Nagmatakar 4:11 - Uhohug na Namaratu gafu te Hesus Kristu

¹¹ “O, Afu Dyos mi, awan ta meatad mi nga megitta teko am bakkan la ta pangdayaw mi ta kalalakim ikid na pakapangwam. Te iko haman ya gafu na ngamin, a iko ya makāuray ta pakapadday da ikid na katolay da,” kun na kansyon da.

Nagmatakar 4:11 Iomraidhean Croise

Turin Kiden 14:15

“An-anu haman yana O? Bakkan kami ta dyos muy, te kagitta da kami la nga tolay,” kunda. “Yen ta ipadangag mi ya damag ni Hesus tekamuy petta amu muy ya kakurugan na Dyos nga namadday ta ngamin kiden itta ta langit pase paglelehutin. Mappya mantu ta azin muy ya mangatang ikid na makimallak ta awan manguffun tekamuy.

Turin Kiden 17:24

Te Namaratu ewan haman ya Dyos nga namadday ta lutakin kontodu ngamin na itta ta paglelehutin, a awena haman magyan ta bali nga pinadday na tolay, te intu haman ya dafu na ngamin lutak pase langit.

Roma 11:36

A kakurugan hapa ya nebar na aglavunen, te Namaratu hapa la ya pagafun na ngamin, ikid na makkamu ta ngamin. A itta hala tentu ya kappyanan na ngamin. Ampade intu ya madaydayawan addet ta addet.

Efeso 3:9

A iyak hapa ya pinatudunan na petta pake ipalawag ku tekid ya uray na Namaratu ewan nga nelemad na ta idi addet ta ayanin.

Hebreyu 1:10

A mepasikkal para ta naturturay i Hesus ammi ta anghel kiden, te ya uhohug na takday para na surat a “Iko, Afu, ya namadday ta lutakin ta gafgafu na ngamin, a ya kamat mu kiden hapa la ya nangpadday ta langitewan.

Hebreyu 1:2

Ammi ta arawin yan a ya Anak na en ya pinaguhohug na tekitam. A intu hala ya pinagpadday na Namaratu ta ngamin paglelehutin, yaga intu hapa ya nesaad na ta magturay sangaw ta ngamin kiden napadday.

Nagmatakar 10:6

kapye na nagayag: “Pagasingan ta Namaratu ewan nga awan masi ikid na namadday ta lutak ikid na bebay ikid na langit kontodu ngamin kiden magyan tekid: awan na sangaw ta talantan.

Nagmatakar 14:7

A masikan hapa ya pangbar na tekid, “Magbabawi kanan, a mangurug kanan ta Namaratu, te tanagay na ya araw na pangpa-gang na ta makaliwat. A mappya ta dayawan muy, te intu ya namadday ta langit ikid na lutak ikid na bebay pase ngamin kiden pagafun na danum,” kunna.

Nagmatakar 19:1

A ta kabalinan na kumanen a nadangag ku ya kuman na agsitang na adaddu na tolay ta langit, a gisakansyon kid: “Haleluya! Malalaki ya Namaratu ewan, te intu ya mangikerutan nga seppakapangwa.

Nagmatakar 5:12

A nagkakansyon kid hapa ta masikan: “Malalaki ya Kalneru en nga pinapasi da. Intu la ya madaydayawan ta ngamin pangdayaw, te itta ya ngamin tentu nga pakapangwa, ikid na pagba-nang, ikid na kalalaki, ikid na kasikan, ikid na bendisyon” kun na kansyon da.

Nagmatakar 5:2

A sangaw naitak hapa ya masikan na anghel nga nagayag ta masikan: “Inya ya itta turay na nga mangazi ta dirkat kiden, petta maukadan ya papelin,” kunna,

Nagmatakar 5:9

A sa nagkakansyon hapa ya lala-laay kiden ta bagu na kansyon ta Kalneru en: “Iko la, Afu, ya makaalap ta papelen nga nalukut, ikid na mangazi ta dirkat na kiden. Te iko ya nasi, a ya dagam ya nepangsakam ta tolay kiden na Namaratu ta ngamin kiden nasyon ikid na lugar ikid na ngamin kiden agsitang.