Roma 2:3 - Uhohug na Namaratu gafu te Hesus Kristu

³ Anu hud ya uray mu? Am kwam hapa ya dulay ta kuman na paliwatamen a parig mu hud ta melillik ka ta pangpa-gang na Namaratu teko?

Roma 2:3 Iomraidhean Croise

Matyu 26:53

Am awek mina magafut a awek hud magadang te Damakewan, a alistu mangidob ta nasurok ta limafulu ribu na anghel petta ikerutan dak mina.

Lukas 12:14

Ammi ya tabbag ni Hesus tentu a “Iyak hud ya nesaad ta lugar na kwes? Bakkan haman ta iyak ya makkamu am piga mina ya kwam,” kunna.

Lukas 22:58

Ammi sangaw ta magananwan a itta hapa ya takday nga nakalasin tentu a “Maski iko hapa ya takday,” kunna. “O iyak hud O,” kunna ha ni Pedru.

Lukas 22:60

“Atsi O, awek para la aamu yen O!” kunna ha naglemad, a ka-ma la nagtareknay ya manuk.

Roma 1:32

Dana amu da haman ya nebar na Namaratu ta mapa-gang sangaw ya ngamin kiden mangwa ta kuman na gagangay da en, ammi maski kunna ten aweda haman pagimmangan ya gagangay da, yaga pagurayān da para ya kadwan kiden nga mangwa ta kuman na gagangay da.

Roma 2:1

A dana amu tam haman ta am pa-gangan na Namaratu ya ngamin kiden mangwa ta kumanin kid na pagliwatan a atadan na kid ta mekustu tekid. Ammi maski am inya ka na tolay, am iko ya mangpaliwat ta kadwan a awan ta pambar mu, te parigam haman ya kuman na tarabaku na paliwatamen, a sakā ikabat mu mantu ya barim ta pangpaliwat mu tentu.

Roma 9:20

Ammi ya tabbag ku hapa a “Tolay kam la haman, a itta hud ya amu muy petta ituldu muy ya Namaratu.” Te ikitam nga pinadday na en a mappya hud ta tagasoysoyan tam ya nangpaddayen tekitam. “A te bakkan mina ta kunna sin ya nepamadday mu teyak,” awetam mina kumin.

1 Tesalonika 5:3

Te sangaw am pahig na tolay kiden ta awan ta dulay, ikid na awan ta burungan da, a yen sangaw ya datang na pakadulayan da, te pagka-ma da sangaw ta kuman na maganaken am pagka-ma na ya zigat na paganak na, a awedan sangaw malillikan ya pama-gang na Namaratu tekid.

Hebreyu 12:25

A mappya mantu ta pake dangagan muy ya uhohugan na Namaratu tekamuy ta ayanin, te am pina-gang na ya dadagkal tam kiden nga awan nangdangag ta tabarang ni mina Mosesen a talaga ta pake pa-gangan na kitam para am awetam dangagan ya tabarang na Namaratu ewan.