1 Saˬmeuˬlaˆ 16:11 - Akha

¹¹ Kʼoeˇ naˇ, “Nawˬ-euˬ aˬ li nui gʼaˬ jawˇ te siˬ loˇ” lehˇ, Yeˬshehˇ-ahˇ Saˬmeuˬlaˆ laˇ naˇ haˬ-euˬ meh. Yeˬshehˇ ehˇ-eu, “Aˬ li zaˬ saˬ gʼaˬ jawˇ te siˬ. Ehˇ kʼawꞈ, aˬ yawꞈ yawˇ bo-iˇ dzeuˇ-euˬ meh.” Saˬmeuˬlaˆ ehˇ-eu, “Aˬ yawꞈ-ahˇ bi kuˇ kʼoꞈ laˬ-iˇ-awˬ. Aˬ yawꞈ maˬ gʼoꞈ keuˆ laˇ kʼoeˇ keuˆ ni aˬ dui maꞈ maˬ lawˇ maˬ shehˇ-ehˇ jawˇ tawˬ ma.”

1 Saˬmeuˬlaˆ 16:11 Iomraidhean Croise

2 Saˬmeuˬlaˆ 13:3

Daˬbiˇ-euˬ aˇ doˆ Shaˬmahˇ-euˬ aˬ li Yawˇnaˬdehˇ lehˇ myahˇ-euˬ Aˬmaˬnoˬ-euˬ cawˬ tiˬ gʼaˬ jawˇ-eu meh.

2 Saˬmeuˬlaˆ 7:8

“Kʼoeˇ miˇ neh, Baoˬ huiˬ-eu, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, ngaˬ-eu zaˬ kʼaˆ Daˬbiˇ-ahˇ ehˇ nehˬ-awˬ. ‘Deh ga-ahˇ yawˇ bo luꞈ-eu gʼaˬ pyeuꞈ-eu nawˬ-ahˇ ngaˇ kuˇ-awˇ, ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ kʼoeˇ taˆ bi uˆ lahˇ-euˬ ma.

1 Laˬsaˬbaˬ 17:7

“Kʼoeˇ miˇ neh, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, ngaˬ-euˬ zaˬ kʼaˆ Daˬbiˇ-ahˇ ehˇ nehˬ-awˬ. ‘Deh ga-ahˇ yawˇ bo luꞈ-eu gʼaˬ pyeuꞈ-eu nawˬ-ahˇ ngaˇ kuˇ-awˇ, ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-euˬ ma.

Doˆ-iˇ 3:1

Nymˬ-mˇ poˆ jawˇ, Moˇseˬ-aˬ, Miˇdiˬyaˬ miˇ kʼahˬ-euˬ piˇ ma pyeuꞈ-eu, aˬ yawꞈ-euˬ tsawˇ mawˬ Yeˬdaˬyoˇ-euˬ jeˬ zaˬ deuˬ-ahˇ bo saˆ luꞈ-eu meh. Tiˬ nah keuˆ laˇ ngeh, Moˇseˬ jeˬ zaˬ kʼoeˇ deuˬ teh-awˇ, bawˇ tsahˬ bawˇ dahˇ le dzeuˇ leꞈ-awˇ, muiˬ-eu shawˇ-eu Siˇnaˆ gawˬ jawˬ-ahˇ le keuˆ-euˬ meh.

1 Saˬmeuˬlaˆ 16:10

Kʼoeˇ loꞈ-ehˇ, Yeˬshehˇ-aˬ, aˬ yawꞈ-euˬ aˬ li shiꞈ gʼaˬ-ahˇ Saˬmeuˬlaˆ-euˬ mehˬ shi sheuˬ laꞈ nehˬ-euˬ meh. Ehˇ kʼawꞈ, “Heu deuˬ laꞈ kʼoeˇ tiˬ gʼaˬ-ahˇ-iˬ Sahˬpaˬ Miˬyehˇ maˬ tseˇ doˆ-a” lehˇ, Yeˬshehˇ-ahˇ Saˬmeuˬlaˆ ehˇ nehˬ-euˬ meh.

1 Saˬmeuˬlaˆ 17:28

Tsawˇ haˬ kʼoeˇ deuˬ nehˬ-ehˇ Daˬbiˇ kʼoeˇ loꞈ-ehˇ ngehˬ cawˬ luꞈ gaˇ, Daˬbiˇ-euˬ aˇ doˆ aˬ yuiꞈ yuiꞈ saˬ gʼaˬ pyeuꞈ-eu Eˇliˇbaˆ gʼaˬ ya gaˬ ngeh, Daˬbiˇ-ahˇ nui ma pehˇ laˇ-awˇ, heu loꞈ-ehˇ dehˬ-euˬ meh. “Nawˇ heu gaˇ aˬ jeˬ gʼeh laˇ teˬ. Bawˇ tsahˬ bawˇ dahˇ-ahˇ bi jawˇ-euˬ yawˇ kʼoeˇ deuˬ-ahˇ aˬ suˇ gʼaˬ bi haw yaꞈ teˬ. Zaˬ zaˬ uˬ zaˬ dawˆ nawˇ. Aˬ cawˬ guiˇ deuˆ gaˇ haw laˇ-eu lehˇ laˇ-euˬ maˬ ngeuˇ loˇ teu.”