1 Laˬsaˬbaˬ 4:10 - Akha

¹⁰ Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

1 Laˬsaˬbaˬ 4:10 Iomraidhean Croise

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 12:8

Kʼoeˇ naˇ, laꞈ oˆ paw jaˆ-eu Beˬdeˬlaˇ meuˬ-euˬ nahˇ ma doˆ kʼehˬ paw, gawˬ jawˬ gawˬ duˇ jaˆ-eu jawˇ duˬ-ahˇ aˬ yawꞈ iˇ-awˇ, nahˇ ma ga kʼehˬ paw jaˆ-eu Beˬdeˬlaˇ meuˬ hawˇ-eu, nahˇ ma doˆ kʼehˬ paw jaˆ-eu Aˬiˇ meuˬ-euˬ yaw kaˬ-ahˇ, sehˬ gʼawˆ gʼawˆ-awˇ jawˇ-euˬ meh. Kʼoeˇ gaˇ kʼawꞈ, lawˇ duˬ tiˬ tsahˇ aˬ yawꞈ tsoˆ-awˇ, Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ-euˬ meh.

Aˇ dahˬ 28:20

Kʼoeˇ naˇ, Sahˬpaˬ Miˬyehˇ-ahˇ Yaˬkoˆ heu loꞈ-ehˇ saˇ jaˇ dzaˬ-euˬ meh. “Ngaˇ iˇ luꞈ-eu gaˇ ma heu kahˇ mehˬ shi, nawˇ ngaˬ-ahˇ haw piˇ-awˇ, loˬ-eu dzaˬ dzaˬ dawˇ dawˇ hawˇ-eu dm gʼaˬ dm lmˇ biꞈ laꞈ-eu uˬ taꞈ,

Aˇ dahˬ 28:21

ngaˇ tiˬ jeˬ-iˬ maˬ ca laˇ ni ngaˬ da-euˬ nymˇ-ahˇ gʼoꞈ keuˆ-iˇ nya naˇ, nawˇ ngaˬ-euˬ Miˬyehˇ pyeuꞈ tehꞈ-a.

Aˇ dahˬ 32:26

“Ngaˬ-ahˇ pyehˬ-awˇ bi iˇ laꞈ-awˬ. Uˬ bya bya laˇ shaw-iˬ ngaˇ” lehˇ, tsawˇ haˬ kʼoeˇ gʼaˬ Yaˬkoˆ-ahˇ ehˇ-eu meh. “Ngaˬ-ahˇ dawˬ ngehˬ maˬ gʼeh nehˬ laꞈ kʼoeˇ keuˆ ni, ngaˇ nawˬ-ahˇ maˬ pyehˬ nehˬ” lehˇ, aˬ yawꞈ-ahˇ Yaˬkoˆ ehˇ nehˬ-euˬ meh.

Aˇ dahˬ 32:27

“Nawˬ-euˬ tsawˇ myahˇ aˬ joˆ-ehˇ kuˇ te” lehˇ tsawˇ haˬ kʼoeˇ gʼaˬ naˇ haˬ ngeh, “Yaˬkoˆ lehˇ kuˇ-eu ma” lehˇ Yaˬkoˆ ehˇ kʼoꞈ nehˬ-euˬ meh.

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Aˇ dahˬ 33:20

Kʼoeˇ gaˇ lawˇ duˬ tiˬ hmˬ aˬ yawꞈ tsoˆ-awˇ, Iˇsaˬleˬlaˆ Miˬyehˇ-euˬ tsawˇ myahˇ yuˇ-awˇ, jawˇ duˬ kʼoeˇ tsahˇ-ahˇ Eˇloˬheˬ Iˇsaˬleˬlaˆ lehˇ myahˇ nehˬ-euˬ meh.

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

1 Laˬsaˬbaˬ 16:8

Sahˬpaˬ Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ kaˇ-euˇ. Aˬ yawꞈ huiˬ dui mahˇ dui dui gaˇ, aˬ dui ciˬ huiˬ ciˬ mahˇ kaˇ-euˇ. Yawꞈ neh mˇ-euˬ gaˇ deuˬ gaˇ kawˆ , tsawˇ jeuˬ dawˬ tawˆ-ahˇ dzawˇ nehˬ yawˬ.

