1 Saˬmeuˬlaˆ 13:13 - Akha

¹³ Sawˇluˆ-ahˇ Saˬmeuˬlaˆ ehˇ nehˬ-eu, “Aˬ dzawˬ aˇ gah-euˬ gaˇ nawˇ mˇ-euˬ ngaˇ. Sahˬpaˬ Miˬyehˇ neh nawˬ-ahˇ biꞈ taˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-a. Nawˇ naˇ haˬ geuꞈ law nmˇ-aˬ, nawˇ hawˇ-eu nawˬ-euˬ zaˬ deuˬ uˆ deuˬ-ahˇ, Iˇsaˬleˬlaˆ miˇ kʼahˬ kʼoeˇ taˆ aˬ myah luꞈ bi uˆ lahˇ tehꞈ-a.

1 Saˬmeuˬlaˆ 13:13 Iomraidhean Croise

Aˇ dahˬ 31:28

Ngaˬ buˇ deuˬ hawˇ-eu ngaˬ-euˬ oeˬ paˬ oeˬ ma deuˬ-ahˇ maˬ ya gʼawˬ-iˇ mi naˆ-ehˇ, mehˬ cuˇ cuˇ nehˬ-eu aˇ yamˬ kʼawꞈ nawˇ ngaˬ-ahˇ maˬ biꞈ laꞈ-a. Nawˇ teu naˆ naˆ-ehˇ aˬ joˆ-ehˇ gʼeh kʼmˬ-eu nya.

2 Saˬmeuˬlaˆ 24:10

Ehˇ kʼawꞈ, Daˬbiˇ tsawˇ seˬ yuˇ gʼaˬ ngeh, aˬ yawꞈ-euˬ nui ma laꞈ kʼoeˇ kʼahˬ lahˇ laˇ-awˇ, “Ngaˇ heu loꞈ-ehˇ jahˇ-eu laꞈ kʼoeˇ, huiˬ dui dui-eu iˬ baˇ mˇ-euˬ law hawˇ miˇ-a. Ngaˬ-ahˇ iˬ baˇ pyehˬ nehˬ laꞈ-awˬ. Aˬ dzawˬ aˇ gah loꞈ-ehˇ ngaˇ mˇ dzeuˇ gʼaˬ nga” lehˇ, Sahˬpaˬ Miˬyehˇ-ahˇ aˬ yawꞈ ehˇ nehˬ-euˬ meh.

1 Sahˬpaˬ 18:18

Eˇliˇyaˆ ehˇ-eu, “Ngaˇ-aˬ, laˆ suˬ saˬ-eu tsawˇ haˬ maˬ ngeuˇ. Laˆ suˬ saˬ-eu tsawˇ haˬ-aˬ, nawˇ hawˇ-eu nawˬ da-euˬ nymˇ jiˇ meh. Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ naw maꞈ maˬ naˇ haˬ ni, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ naw maꞈ uˬ duˬ tahˬ-euˬ meh.

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

1 Laˬsaˬbaˬ 10:13

Sawˇluˆ-aˬ, Sahˬpaˬ Miˬyehˇ-ahˇ saˇ jaˇ maˬ ziꞈ-eu miˇ neh ya shiˇ-euˬ meh. Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maˬ naˇ haˬ-ehˇ, shiˇ dzeuˇ-euˬ tsawˇ haˬ deuˬ-euˬ yaw sahˇ-ahˇ gʼoe-awˇ yaw dehꞈ dehꞈ-euˬ meh.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

Yawˇbaˆ 34:18

Sahˬ paˬ sahˬ ma deuˬ nui ma gʼoꞈ-awˇ gaˇ dahˇ maˬ tsoeˬ naˇ, aˬ yawꞈ maꞈ-ahˇ Miˬyehˇ iˬ baˇ taˬ-eu meh.

Dawqdaq 12:8

Bawˬ toˆ muiˬ-eu tsawˇ haˬ-ahˇ aˬ cawˬ ja ceuˬ-awˇ, nui noeˬ doeˇ-eu tsawˇ haˬ-ahˇ aˬ cawˬ noeˬ teˬ-eu meh.

Dawqdaq 19:3

Bawˬ toˆ maˬ nya shaˬ le ngeh jawˇ, Sahˬpaˬ Miˬyehˇ-ahˇ iˬ baˇ taˬ-eu.

