Roma 4:3 - Uhohug na Namaratu gafu te Hesus Kristu

³ te ya uhohug na suraten gafu tentu a “Kinurug ni mina Abraham ya nebar na Namaratu tentu, a ya pangurug na en ya nekwenta na Namaratu ta katunung na,” kunna.

Roma 4:3 Iomraidhean Croise

Matyu 20:9

“A ta datang na napozan kiden nga umange nagtarabaku ta alas singko a inatadan na kid ta kuman na metandan ta nagmalmalem.

Markus 12:10

A yen ta nonotan muy mina ya uhohug na aglavunen ta surat na en, te nebar na ta ‘Newarad na magbali kiden ya arigi en nga nepapatayuk na Namaratu tekid, ammi netoli hala, a nagbalin ta kasikanan na arigi ta ngamin bali,

Roma 10:11

A ya uhohug na hapa ta takday para na surat a “Ya ngamin kiden mangikatalak tentu, a aweda sangaw melogot,” kunna.

Roma 11:2

A awemuy mantu pahig ta sa newarad nan ya tolay na kiden nga pinili na ta idi, te nonotan muy ya tabbag na Namaratu te mina Eliyas tentu en nangpaliwat ta Istralita kiden ta idi, te ya uhohug bit ni Eliyas a

Roma 4:11

A gafu ta matunung na ta pakaitan na Namaratu a yen ta nabanggit hapa ta kuman na nebar na Namaratu tentu, petta yen ya mangipasikkal ta awan na ta liwat na ta maski awena en para la pagbanggit. A uray hapa na Namaratu ta kunna ten petta am itta ya mangurug tentu nga awan nabanggit a ikwenta na ta simsima kid hapa ni mina Abrahamen gafu ta makigitta kid ta pangurug na en ta awena en para la pagbanggit.

Roma 4:5

Ammi ya mangikatalak ta kallak na Namarartu fwera ta magbannag, a yen ya ikwenta na Namaratu ta katunung na.

Roma 4:9

Ammi had sin hud na tolay ya ikayat na uhohugan ni Dabiden nga nagāsāt? Intu la de bidan na ya Hudyo kiden gafu ta pagbanggit da en? O mabalin de ta nesipat na hapa ya Hentil kiden nga awan nabanggit? A ya kasasaad ni mina Abrahamen ya pagnonotan tam mina, te intu haman ya pake nepasikkal na Namaratu ta matunung gafu ta pangikatalak ni Abrahamen tentu.

Roma 9:17

A nonotan muy para ya uhohug na Namaratu te Faraon nga Ari na Egiptano kiden, te ya uhohug na en tentu nga nesurat ta Bibliya a “Iyak ya makāuray ta magari ka, petta iko sangaw ya pakaitan na pakapangwak gafu ta pangabak ku sangaw teko, a petta mepadangag hapa sangaw ya kalalaki na pakapangwak ta ngamin paglelehutin,” kunna.

Santiago 2:23

A gafu ta tinarabaku na en hapa a nagdulot hala ya uhohug na takdayen surat ta Bibliya, te “Kinurug ni Abraham ya uhohug na Namaratu tentu, a nekwenta na Namaratu ta matunung gafu ta pangurug na en,” kunna. A yen ta “Kofun na Namaratu” ya nengagan da te Abraham.

Santiago 4:5

Ammi pahig muy de ta awan ta kwenta na uhohug na en ta Bibliya ta “Iahugu na kitam na Kahalwa na en nga magyan tekitam,” kunna.