Nagmatakar 7:10 - Uhohug na Namaratu gafu te Hesus Kristu

¹⁰ A gisaayag kid ta masikan: “Madaydayawan ya Dyos tam nga makkamu ta ngamin, ikid na Kalneru en, te malalaki kid nga mangikerutan,” kunda.

Nagmatakar 7:10 Iomraidhean Croise

Lukas 3:6

A maita sangaw na ngamin tolay ya pangikerutan na Namaratu,” kunna ta surat na en.

Hwan 1:29

A ta pagtalib na araw a naita ni Hwan i Hesus nga umab-abikan tentu, a netuldu na hapa ta tolay kiden; “Itan muy, ye-yan na tolay ya iatang na Namaratu ta kuman na kalneru muy kiden, te intu hala sangaw mangikaru ta liwat na ngamin tolay ta paglelehutin.

Hwan 1:36

a naita na i Hesus ta pagtalib na en tekid, a netuldu na tekid. “Yo ewan ya Kalneru na Namaratu nga mesagapil sangaw ta tolay kiden,” kunna ta kahebing na kiden.

Efeso 2:8

A bakkan mantu ta kalalaki tam ya gafu na pangikerutan na Namaratu tekitam, te allak la na tekitam gafu ta pangikatalak tam te Afu Hesus.

Nagmatakar 12:10

A sangaw nadangag ku hapa ya masikan maguhohug ta langit: “Namegafun ya pagturay na pinili na en magturay ta masikan na pagturay, a napatayuk na ya pagariyan na Namaratu ta utun na lutak. A nabalin na ya pangikerutan na Namaratu ta kabagis tam kiden, te newarad ta lutak ya katapil da en nga nangidardarum tekid ta atubang na Namaratu ta araw pase hiklam.

Nagmatakar 19:1

A ta kabalinan na kumanen a nadangag ku ya kuman na agsitang na adaddu na tolay ta langit, a gisakansyon kid: “Haleluya! Malalaki ya Namaratu ewan, te intu ya mangikerutan nga seppakapangwa.

Nagmatakar 21:5

A sangaw naguhohug hapa ya imatuttuden ta agtuttudan na ari, “Itan muy awa sa naulik ya ngamin petta bagu,” kunna. A ya nebar na teyak a “Isurat mun ya nadangag mu, te kakurugan na uhohug,” kunna.

Nagmatakar 22:3

te ya ngamin dulay ta idi a awan na. Namaratu ikid na Kalneru en ya magturay ta ili en, a kanayun daydayawan na kid na tolay da kiden,

Nagmatakar 4:6

A ta atubang na ari en a itta hapa ya bebay nga kuman na sarming, te pake mali-mang. A ta bikat na en hapa itta ya imatayuk ta appat na kuman na ayam nga seangat ta kada suli na agtuttudan na ari en. A addu hapa ya mata da ta ngamin atubang da ikid na addag da.

Nagmatakar 5:7

A imabikan ya Kalneru en ta ari en, a ginawat na ya papelen ta kamat na en.