˆ-awˇ, ngaˬ-ahˇ sehꞈ-eu lehˇ nawˬ jawˬ luꞈ meh.”

1 Saˬmeuˬlaˆ 28:15

Sawˇluˆ-ahˇ Saˬmeuˬlaˆ ehˇ nehˬ-eu, “Aˬ jeˬ miˇ neh nawˇ ngaˬ-ahˇ laˆ bahˬ te. Aˬ jeˬ loˬ-eu miˇ neh ngaˬ-ahˇ paˇ kuˇ kʼoꞈ te.” Sawˇluˆ ehˇ-eu, “Ngaˇ shaˬ zahˬ naꞈ dui dui luꞈ-eu ma. Piˇliˇtiˆ tsawˇ haˬ deuˬ ngaˬ-ahˇ guiˇ deuˆ le-awˇ, Miˬyehˇ ngaˬ-ahˇ byehˇ dzeh nehˬ laꞈ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ maˬ ehˇ, yuꞈ maˆ maˆ-eu laꞈ kʼoeˇ maˬ ehˇ, aˬ yawꞈ ngaˬ-ahˇ tiˬ jeˬ-iˬ maˬ ehˇ nehˬ laꞈ-a. Kʼoeˇ miˇ neh, ngaˇ aˬ joˆ-ehˇ ya jahˇ-eu gaˇ kawˆ bi ehˇ nehˬ laꞈ-eu gʼaˇ duˬ, nawˬ-ahˇ ngaˇ ya kuˇ-eu jeˬ pyeuꞈ-eu ma.”

1 Saˬmeuˬlaˆ 3:19

Saˬmeuˬlaˆ huiˬ laˇ luꞈ-eu loꞈ-ehˇ, Sahˬpaˬ Miˬyehˇ aˬ yawꞈ nehˬ-ehˇ jawˇ-awˇ, aˬ yawꞈ neh kʼaˇ ehˇ-euˬ jeˬ bi pyeuꞈ laˇ-euˬ meh.