1 Saˬmeuˬlaˆ 14:1 - Akha

¹ Tiˬ nah keuˆ laˇ ngeh, aˬ yawꞈ-euˬ guiˇ deuˆ-eu keu ka bi baꞈ-euˬ zaˬ guˬ-ahˇ, “Piˇliˇtiˆ tsawˇ haˬ deuˬ-euˬ taˆ-ahˇ uˇ leˇ kaˇ-euˇ” lehˇ, Yawˇnaˆshaˬ ehˇ nehˬ-euˬ meh. Ehˇ kʼawꞈ, gaˇ kawˆ kʼoeˇ aˬ yawꞈ-euˬ aˬ da-ahˇ aˬ yawꞈ maˬ ehˇ nehˬ-a.

1 Saˬmeuˬlaˆ 14:1 Iomraidhean Croise

Miˇkaˬ 7:5

Yawˬ ha-euˬ cawˬ deuˬ-ahˇ taˬ jah. Yawˬ ha-ahˇ gʼoeˇ dui dui-eu deuˬ-ahˇ gʼaˬ taˬ huiˬ. Yawˬ ha-euˬ miˬ zaˬ-ahˇ dawˬ ngehˬ cawˬ ngeh kʼawꞈ, yaw kʼaˆ kʼaˆ-ehˇ yahˇ-awˇ ngehˬ cawˬ-awˬ.

Yaˇ kʼaˬ daˇ 14:6

Ja pyuˬ ni, Sahˬpaˬ Miˬyehˇ-euˬ baoˬ Saˬsoˬ-ahˇ gʼaˬ bi kʼaˆ laˇ-awˇ, ciꞈ myehꞈ ciꞈ zaˬ-ahˇ ngawˬ paˆ-eu loꞈ-ehˇ, aˇ laˬ jaˬ shiˇ kʼoeˇ mawˇ-ahˇ aˬ yawꞈ-euˬ aˬ laꞈ neh ngawˬ paˆ dzeh-euˬ meh. Ehˇ kʼawꞈ, aˬ yawꞈ kʼoeˇ loꞈ-ehˇ jahˇ-euˬ gaˇ kawˆ, aˬ yawꞈ-euˬ aˬ da aˬ ma-ahˇ aˬ yawꞈ maˬ ehˇ nehˬ-a.

Yaˇ kʼaˬ daˇ 14:9

Byaˬ byaˬ uiˇ kʼoeˇ aˬ yawꞈ beuˬ-awˇ, byaˬ byaˬ uiˇ dzaˬ dzaˬ-ehˇ iˇ-euˬ meh. Kʼoeˇ naˇ, aˬ yawꞈ-euˬ aˬ da aˬ ma jawˇ gaˇ iˇ-awˇ, byaˬ byaˬ uiˇ kʼoeˇ biꞈ-awˇ bi dzaˬ ngeh, aˬ nyaꞈ dzeˇ zaˬ kʼawꞈ byaˬ byaˬ uiˇ kʼoeˇ dzaˬ-euˬ meh. Ehˇ kʼawꞈ, shiˇ taˬ-euˬ aˇ laˬ jaˬ shiˇ kʼoeˇ mawˇ-euˬ gʼawˇ mawˇ laꞈ kʼoeˇ byaˬ byaˬ uiˇ kʼoeˇ beuˬ laꞈ-euˬ gaˇ kawˆ, aˬ yawꞈ nyaꞈ-ahˇ Saˬsoˬ maˬ ehˇ nehˬ-a.

Yaˇ kʼaˬ daˇ 6:27

Kʼoeˇ ngeh, Giˇdoˬ-aˬ, aˬ yawꞈ-euˬ zaˬ kʼaˆ tseˇ gʼaˬ sheuˬ-awˇ, Sahˬpaˬ Miˬyehˇ neh aˬ yawꞈ-ahˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ pehˬ-euˬ nymˇ jiˇ hawˇ-eu, meuˬ kʼoeˇ meuˬ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ guˆ-eu miˇ neh, nah gʼahˇ paw maˬ mˇ peuˬ-ehˇ, uˬ ciꞈ paw mˇ-euˬ meh.

1 Saˬmeuˬlaˆ 13:2

Tsawˇ haˬ smˬ heˇ gʼaˬ aˬ yawꞈ tseˇ doˆ-awˇ, Aˬ yawꞈ jawˇ-eu Miˇkaˬmaˆ meuˬ hawˇ-eu Beˬdeˬlaˇ gahˬ kaˬ gawˬ jawˬ gawˬ duˇ deuˬ-ahˇ nyiˬ heˇ gʼaˬ bi jawˇ-awˇ, aˬ yawꞈ-euˬ aˬ li Yawˇnaˆshaˬ nehˬ-ehˇ Beˬyaˬmiˬ miˇ kʼahˬ Giˇbyaˬ meuˬ-ahˇ tiˬ heˇ gʼaˬ pyehˬ gʼeh-euˬ meh.

1 Saˬmeuˬlaˆ 13:22

Kʼoeˇ miˇ neh, guiˇ deuˆ-eu aˇ nah aˇ yamˬ kʼoeˇ yamˬ laꞈ kʼoeˇ, Sawˇluˆ hawˇ-eu aˬ yawꞈ-euˬ aˬ li Yawˇnaˆshaˬ aˬ nyaꞈ da zaˬ maˬ ngeuˇ naˇ, Iˇsaˬleˬlaˆ tsawˇ haˬ tiˬ gʼaˬ-iˬ mi cehˇ hawˇ-eu gahˬ maˬ ahˇ-a.

1 Saˬmeuˬlaˆ 13:23

Piˇliˇtiˆ tsawˇ haˬ deuˬ-aˬ, aˬ yawꞈ maꞈ-euˬ yehˇ tiˬ muˇ-ahˇ, Miˇkaˬmaˆ gʼaˬ lahˇ-ahˇ bi loꞈ tsoeˬ taˬ-euˬ meh.

1 Saˬmeuˬlaˆ 14:2

Sawˇluˆ-aˬ, Giˇbyaˬ meuˬ nehˬ-ehˇ maˬ kaˬ maˬ kaˇ-ehˇ jaˆ-eu Miˇgaˬloˬ meuˬ-ahˇ, aˇ ka uˆ aˇ bawˇ dawˬ pehˬ-ahˇ taˆ tsoˆ-awˇ jawˇ luꞈ-eu meh. Aˬ yawꞈ nehˬ-ehˇ yehˇ koꞈ yaˇ gʼaˬ ehˇ gʼaˬ ni jawˇ-eu meh.

1 Saˬmeuˬlaˆ 25:19

Kʼoeˇ naˇ, “Naw maꞈ le tawˬ. Ngaˇ iˇ no caw teh gʼeh laꞈ ma” lehˇ, aˬ yawꞈ-euˬ zaˬ kʼaˆ deuˬ-ahˇ aˬ yawꞈ ehˇ nehˬ-euˬ meh. Ehˇ kʼawꞈ, aˬ yawꞈ-euˬ kʼaˬ dzeˇ zaˬ gʼaˬ-ahˇ aˬ yawꞈ tiˬ jeˬ-iˬ maˬ ehˇ nehˬ-a.