1 Laˬsaˬbaˬ 4:11

Shuˇhaˬ-euˬ aˬ nyiˇ Gaˬlehˆ-euˬ aˬ li-aˬ, Maˬhiˇlaˆ meh. Maˬhiˇlaˆ-euˬ aˬ li-aˬ, Eˇshaˬtoˇ meh.

1 Laˬsaˬbaˬ 4:9

Yaˬbehˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-euˬ aˬ yuiꞈ aˬ nyiˇ deuˬ laꞈ kʼoeˇ, aˬ yawꞈ-ahˇ aˬ cawˬ yaw zeu baw dzehˬ-eu meh. Aˬ yawꞈ dehꞈ le ngeh, aˬ yawꞈ-euˬ aˬ ma gʼaˬ uˬ maˆ naˇ dui dui-euˬ miˇ neh, aˬ yawꞈ-euˬ aˬ ma neh Yaˬbehˆ/f 4.9 *‘Yaˬbehˆ’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘gawˇ-eu’ lehˇ ehˇ mawꞈ-euˬ meh.* lehˇ myahˇ nehˬ-euˬ meh.

Yawˇbaˆ 12:4

Ngaˬ-euˬ cawˬ deuˬ-ahˇ keuˆ ni nymˬ-mˇ ngaˬ-ahˇ haw haw-ehˇ uiˇ-eu meh. Ngaˇ iˬ baˇ maˬ ahˇ-eu yaw tsaˬ yaw dawˇ tsawˇ haˬ pyeuꞈ kʼawꞈ aˬ yawꞈ maꞈ ngaˬ-ahˇ uiˇ-eu meh. Ehˇ kʼawꞈ, ngaˬ-euˬ shaˇ dawˬ-ahˇ Miˬyehˇ naˇ haˬ nehˬ laꞈ-euˬ jaˆ ma.

Jaceuq 119:173

Nawˬ-euˬ dawˬ-ahˇ ngaˇ aˬ myah luꞈ naˇ haˬ geuꞈ-eu miˇ neh, aˬ myah luꞈ ngaˬ-ahˇ caw ba nehˬ laꞈ.

Jaceuq 121:7

Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ nawˬ-ahˇ haw piˇ-awˇ, kʼahˬ lahˇ kʼaˇ maˬ za ni ya dehꞈ tehꞈ-a.

Jaceuq 145:19

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ kʼaˇ loˬ-eu jeˬ, aˬ yawꞈ tiˬ loꞈ biꞈ nehˬ-awˇ, aˬ yawꞈ maꞈ aˬ yawꞈ-ahˇ kuˇ ngeh ka kʼoꞈ nehˬ-eu meh.

Jaceuq 21:4

Aˬyawꞈnawˬ-ahˇziˇlahˬshaˇngeh, ziˇza guiˬlahˬ nawˇbiꞈ-euˬmeh.

Jaceuq 51:12

Nawˬ-euˬ ka kʼoꞈ-eu guiˬ lahˬ yaw dzahˇ laꞈ kʼoeˇ doˆ le-euˬ laˬ kʼaˬ cehˇ-eu jeˬ ngaˬ-ahˇ biꞈ nehˬ laꞈ-awˇ, nawˬ-euˬ ehˇ dawˬ naˇ haˬ nya ni ngaˬ-ahˇ caw ba nehˬ laꞈ.

Jaceuq 51:8

Ngaˬ-euˬ shaˬ yoeˬ-ahˇ nawˬ neh ngawˬ kʼehꞈ ngawˬ kʼoeˆ jiˇ-euˬ kʼawꞈ, ngaˇ laˬ kʼaˬ paˇ cehˇ laˇ nya ni, laˬ kʼaˬ cehˇ-eu dawˬ kawˬ deuˬ ngaˬ-ahˇ bi gaˬ laꞈ-awˬ.

