1 Saˬmeuˬlaˆ 18:1 - Akha

¹ Sawˇluˆ hawˇ-eu Daˬbiˇ aˬ nyaꞈ dawˬ ngehˬ cawˬ gʼaˬ ngeh, Sawˇ luˆ-euˬ aˬ li Yawˇnaˆshaˬ gʼaˬ Daˬbiˇ-ahˇ nui kʼahˇ shiˇ dui dui-awˇ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ Daˬbiˇ-ahˇ gaˬ-euˬ meh.

1 Saˬmeuˬlaˆ 18:1 Iomraidhean Croise

Aˇ dahˬ 44:30

“Kʼoeˇ miˇ neh Sahˬ paˬ-oˇ, ngaˬ ha mehˇ nmˇ-euˬ aˬ da yaw dehꞈ dehꞈ-eu jeˬ-aˬ, aˬ nyiˇ nyiˇ saˬ gʼaˬ-euˬ kʼoeˇ taˆ jaˆ-eu miˇ neh, aˬ nyiˇ nyiˇ saˬ gʼaˬ maˬ ahˇ ni ngaˬ da jawˇ gaˇ ngaˬ ha mehˇ nmˇ aˬ joˆ-ehˇ gʼoꞈ leˇ peuˬ nmˇ.

2 Saˬmeuˬlaˆ 1:26

Ngaˬ-euˬ mehˇ nmˇ Yawˇnaˆshaˬ-oˇ, nawˬ-ahˇ noeˬ-eu maˬ jiˇ leˇnya. Ngaˬ-euˬ dawˬ peh nawˇ jawˇ luꞈ ngeh, ngaˇ laˬ kʼaˬ cehˇ dui dui-euˬ ma. Nawˬ neh ngaˬ-ahˇ gaˬ-euˬ kʼoeˇ-aˬ, zaˬ miˬ zaˬ gaˬ-eu naˆ maˬtseˇ, maˬ ehˇ jiˇ coeˇ ni myaˬ-eu meh.

1 Laˬsaˬbaˬ 12:17

Daˬbiˇ aˬ yawꞈ maꞈ-ahˇ tahˬ puˬ-iˇ-awˇ ehˇ-eu, “Naw maꞈ cawˬ cawˬ mawꞈ-euˬ nui ma ahˇ-awˇ, ngaˬ-ahˇ caw ba le-eu lehˇ laˇ-euˬ ngeuˇ naˇ, naw maꞈ-ahˇ ngaˇ ha geuꞈ ma. Ehˇ kʼawꞈ, muiˇ-eu deuˬ-euˬ aˬ laꞈ laꞈ kʼoeˇ, naw maꞈ ngaˬ-ahˇ a ahˇ nehˬ-eu lehˇ noeˬ taˬ-euˬ jaˆ naˇ, ngaˇ naw maꞈ-ahˇ tiˬ jeˬ-iˬ maˬ jahˇ kʼawꞈ, aˬ dui-euˬ aˬ poeˬ aˬ bawˇ deuˬ-euˬ Miˬyehˇ siˬ nya-awˇ, naw maꞈ-ahˇ kʼehˬ nehˬ kʼaˆ nehˬ laꞈ tehꞈ-a.”

Jaceuq 86:11

Sahˬpaˬ Miˬyehˇ-oˇ, nawˇ bi mˇ mawꞈ-eu jeˬ mˇ nya ni, ngaˬ-ahˇ mehˬ nehˬ tsoˆ nehˬ laꞈ-awˬ. Nawˬ-euˬ dawˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ ma. Nawˬ-ahˇ nui ma gʼawˇ mawˇ a nehˬ nya ni mehˬ nehˬ tsoˆ nehˬ laꞈ-awˬ.

Dawqdaq 18:24

Cawˬ kʼaˇ ngeuˇ-eu yaw gʼoeˇ maˬ ngeuˇ, cawˬ muiˬ mehˇ nmˇ maˬ tseˇ tawˬ-mˇ jeˇ.

