Nagmatakar 14:13 - Uhohug na Namaratu gafu te Hesus Kristu

¹³ A ta kabalinan na kumanen a nadangag ku ya maguhohug teyak ta langit: “Isurat mun yan. Mamegafu ta ayanin a nagāsāt ya ngamin kiden masi nga mangurug te Afu Hesus,” kunna. “On, kustu,” kunna hapa na Kahalwa na Namaratu teyak, “Nagāsāt kid te magimmang kid na ta ngamin banbannag da, te yaga masagolyatan kid hapa sangaw ta tinarabaku da,” kunna.

Nagmatakar 14:13 Iomraidhean Croise

Matyu 3:17

A nepagka-ma na hapa ya naguhohug ta langit. “Ye ye-yan ya Anak ku nga matakit ta nonot ku. Pake matalakanak tentu,” kunna.

Lukas 16:25

‘A yen mina ya nonotam, anak ku,’ kun ni Abraham tentu, ‘te dana naalap mun ya mappya na kwam ta katolay men, ammi te Lasaru a intu la naalap na ya dulay. A ta ayanin a newasa nan, a ikon ya mazigatan.

Lukas 16:9

Ammi ya ibar ku tekamuy a mappya hud ta kunna ten ya tarabakun muy petta itta sangaw ya mangikallak tekamuy? A itta hud sangaw ya magpadulot tekamuy ta magnayun na pagyanan gafu ta pagswitik muy?

Roma 14:8

Te am matolay kitam a magserbi ya katolay tam te Afu Hesus, a am masi kitam a magserbi hapa ya pasi tam tentu, pettam kumanen am matolay kitam ono am masi kitam a kwa na kitam hapa la.

1 Korinto 15:18

A maski ya kabagis tam kiden nga nagpasi a kakallak kid na mantu,

1 Korinto 15:20

Ammi mappya te bakkan haman ta kunna ten, te kakurugan ta natolay hala i Hesus, a ya nepagtolay na en ya ikatalak tam ta matolay hapa sangaw ya ngamin kiden mangurug, te kuman na masmasidug kid para la ta tanam da kiden.

1 Korinto 15:58

A iyen kid mina ya nonotan tam, kahkahulun, petta awena matampa na pangikatalak tam ta Namaratu. A ikakinan tam la ya ngamin patarabaku ni Afu Hesus tekitam, te maski am anu ya tarabakun tam ta pangurug tam tentu a amu tam ta awena sangaw melogot na pagbannag tam.

2 Korinto 5:8

A gafu ta kumanen, a ikaykayat mi hud la ya masi, petta itta kamin ta agyan na Dafu tamewan.

Pilipos 2:17

A maski am papasin dak mina a matalakak hala, te am angarigan ta kuman na atang ya pangurug muy ta Namaratu a mappya ta medagga hapa ya pasik, petta magserbi ya angat ku ta kuman na binarayangen nga meburud ta atangen, pettam kumanen a sa makipagayayat kitam ngamin ta neatang tam ta Namaratu ewan.

1 Tesalonika 4:14

Te am mangurug kitam ta natolay hala i Hesus ta nepasi na en a kumanen hapa mina ta nangurug kiden tentu nga nagpasi, te tolayan na kid hala sangaw na Namaratu ta kuman na nepangtolay na te Hesus.

1 Tesalonika 4:16

Te am dumagut sangaw ya Dafu tamewan nga magafu ta langit a madangag tam kān sangaw ya ngahal na kadakalan na anghel kiden ikid na amaryung na Namaratu, kapye na magayayag hapa ni Afu Hesus. A mapolu kān magtolay ya ngamin kiden nagpasi nga nedagga tentu,

Nagmatakar 1:11

A ya uhohug na teyak a “Isurat mun ya maitam,” kunna. “A petulud mu sangaw ya surat mu ta mangurug kiden ta pitu kiden iglesya nga itta ta iten Efeso, ikid na Ismirna, ikid na Pergamo, anna Tiyatira, ikid na Sardis, ikid na Piladelipya, ikid na Laodisya,” kunna.

