Nagmatakar 6:2 - Uhohug na Namaratu gafu te Hesus Kristu

² A nepagka-mak la ya nagtakay ta furaw na kabayu nga sehutug, a inatadan da hapa ta sangngat na, te yen ya pakaitan ta pangabak na, a umange makigubat ikid na mangabak ta katapil na kiden.

Nagmatakar 6:2 Iomraidhean Croise

Matyu 28:18

A ya uhohug ni Hesus tekid a “Iyak ya nagitunan na Namaratu ta ngamin makkwa ta langit ikid na lutak.

1 Korinto 15:25

Te mappya ta intu bit la ya makkamu ta ngamin addet ta pangabak na ta ngamin kiden katapil na,

Nagmatakar 11:15

A ta kabalinan na kumanen a pinagsitang na mekapitu en anghel ya amaryung na en, a dadangagan ku ya addu na magsitang ta masikan ta langit: “Nangabak na ya Dafu tamin Namaratu ikid na pinili na en magturay. A ta ayanin na i Hesus Kristu ya makākwa ta ngamin kiden iturayan ta paglelehutin, a intu la ya magnayun magturay,” kunda.

Nagmatakar 11:18

Kakurugan ta nakaporay ya awan kiden mangurug teko, ammi nepaitam hapa ya pagporay mu tekid. A ittan ya araw na pangimbestigar mu ta nagpasi kiden, ikid na pangsagolyat mu ta ngamin kiden pinaguhohug mu, ikid na tolay mu kiden nga magtalaw teko nga pobre ikid na naba-nang. A ayanin hapa ya araw na pangpa-gang mu ta ngamin kiden nagperdi ta lutakin,” kunda ta pangdayaw da tentu.

Nagmatakar 14:14

A sangaw itan ku a itta ya furaw na kulam, a pagtuttudan na Tolayen Taga Langit, a nagsangngat hapa ta balituk, yaga nagibbal hapa ta matadam na kumpay.

Nagmatakar 15:2

A itta hapa ya naitak ta kuman na bebay nga kuman na nekihu ya sarming ikid na afuy. A ta pingit na bebayen a gitayukan hapa ya ngamin kiden tolay nga nangabak ta simaronen ikid na sinang simaronen, te aweda nagpamarka ta numero na ngagan na en. A tagtakday kid hapa ta kuman na gitara nga neatad na Namaratu tekid.

Nagmatakar 17:14

A yen kid sangaw ya maghahulun makilaban ta Kalneru en, ammi intu hala sangaw ya mangabak tekid, te intu ya pake masmasikan ammi ta ngamin kiden ari ikid na ngamin kiden magturay. A kahulun na hapa ya ngamin kiden tolay nga pinili na ikid na inalap na. A mesipat kid hapa ta pangabak na gafu ta aweda mangilogot,” kun na anghelen teyak.

Nagmatakar 3:21

A ya ngamin kiden mangabak ta dulay a isipat ku kid nga makipagturay teyak, petta parigan dak hapa ta pakipagturay ku te Damaken gafu ta pangabak ken.

Nagmatakar 9:7

A ya pakaitan na dudun kiden a kuman kid na kabayu kiden nga pagtakayan na ange kiden makigubat, te itta ya kuman na sangngat na balituk ta ulu da, ammi ya mukat da ya kuman na mukat na tolay.