Nagmatakar 14:7 - Uhohug na Namaratu gafu te Hesus Kristu

⁷ A masikan hapa ya pangbar na tekid, “Magbabawi kanan, a mangurug kanan ta Namaratu, te tanagay na ya araw na pangpa-gang na ta makaliwat. A mappya ta dayawan muy, te intu ya namadday ta langit ikid na lutak ikid na bebay pase ngamin kiden pagafun na danum,” kunna.

Nagmatakar 14:7 Iomraidhean Croise

Matyu 25:13

“A yen mina ya pagnonotan muy petta awemuy sangaw melogot awa dana nakaparan kam mina, te awemuy hapa amu am kanu ya datang na Dafu muy,” kun ni Hesus tekid.

Turin Kiden 14:15

“An-anu haman yana O? Bakkan kami ta dyos muy, te kagitta da kami la nga tolay,” kunda. “Yen ta ipadangag mi ya damag ni Hesus tekamuy petta amu muy ya kakurugan na Dyos nga namadday ta ngamin kiden itta ta langit pase paglelehutin. Mappya mantu ta azin muy ya mangatang ikid na makimallak ta awan manguffun tekamuy.

1 Pedru 4:7

A ta ayanin a tanagay na ya pagaddetan na arawin yan, a mappya mantu ta appiyan muy ya nonot muy, a gamman muy ya bari muy, petta makimallak kam.

Nagmatakar 11:13

Kabalinan na igon da a itta sangaw ya pake masikan na lunig, a maperdi sangaw ya pagkafulu na ili in yen, a magpasi sangaw ya pitu ribu na tolay ta lunigen. A ya awan kiden nasi ta lunigen a pake makatalaw kid sangaw, a ibar da sangaw ta pake masikan ya Dyos ta langit.

Nagmatakar 11:18

Kakurugan ta nakaporay ya awan kiden mangurug teko, ammi nepaitam hapa ya pagporay mu tekid. A ittan ya araw na pangimbestigar mu ta nagpasi kiden, ikid na pangsagolyat mu ta ngamin kiden pinaguhohug mu, ikid na tolay mu kiden nga magtalaw teko nga pobre ikid na naba-nang. A ayanin hapa ya araw na pangpa-gang mu ta ngamin kiden nagperdi ta lutakin,” kunda ta pangdayaw da tentu.

Nagmatakar 15:4

A inya hud para ya awan magtalaw ikid na magdayaw teko, Afu, bakawa iko la ya mappya. A sa ange sangaw teko ya tolay taga ngamin kiden lugar, petta dayawan da ka, Afu, te naita da ya kappya na ngamin kiden tinarabakum,” kun na kansyon da.

Nagmatakar 16:9

Ammi maski naap-apang kid ta patu na bilagen aweda haman nagbabawi, ikid na aweda nebosag ya kalalaki na Namaratu nga makkamu ta isin kid na pagzigātān awa pinadpadulayan da hud la.

Nagmatakar 18:10

A umadayu kid hapa sangaw tentu nga makatangtangit, te yaga magburung kid sangaw ta mekabkabat kid hapa ta pangpa-gang na Namaratu ta ili en. “Agayoy, agayoy, ta ili tamewan nga Babilonya. Piga la ya pangpa-gang na Namaratu tentu, pade awa malalaki na ili,” kunda sangaw.

Nagmatakar 18:17

A piga la ya kaperdi na ngamin pagba-nang na ikid na kalalaki na,” kunda sangaw. A kumanen hapa sangaw ya damdam na itta kiden ta bapor da kiden ta bebay, ya kapitan da ikid na magtarabaku kiden kontodu ngamin makilugan,

Nagmatakar 19:5

A sangaw itta ha ya takday magsitang ta bikat na agtuttudan na Namaratu, “Ikamuy ngamin nga daddoban na Namaratu a dayawan muy. Kumanen hapa tekamuy nga magtalaw tentu nga magturay pase awan magturay. Sa dayawan muy ya Dyos tam,” kunna.

Nagmatakar 4:11

“O, Afu Dyos mi, awan ta meatad mi nga megitta teko am bakkan la ta pangdayaw mi ta kalalakim ikid na pakapangwam. Te iko haman ya gafu na ngamin, a iko ya makāuray ta pakapadday da ikid na katolay da,” kun na kansyon da.

Nagmatakar 4:9

A am kada dayawan da ya itta ta agtuttudan na ari nga matolay la magnayun,

Nagmatakar 8:10

A ta pagpasitang na mekatallu en anghel ta amaryung na en a ka-ma la imalzub hapa ya dakal na bitwan ta langit ta kuman na hilag, kapye na nahunnak ta lutak ta agyan na pagkatallu na karayan kiden ikid na huhun kiden.