Nagmatakar 3:17 - Uhohug na Namaratu gafu te Hesus Kristu

¹⁷ A ibar muy haman ta maba-nang kam, ikid na mappya la ngamin kasasaad muy gafu ta awan pulus ta pagkurangan muy. Ammi ta kakurugan a awemuy haman amu ta kakallak kam ta kuman na nadisgrasya en, te kuman kam na pobre, ikid na daram, ikid na nauhagan.

Nagmatakar 3:17 Iomraidhean Croise

Matyu 5:3

“Ya ngamin kiden makkamu ta itta ya pagkurangan da a nagāsāt kid, te Namaratu sangaw ya makkamu tekid,” kunna.

Matyu 9:12

Ammi nedangagan na kid ni Hesus, a intu ya tumabbag tekid: “A on ay, te gagangay haman ta ange ya manguru en ta agyan na magtakit kiden, te yen haman ya makaapag tentu.

Lukas 1:53

A pake binattug na hapa ya mabisin kiden, ammi nagtalekudan na la ya naba-nang kiden.

Lukas 6:24

“Ammi ikamuy nga maba-nang a kakallak kam sangaw, te am maafut na sangaw ya kaba-nang muy a awan sangaw ta talak muy.

Roma 11:20

A kakurugan hapa ta kunna ten, ammi nonotan muy ta newasik ya Hudyo kiden gafu ta aweda nangurug, a ta ayanin a ikamuy ya netali na. Ammi awemuy mina magparayag, te netulfu kam la gafu ta pangurug muy tentu. A mapmappya mantu ta magtalaw kanan tentu, petta awemuy hapa sangaw melogot.

Roma 11:25

A ya pake ipasikkal ku tekamuy, kahkahulun, a awemuy pahig ta malmalalaki kam ammi ta Hudyo kiden. Te ya nelemad tekitam a kuman na pa nagbanad bit ya nonot na kadwan kiden Hudyo addet la ta sa mangurug ya ngamin kiden Hentil nga mayat mangurug.

Roma 12:3

A gafu ta patarabaku na Namaratu teyak a ibar ku tekamuy ngamin ta awan mina ta mangpātā-nāng ta bari na, te mapmappya hud la ta magnonot kam ta kustu na nonot. Te am anu ya amu na tagtakday tekamuy a Namaratu hala ya nangatad, petta yen la mina ya nonotan muy ikid na idulot muy.

Roma 7:24

Ya pagbalinan na mantu na pangikatalak ku ta lintig na Namaratu a sagappyan ku ya lintig na ta nonot ku hapa la, ammi gafu ta takwan ya inaman na barikin a parigan ku hud la ya makitagabu ta dulay. Kakallakak mantu na tolay. Awan hud ta mangikerutan teyak, petta awek mina timullu ta inaman na barikin? Matalakak na ta Namaratu te amuk na ta itta ya mangikerutan teyak. Intu hala ya Dafukin Hesus Kristu.

2 Pedru 1:9

Ammi am mangurug kān ya tolay ta awena ipaita ye-yen kid na kappyanan a negitta hapa ta kuman na daram, te kuman na intu la maita na ya pake abikan tentu, a naliwatan nan ya gafu na nekabaggaw na ta liwat na kiden.

Nagmatakar 16:15

A ya ngagan na lugaren nga pagkakampatan da sangaw a ‘Armagidon,’ kunna ta agsitang na Hebreyu. A yen sangaw ya lugar na pakilabanan da ta Namaratu ewan, te yen sangaw ya kadakalan na araw na pakilaban na Namaratu tekid. A ya uhohug hapa ni Hesus a “Dangagan muy, te pagka-ma muy sangaw ya datang ku ta kuman na ange na tulisan. A pake nagasgāsāt sangaw ya sehahukal ikid na sebarawasi nga mangipa-na teyak. Ammi ta masidug kiden nga awan nagbarawasi a kakallak kid,” kunna.

Nagmatakar 2:9

A amuk ta mazigatan kanan ikid na pobre kam, ammi ta kakurugan a maba-nang kam gafu ta pangurug muy teyak. A amuk ta padpadulayan na kam na Hudyo kiden gafu ta pangurug muy teyak, ammi tulad kid na Hudyo, te itta kid haman ta kapilya ni Satanas.

Nagmatakar 3:16

Ammi gafu ta matabeng kam a ilutab ta kam.