Nagmatakar 10:4

A ta pagsitang na dalak kiden a magge isurat kun mina ya nebar na dalak kiden, ammi ginamman nak na takday maguhohug ta agyan na langit. “Awem la isurat ya nebar na dalak kiden, te melemad,” kunna.

Nagmatakar 11:15

A ta kabalinan na kumanen a pinagsitang na mekapitu en anghel ya amaryung na en, a dadangagan ku ya addu na magsitang ta masikan ta langit: “Nangabak na ya Dafu tamin Namaratu ikid na pinili na en magturay. A ta ayanin na i Hesus Kristu ya makākwa ta ngamin kiden iturayan ta paglelehutin, a intu la ya magnayun magturay,” kunda.

Nagmatakar 11:19

A ta kabalinan na kumanen a nahukatan ya simbaan na Namaratu ta langit, a maaita ya lakasa en nga netaratu na Namaratu ta tolay na kiden. A ta nekahukat na simbaan na en a nakakilkilat, ikid na nakadaldalak, a naglunig hapa ikid na nagararu ta masikan.

Nagmatakar 16:17

A sangaw ta pangipurwak na mekapitu en anghel ta mayan na diyug na en a pehulun na ta paddad, a itta ya masikan nagsitang ta simbaanen ta agtuttudan na Namaratu. “Nabalin na,” kunna.

Nagmatakar 19:9

A sangaw itta ya anghel nga naguhohug teyak, “Isurat mun yan: ‘Nagāsāt ya ngamin kiden magawi ta boda na Kalneru en, te mesipat kid na ta pagpamakan na,’” kunna. “Te kakurugan yan kid na uhohug na Namaratu,” kunna ha.

Nagmatakar 2:1

A ya uhohug na en para teyak a “Isurat mu yan ta daddoban na Namaratu nga magtaron ta iglesya ta ili na Efeso: ‘Iyak ya mangsaned mangita ta pitu kiden hilag ikid na mangibbal ta pitu kiden bitwan.

Nagmatakar 2:7

A am kakurugan hala ta itta ya bangbang muy a mappya mantu ta dangagan muy ye-yen kid na uhohug na Kahalwa na Namaratu ta iglesya kiden. A ya ngamin kiden mangabak ta dulay a yen kid sangaw ya pakanan ku ta mayan na kayu en mangtolay nga itta ta lugar na Namaratu,’” kunna.

Nagmatakar 20:6

Ammi mapmappya ya mesipat kiden ta apolu en pangtolay na Namaratu, a pake matalakan kid sangaw, te awena kid sangaw masi-ged na mekaduwa na pasi, a magserbi kid la ta Namaratu ikid ni Hesus Kristu, te magbalin kid ta padi na, a makipagturay kid tentu abat ta maribu na darun.

Nagmatakar 21:5

A sangaw naguhohug hapa ya imatuttuden ta agtuttudan na ari, “Itan muy awa sa naulik ya ngamin petta bagu,” kunna. A ya nebar na teyak a “Isurat mun ya nadangag mu, te kakurugan na uhohug,” kunna.

Nagmatakar 22:17

“E kanan sin,” kun na Kahalwa na Namaratu, “E kanan sin,” kunna hapa na atawa na Kalneru en, “E kanan sin,” kunna hapa na ngamin nakadangag. Te maski am inya ya makainum, ikid na kompormi ya mayat, a ange mina uminum ta danumen mangtolay te awan ta paga na.

Nagmatakar 6:11

A ya nebar na Namaratu tekid a “Magimmang kam la bit addet ta sa nedagga tekamuy ya kadwan para na kahkahulun muy nga mapapasi sangaw ta kuman na ikamuy,” kunna tekid, yaga inatadan na ya tagtakday tekid ta furaw na ga-gamit.