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

Gawˇlawˇsehˇ 2:2

Aˬ yawꞈ maꞈ-euˬ nui ma kʼaˬ duˬ ni pyeuꞈ laˇ-awˇ, gʼoeˇ-eu gaˬ-eu jeˬ laꞈ kʼoeˇ nui ma tiˬ siˬ tehꞈ-ehˇ taˬ nya laˇ-awˇ, yaw muiˬ paˬ-ehˇ gʼoˆ siˬ gʼoˆ shaw nya-eu baˬ da neh yaw duˬ yaw ciˇ baw laˇ ni, ngaˇ kʼoeˇ loꞈ-ehˇ mˇ luꞈ-eu ma. Kʼoeˇ loꞈ-ehˇ mˇ-eu baˬ da neh, Miˬyehˇ neh zaꞈ taˬ-eu jeˬ pyeuꞈ-eu Ka li-ahˇ aˬ yawꞈ maꞈ siˬ nya laˇ tehꞈ-a.

Yaˇ kʼaˬ daˇ 20:11

Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ nui ma tiˬ siˬ tehꞈ-ehˇ taˬ-awˇ, Giˇbyaˬ meuˬ-ahˇ guiˇ deuˆ-eu gʼaˇ duˬ uiˬ leˇ-euˬ meh.

1 Saˬmeuˬlaˆ 14:45

Ehˇ kʼawꞈ, Iˇsaˬleˬlaˆ tsawˇ haˬ deuˬ Sawˇluˆ-ahˇ ehˇ nehˬ-eu, “Iˬ nah Iˇsaˬleˬlaˆ miˇ kʼahˬ gʼaˇ duˬ huiˬ dui dui-eu guiˇ heu deuˆ gʼaˬ-euˬ gʼaˬ pyeuꞈ-eu Yawˇnaˆshaˬ-ahˇ ya bi shiˇ ta loˇ. Tiˬ jeˬ gʼeh-awˇ neh-iˬ teu loꞈ-ehˇ maˬ bi jahˇ. Aˬ yawꞈ-euˬ uˬ duˬ tsehˇ kahˇ tiˬ kahˇ tehꞈ-ehˇ kʼawꞈ miˇ tsa maˬ bi ga iˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nga maꞈ saˇ jaˇ dzaˬ-eu ma. Iˬ nah aˬ yawꞈ neh mˇ-euˬ huiˬ-eu gaˇ heu-aˬ, Miˬyehˇ neh caw ba nehˬ-euˬ laꞈ kʼoeˇ mˇ-euˬ gaˇ pyeuꞈ-eu meh.” Kʼoeˇ loꞈ-ehˇ ehˇ-awˇ, Yawˇnaˆshaˬ maˬ ya shiˇ ni Iˇsaˬleˬlaˆ tsawˇ haˬ kʼoeˇ deuˬ neh ka kʼoꞈ-euˬ meh.

1 Saˬmeuˬlaˆ 18:3

Yawˇnaˆshaˬ-aˬ, maˬ shiˇ tiˬ ziˇ Daˬbiˇ nehˬ-ehˇ cawˬ cawˬ daˆ leꞈ-eu gʼaˇ duˬ saˇ jaˇ dzaˬ-euˬ meh. Aˬ jeˬ miˇ neh ehˇ naˇ, Daˬbiˇ-ahˇ aˬ yawꞈ nui kʼahˇ shiˇ dui dui-eu meh.

1 Saˬmeuˬlaˆ 19:1

Sawˇluˆ-aˬ, aˬ yawꞈ-euˬ aˬ li Yawˇnaˆshaˬ hawˇ-eu aˬ yawꞈ-eu gaˇ mˇ-eu yaw huiˬ yaw mahˇ deuˬ-ahˇ, Daˬbiˇ-ahˇ aˬ yawꞈ sehꞈ-eu lehˇ lehˬ hmˬ luꞈ-eu gaˇ kawˆ ehˇ mehˬ nehˬ-euˬ meh. Ehˇ kʼawꞈ, Yawˇnaˆshaˬ gʼaˬ Daˬbiˇ-ahˇ gʼoeˇ dui dui-eu meh.

