Nagmatakar 18:21 - Uhohug na Namaratu gafu te Hesus Kristu

²¹ A sangaw itta ya masikan na anghel, a inakkat na ya dakal na batu ta kuman na kadakal na aggilingan, kapye na newarad ta bebay. A ya nebar na en hapa a “Kumanin sangaw ya pa-gang na ili na Babilonya, te medangkak sangaw ta lutak, a awan na sangaw. (v 14) A awan na sangaw ya ngamin kiden karagatan na tolay na kiden, te imawan na sangaw ya ngamin pagba-nang na ili in ikid na kalalaki na, a aweda sangaw metoli tentu.

Nagmatakar 18:21 Iomraidhean Croise

Nagmatakar 10:1

A ta kabalinan na kumanen a naitak ya takday ha na anghel nga seppakapangwa nga nagafu ta langit. Itta ya hunglun ta utun na ulu na en, a nahungun ya bari na ta kulam. Nagdakar hapa ya mukat na ta kuman na bilag, a ya takki na kiden ya kuman na duwa na arigi nga umagātang.

Nagmatakar 12:8

ammi naabak kid hala, a awan na ta lugar da ta langit,

Nagmatakar 16:20

A sa lumitap hapa ya fugfugu kiden ta bebay, ikid na bagetay kiden ta lutak.

Nagmatakar 18:10

A umadayu kid hapa sangaw tentu nga makatangtangit, te yaga magburung kid sangaw ta mekabkabat kid hapa ta pangpa-gang na Namaratu ta ili en. “Agayoy, agayoy, ta ili tamewan nga Babilonya. Piga la ya pangpa-gang na Namaratu tentu, pade awa malalaki na ili,” kunda sangaw.

Nagmatakar 18:22

Awan na sangaw ta sitang na gitara, ikid na tokar, ikid na kansyon ta agyan na kalsada na kiden ikid na babali. A awan na sangaw ta magtarabaku tentu, ikid na mamadday ta gagangayen paddayan na tolay, a awan na sangaw ta magbayu.

Nagmatakar 20:11

A ta kabalinan na kumanen a naitak ya imatuttud ta pake dakal ikid na furaw na agtuttudan na ari, a ka-ma la imawan ya lutaken pase langitewan gafu ta ketta na imatuttuden ta furaw na agtuttudan.

Nagmatakar 5:2

A sangaw naitak hapa ya masikan na anghel nga nagayag ta masikan: “Inya ya itta turay na nga mangazi ta dirkat kiden, petta maukadan ya papelin,” kunna,