Iˇsaˬyaˇ 39:5

Kʼoeˇ ngeh, sahˬ paˬ Heˬsaˬgiˇ-ahˇ Iˇsaˬyaˇ heu loꞈ-ehˇ ehˇ nehˬ-euˬ meh.

Yeˬlaˬmiˇ 18:10

tsawˇ jeuˬ kʼoeˇ jeuˬ ngaˬ-euˬ ehˇ dawˬ maˬ naˇ haˬ-ehˇ yaw haiˬ jeˬ mˇ naˇ, ngaˬ neh ehˇ-euˬ loꞈ-ehˇ ngaˇ maˬ mˇ ni byehˇ nya ma.

1 Saˬmeuˬlaˆ 1:22

Ehˇ kʼawꞈ, kʼoeˇ poˆ jawˇ Haˬnahˬ gʼaˬ maˬ caw teh leˇ ni jawˇ yaꞈ-euˬ meh. “Aˬ li aˬ coeˇ byehˇ-eu nehˬ-ehˇ Sahˬpaˬ Miˬyehˇ-euˬ nymˇ-ahˇ ciˬ gʼeh-awˇ aˬ yawꞈ-euˬ tiˬ ziˇ kʼoeˇ gaˇ bi jawˇ ma” lehˇ, aˬ yawꞈ-euˬ kʼaˬ dzeˇ zaˬ-ahˇ aˬ yawꞈ ehˇ nehˬ-euˬ meh.

1 Saˬmeuˬlaˆ 13:12

Piˇliˇtiˆ tsawˇ haˬ deuˬ Giˇlaˇgaˬlaˇ meuˬ heu meuˬ-ahˇ oe-awˇ, ngaˬ-ahˇ guiˇ deuˆ-eu lehˇ lehˬ hmˬ luꞈ-eu miˇ neh, Sahˬpaˬ Miˬyehˇ ngaˬ-ahˇ caw ba nehˬ laꞈ ni tiˬ jeˬ-iˬ maˬ ya jahˇ-aˬ siˬ lehˇ noeˬ-awˇ lawˇ-euˬ ma.”

1 Saˬmeuˬlaˆ 15:11

“Ngaˬ neh Sawˇluˆ-ahˇ sahˬ paˬ bi geuꞈ-euˬ gaˇ kawˆ-ahˇ ngaˇ nui ma maˬ saˇ nya. Aˬ yawꞈ ngaˬ-ahˇ byehˇ dzeh-awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ maˬ naˇ haˬ geuꞈ-a.” Saˬmeuˬlaˆ nui ma pehˇ-eu laꞈ kʼoeˇ, uˬ ciꞈ miˇ lah-ehˇ Sahˬpaˬ Miˬyehˇ-ahˇ guiˬ lahˬ shaˇ-euˬ meh.

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.

1 Saˬmeuˬlaˆ 15:28

Kʼoeˇ ngeh, Sawˇluˆ-ahˇ Saˬmeuˬlaˆ heu loꞈ-ehˇ ehˇ nehˬ-euˬ meh. “Iˬ nah Iˇsaˬleˬlaˆ miˇ kʼahˬ-ahˇ, nawˬ-euˬ aˬ laꞈ laꞈ kʼoeˇ neh Sahˬpaˬ Miˬyehˇ gʼeu pyaˬ doˆ-awˇ, nawˇ naˆ maˬ tseˇ geuˇ-eu tsawˇ haˬ tiˬ gʼaˬ-ahˇ biꞈ nehˬ gʼaˬ-euˬ meh.

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 26:21

Sawˇluˆ ehˇ-eu, “Ngaˇ mˇ-euˬ lehˬ law hawˇ nga. Ngaˬ li Daˬbiˇ-oˇ, gʼoꞈ laˇ-awˬ. Nawˬ-ahˇ laˆ tahˬ laˆ naˇ-eu jeˬ ngaˇ maˬ paˇ mˇ ma. Aˬ jeˬ miˇ neh nga lehˇ ehˇ naˇ, nymˇ ciꞈ nawˇ ngaˬ-ahˇ sehꞈ-eu yehꞈ dui dui laˇ-euˬ kʼawꞈ, maˬ sehꞈ ni bi dzeuˇ-iˇ laꞈ-euˬ meh. Ngaˇ-aˬ, tsawˇ uˬ tiˬ gʼaˬ law hawˇ miˇ-a. Guˆ dui dui laˇ paˬ-ehˇ gʼeh-eu jeˬ-ahˇ ngaˇ mˇ-euˬ nga.”