1 Saˬmeuˬlaˆ 19:2

Kʼoeˇ miˇ neh, Daˬbiˇ-ahˇ Yawˇnaˆshaˬ ehˇ nehˬ-eu, “Ngaˬ da nawˬ-ahˇ sehꞈ-eu lehˇ gʼeh-eu meh. Nawˇ yahˇ pawˇ-eu laꞈ kʼoeˇ, ni shawˬ uˬ shawˬ paw tiˬ gaˇ cehˆ zaꞈ-iˇ-awˇ jawˇ-awˬ.

1 Saˬmeuˬlaˆ 20:17

Yawˇnaˆshaˬ-ahˇ Daˬbiˇ gaˬ ni, Yawˇ naˆshaˬ neh Daˬbiˇ-ahˇ saˇ jaˇ paˇ bi dzaˬ poˆ-euˬ meh. Aˬ jeˬ miˇ neh ehˇ naˇ, Yawˇnaˆshaˬ-aˬ, yawˬ ha-euˬ gʼawˇ mawˇ-ahˇ gaˬ-eu loꞈ-ehˇ Daˬbiˇ-ahˇ gaˬ-eu meh.

1 Saˬmeuˬlaˆ 20:8

Nawˬ neh ngaˬ nehˬ-ehˇ dzaˬ taˬ-euˬ muiˬ-eu shawˇ-eu saˇ jaˇ-ahˇ nawˇ ziꞈ-eu laꞈ kʼoeˇ, ngaˬ-ahˇ kʼoeˇ loꞈ-ehˇ tiˬ poˆ caw ba nehˬ laꞈ-awˬ. Ehˇ kʼawꞈ, ngaˇ iˬ baˇ ahˇ-eu ngeuˇ naˇ, nawˇ ngaˬ-ahˇ sehꞈ-awˬ. Nawˬ da neh ngaˬ-ahˇ bi sehꞈ-eu gʼaˇ duˬ, nawˇ ngaˬ-ahˇ nawˬ da jawˇ gaˇ sheuˬ gʼeh sheuˬ gʼeh-ehˇ jeuˬ-eu maˬ loˬ-aˇ.”

1 Saˬmeuˬlaˆ 22:8

Naw maꞈ kʼoeˇ loꞈ-ehˇ noeˬ-awˇ ngaˬ-ahˇ puiˬ-eu lehˇ gʼeh te loˇ. Ngaˬ li Yawˇnaˆshaˬ Daˬbiˇ-ahˇ nui ma taꞈ-eu gaˇ kawˆ naw maꞈ tiˬ gʼaˬ-iˬ ngaˬ-ahˇ maˬ ehˇ nehˬ laꞈ-aˬ. Naw maꞈ tiˬ gʼaˬ-iˬ ngaˬ-euˬ gʼaˇ duˬ maˬ shaˇ noeˬ nehˬ laꞈ ni, ngaˬ-euˬ tsawˇ haˬ tiˬ gʼaˬ pyeuꞈ-eu Daˬbiˇ ngaˬ-ahˇ sehꞈ-eu lehˇ nymˬ-mˇ leh jeh luꞈ-eu gaˇ kawˆ hawˇ-eu, Daˬbiˇ kʼoeˇ loꞈ-ehˇ leh jeh gaˇ ngaˬ li gʼaˬ baꞈ baꞈ-eu gaˇ kawˆ heu, naw maꞈ ngaˬ-ahˇ maˬ ehˇ nehˬ laꞈ ni jawˇ-eu meh.”

1 Saˬmeuˬlaˆ 23:18

Aˬ yawꞈ nyaꞈ tiˬ gʼaˬ tiˇ gʼaˬ maˬ byehˇ ni cawˬ cawˬ taꞈ-eu gʼaˇ duˬ, muiˬ-eu shawˇ-eu saˇ jaˇ dzaˬ taꞈ-euˬ meh. Kʼoeˇ naˇ, Daˬbiˇ gʼaˬ Hawˇlehˆ-ahˇ jawˇ yaꞈ-awˇ, Yawˇnaˆshaˬ gʼaˬ gʼoꞈ ka-iˇ-euˬ meh.