Jaceuq 55:16

Ehˇ kʼawꞈ, Sahˬpaˬ Miˬyehˇ pyeuꞈ-eu Miˬyehˇ-ahˇ, caw ba le-awˬ lehˇ ngaˇ shaˇ ngeh, aˬ yawꞈ ngaˬ-ahˇ ka kʼoꞈ le tehꞈ-a.

Jaceuq 65:2

Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Jaceuq 72:17

Sahˬ paˬ-euˬ tsawˇ myahˇ tiˬ jawˇ-iˬ maˬ byoˆ-iˇ ni, nahˇ ma kʼaˇ bya kʼoeˇ keuˆ ni aˬ yawꞈ tsawˇ myahˇ doˆ luꞈ-uˇ. Tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ luꞈ-uˇ. Aˬ yawꞈ maꞈ-ahˇ guiˬ lahˬ biꞈ laꞈ lehˇ Miˬyehˇ-ahˇ aˬ yawꞈ maꞈ shaˇ-awˇ, sahˬ paˬ nui saˇ oꞈ ni aˬ yawꞈ maꞈ nui ma keuˆ luꞈ-uˇ.

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Dawqdaq 30:8

Jaˬ myawꞈ myawꞈ-eu tsawˇ haˬ taˬ bi pyeuꞈ laꞈ. Smˇ muiˬ muiˬ-eu tsawˇ haˬ maˬ ehˇ, iˇ shaˬ shaˬ-eu tsawˇ haˬ maˬ ehˇ, taˬ bi pyeuꞈ laꞈ. Aˬ yawꞈ nah yawꞈ dzaˬ loꞈ dawˇ loꞈ-eu guiˬ lahˬ biꞈ laꞈ.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:17

“Ngaˬ-euˬ tsawˇ haˬ iˇ cuꞈ mehꞈ-awˇ poˆ ngeh, aˬ yawꞈ maꞈ-euˬ kuˬ byahˬ gui ngeh, Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ shaˇ dawˬ naˇ haˬ nehˬ ma. Iˇsaˬleˬlaˆ-euˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ tiˬ jawˇ-iˬ maˬ byehˇ dzeh.

Yeˬlaˬmiˇ 33:3

“Ngaˬ-ahˇ kuˇ naˇ, ngaˇ oˬ toˬ nehˬ ma. Nawˇ tiˬ pawꞈ-iˬ maˬ siˬ nya-eu zahˬ dui dui leˇ paˬ-ehˇ gʼeh-eu gaˇ kawˆ deuˬ, nawˬ-ahˇ ngaˇ ehˇ nehˬ ma.

Maꞈtehˬ 26:75

Kʼoeˇ ngeh jawˇ, “Ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ, Beˬtuˆluˆ noeˬ doˆ leˇ-euˬ meh. Kʼoeˇ naˇ, aˬ yawꞈ laꞈ nyiˇ iˇ doˆ-awˇ, ngoeˇ dui dui-euˬ meh.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Luˇkaꞈ 19:42

heu loꞈ-ehˇ ehˇ-eu meh. “Yeˬluˇsaˬlehˬ meuˬ-oˇ, nawˬ-ahˇ nui saˇ oꞈ-eu jeˬ biꞈ nya-eu aˬ jeˬ-a lehˇ iˬ nah nawˇ siˬ nya law nmˇ-aˬ, muiˬ dui dui meh. Ehˇ kʼawꞈ, kʼoeˇ jeˬ-ahˇ nymˬ-mˇ nawˇ maˬ mawˇ-a.

Yoˇhaˬ 10:28

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ dehꞈ-eu jeˬ ngaˇ biꞈ-awˇ, aˬ yawꞈ maꞈ ti jawˇ-iˬ maˬ paˇ shiˇ meh. Tsawˇ haˬ tiˬ gʼaˬ-iˬ aˬ yawꞈ maꞈ-ahˇ ngaˬ-euˬ aˬ laꞈ laꞈ kʼoeˇ neh maˬ ceh doˆ geuꞈ nya-a.

