Nagmatakar 14:8 - Uhohug na Namaratu gafu te Hesus Kristu

⁸ A tumubbat hapa magsitang ya mekaduwa na anghel, “Naperdin ya ili na Babilonya, pinerdin na Namaratu ya kadakalanen na ili, te ya umili kiden ya nangayayyaw ta kadwan kiden tolay ta kuman na nangpagilellaw, petta mekabkabat ya tolay kiden ta pakikadallaw da ta takwan na dyos,” kunna.

Nagmatakar 14:8 Iomraidhean Croise

Nagmatakar 11:8

A magyan la sangaw ya bari da kiden ta kalsada ta dakalen ili nga nangpapasin da ta Dafu da en Hesus ta idi, ammi meangarig hapa ye-yen na ili ta kuman na lugar na Sodom ikid na Egipto gafu ta kaddu na liwat na tolay na kiden.

Nagmatakar 16:19

te naggungay ya lutak ta ili na Babilonya nga kadakalan na ili addet ta nagtallu ya nagyanan na ili en. A negindan hapa naperdi ya ngamin kiden ili ta paglelehutin, te yen ya balat na Namaratu ta ili na Babilonya, a sa ipenum na ya ngamin pagporay na tekid.

Nagmatakar 17:18

“A ya babbayen hapa nga naitam ta naperdi a yen ya keangarigan na kadakalanen na ili nga nakitagabun na ari kiden ta paglelehutin,” kunna.

Nagmatakar 19:2

A matunung kad ya pangpa-gang na, te pina-gang nan ya makikadallawen nga nangpadakat ta ngamin paglelehutin ta pakikadallaw na ta tolay kiden. A nebalat nan hapa ya nepamapasi na ta tolay na kiden,” kunda.