1 Saˬmeuˬlaˆ 12:5 - Akha

⁵ Saˬmeuˬlaˆ ehˇ-eu, “Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ-aˬ, ngaˬ neh mˇ lehˬ taˬ-euˬ tiˬ jeˬ-iˬ maˬ jaˆ-a lehˇ iˬ nah naw maꞈ ehˇ-eu dawˬ heu dawˬ-euˬ saˇ kiˇ pyeuꞈ-eu ma.” Aˬ yawꞈ maꞈ ehˇ-eu, “Ngeuˇ meh. Sahˬpaˬ Miˬyehˇ-aˬ, aˬ dui maꞈ-euˬ saˇ kiˇ pyeuꞈ-eu ma.”

1 Saˬmeuˬlaˆ 12:5 Iomraidhean Croise

Aˇ dahˬ 31:50

Laˬbaˬ ehˇ-eu, “Ngaˬ-euˬ zaˬ miˬ deuˬ-ahˇ nawˇ yehˬ bawˬ sehˇ lu-ehˇ jahˇ nehˬ-eu maˬ kaˬ, nawˇ miˬ zaˬ paˇ sheuˬ-eu maˬ kaˬ, ngaˇ maˬ mawˇ nya kʼawꞈ, Miˬyehˇ aˇ nyaꞈ-ahˇ haw luꞈ meh lehˇ, nawˬ-euˬ nui ma laꞈ kʼoeˇ aˬ myah luꞈ noeˬ taˬ-awˬ.

Yawˇbaˆ 16:19

Ngaˇ jawˇ paw pyawˬ-awˇ ngaˬ-euˬ gʼaˇ duˬ yawꞈ dah-eu tsawˇ haˬ tiˬ gʼaˬ na, mˬ kʼoeˇ taˆ jawˇ luꞈ meh.

Yawˇbaˆ 42:7

Sahˬpaˬ Miˬyehˇ Yawˇbaˆ-ahˇ dawˬ ngehˬ cawˬ gʼaˬ ngeh, Eˇliˇpaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˇ hawˇ-eu nawˬ-euˬ cawˬ kʼoeˇ nyiˬ gʼaˬ-ahˇ ngaˇ nui ma pehˇ nya. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ naw maꞈ maˬ ehˇ-a.

Jaceuq 17:3

Ngaˬ-euˬnui ma nawˇlawˬhaw sheˇ. Uˬciꞈngaˇjawˇgaˇoe haw sheˇ. ngaˬ-ahˇnawˇpyehˆtseˇduˬhaw sheˇ. Yaw haiˬjeˬ mˇmawꞈ-eu nui ma, maˬahˇ-eu nawˇ siˬduˬtehꞈ-a. Dawˬdoeˇngehˬ-eu tmˇ-eu gʼaˇduˬ, ngaˬ-euˬ kʼaˬmeh-ahˇngaˇmaˬzmˬ.

Doˆ-iˇ 22:4

Tsoeˬ kʼoꞈ-eu tiˬ jeˬ-iˬ maˬ jaˆ naˇ, yawˬ ha-euˬ gʼawˇ mawˇ ahˬ-awˇ ya bi tsoeˬ tehꞈ-a.

Yoˇhaˬ 18:38

Sahˬ paˬ Piˇlaˆ ehˇ-eu, “Yaw tsaˬ yaw dawˇ ehˇ-eu aˬ jeˬ-a.”

Gʼaˬkʼehˇ 23:9

Paˬliˬsehˇ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ tsawˬ tuˇ laˇ-awˇ ehˇ-eu, “Tsawˇ haˬ heu gʼaˬ-euˬ yaw lehˬ tiˬ jeˬ-iˬ aˬ dui maˬ mawˇ-aˬ. Yaw sahˇ neh maˬ ngeuˇ naˇ, mˬ taˆ gʼaˬ kʼehˇ neh aˬ yawꞈ-ahˇ dawˬ ngehˬ cawˬ-euˬ maˬ siˬ tawˇ.”

Gʼaˬkʼehˇ 24:16

Miˬyehˇ mehˬ shi maˬ ehˇ, tsawˇ haˬ zaˬ mehˬ shi maˬ ehˇ, ngaˬ-euˬ nui ma aˬ myah luꞈ shawˇ jehˆ ni jaˆ ni leh jeh luꞈ-eu ma.

Gʼaˬkʼehˇ 24:20

Maˬ ngeuˇ naˇ, Baꞈdzah mehˬ shi ngaˇ yawꞈ leˇ ngeh, ngaˬ-euˬ yaw lehˬ aˬ geu jeˬ mawˇ taˬ-euˬ jaˆ te lehˇ, heu gaˇ oe taˬ-euˬ tsawˇ haˬ teu deuˬ-ahˇ bi ehˇ haw sheˇ.

1 Gawˇliˬtu 4:4

Ngaˬ-euˬ siˬ nya-eu nui ma shawˇ jehˆ ni jaˆ luꞈ ma. Heu loꞈ-ehˇ ehˇ ngeh, ngaˇ iˬ baˇ tiˬ pawꞈ-iˬ maˬ ahˇ lehˇ ehˇ mawꞈ-eu maˬ ngeuˇ. Ngaˬ-euˬ yaw lehˬ-ahˇ pyehˆ tseˇ-eu gʼaˬ-aˬ, Sahˬpaˬ Miˬyehˇ meh.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

1 Saˬmeuˬlaˆ 12:4

Iˇsaˬleˬlaˆ tsawˇ haˬ deuˬ ehˇ-eu, “Nawˇ nga maꞈ kʼoeˇ taˆ myawꞈ dzaˬ shuiˇ dzaˬ-awˇ, smˇ kʼaˆ kʼaˆ dzaˬ taˬ-euˬ tiˬ jeˬ-iˬ maˬ jaˆ-a. Aˬ cawˬ-euˬ myawˬ nawˬ neh yuˇ geuꞈ-euˬ kʼawꞈ, tiˬ jeˬ-iˬ maˬ jaˆ-a.”

1 Saˬmeuˬlaˆ 26:9

Ehˇ kʼawꞈ, Daˬbiˇ ehˇ-eu, “Aˬ yawꞈ-ahˇ laˆ tahˬ laˆ naˇ-eu jeˬ maˬ mˇ kʼmˬ-a. Sahˬpaˬ Miˬyehˇ neh tseˇ doˆ-euˬ sahˬ paˬ-ahˇ laˆ tahˬ laˆ naˇ-eu jeˬ mˇ-eu tsawˇ haˬ-ahˇ, Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a.”