Yoˇhaˬ 21:17

Yeˬsuˇ aˬ yawꞈ-ahˇ smˬ poˆ tiˬ poˆ paˇ naˇ haˬ-eu, “Yoˇhaˬ-euˬ aˬ li Siˇmoˬ-oˇ, nawˇ ngaˬ-ahˇ gaˬ ma loˇ.” “Nawˇ ngaˬ-ahˇ gaˬ ma loˇ” lehˇ Yeˬsuˇ aˬ yawꞈ-ahˇ smˬ poˆ naˇ haˬ keuˆ laꞈ-euˬ miˇ neh, Beˬtuˆluˆ nui ma maˬ saˇ-ehˇ, heu loꞈ-ehˇ ehˇ kʼoꞈ nehˬ-euˬ meh. “Sahˬpaˬ-oˇ, nawˇ yawˬ jeˬ na luꞈ siˬ nya meh. Ngaˇ nawˬ-ahˇ aˇ naˆ ni gaˬ-eu nawˇ siˬ nya meh.” Yeˬsuˇ aˬ yawꞈ-ahˇ ehˇ nehˬ-eu, “Ngaˬ-euˬ yawˇ deuˬ-ahˇ bo saˆ-awˬ.

Gʼaˬkʼehˇ 3:26

Kʼoeˇ miˇ neh, naw maꞈ yawˬ gʼaˬ na luꞈ maˬ muiˬ maˬ jaˬ-eu jeˬ laꞈ kʼoeˇ maˬ paˇ dehꞈ ni iˬ baˇ bi noeˬ poˆ-awˇ guiˬ lahˬ biꞈ-eu gʼaˇ duˬ, Miˬyehˇ aˬ yawꞈ-euˬ Zaˬ kʼaˆ-ahˇ tseˇ doˆ-awˇ , naw maꞈ jawˇ gaˇ jeˬ huˬ pyehˬ gʼeh leꞈ-euˬ meh.”

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Lormav 16:19

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ gaˇ kawˆ aˬ cawˬ siˬ nya jiˇ meh. Kʼoeˇ miˇ neh, naw maꞈ gʼaˇ duˬ ngaˇ laˬ kʼaˬ cehˇ dui dui-eu ma. Naw maꞈ laꞈ kʼoeˇ yaw muiˬ jeˬ-ahˇ tseˇ paˆ geuꞈ nya-eu nui gahˇ bi ahˇ mawꞈ-awˇ, maˬ muiˬ-eu jeˬ-ahˇ maˬ mˇ-eu shawˇ jehˆ ni gʼeh-eu tsawˇ haˬ bi pyeuꞈ mawꞈ miˇ-a.

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

Eˇpeˇsu 1:3

Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

1 Saˬmeuˬlaˆ 1:17

Eˇliˆ ehˇ-eu, “Nui ma coꞈ ngehˇ ni taˬ-awˇ, gʼoꞈ-iˇ-awˬ. Nawˬ neh kʼaˇ shaˇ-euˬ jeˬ Iˇsaˬleˬlaˆ tsawˇ jeuˬ-euˬ Miˬyehˇ nawˬ-ahˇ biꞈ laꞈ luꞈ-uˇ.”

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.

1 Saˬmeuˬlaˆ 1:26

Eˇliˆ-ahˇ Haˬnahˬ ehˇ nehˬ-eu, “Aˬ bawˇ piˇ ma-oˇ, nawˇ ngaˬ-ahˇ noeˬ nya siˬ loˇ. Nawˬ-euˬ mehˬ shi heu tsahˇ yawꞈ-awˇ Sahˬpaˬ Miˬyehˇ-ahˇ guiˬ lahˬ shaˇ-euˬ zaˬ miˬ zaˬ zaˬ guˬ kʼoeˇ gʼaˬ ngaˇ ma tawˇ.

1 Saˬmeuˬlaˆ 1:27

Aˬ li heu li za ni aˬ yawꞈ-ahˇ ngaˇ guiˬ lahˬ shaˇ-awˇ, ngaˬ neh kʼaˇ shaˇ-euˬ loꞈ-ehˇ biꞈ nehˬ laꞈ-euˬ meh.