Nagmatakar 13:7 - Uhohug na Namaratu gafu te Hesus Kristu

⁷ A nepalubus hapa na Namaratu ta pa magturay la bit ya simaronen ta ngamin kiden tolay ta ngamin kiden lugar ikid na agsitang, petta pakākāllakan na hapa ya tolay kiden na Namaratu.

Nagmatakar 13:7 Iomraidhean Croise

Lukas 4:6

a ya uhohug ha ni Satanas tentu a “Itam ya kalalaki na lugar kidina ikid na gubyernu da, te ya ngamin kiden nepaitak teko a kwam na sangaw am makidafu ka teyak, te neatad yan kid teyak, a iatad ku hapa ta kompormi na ikayat ku,” kunna.

Hwan 19:11

Ammi ya uhohug ni Hesus tentu a “Awan mina ta pakapangwam teyak am awena neatad na Namaratu teko. Dakdakal mantu ya liwat na nangpetulud teyak teko, te pepapasi na teko ya awanen ta liwat,” kunna.

Nagmatakar 10:11

A sangaw nadangag ku ya maguhohug teyak: “Mappya ta manglavun ka hapa sangaw, te intu lavunam ya dumatang sangaw ta addu na tolay ikid na dafu da kiden,” kunna.

Nagmatakar 11:18

Kakurugan ta nakaporay ya awan kiden mangurug teko, ammi nepaitam hapa ya pagporay mu tekid. A ittan ya araw na pangimbestigar mu ta nagpasi kiden, ikid na pangsagolyat mu ta ngamin kiden pinaguhohug mu, ikid na tolay mu kiden nga magtalaw teko nga pobre ikid na naba-nang. A ayanin hapa ya araw na pangpa-gang mu ta ngamin kiden nagperdi ta lutakin,” kunda ta pangdayaw da tentu.

Nagmatakar 11:7

A am mabalin kid sangaw mangipasikkal a itta sangaw ya pake maporay na simaron nga imuhet ta adadalamen avut, a ange sangaw makitapil ta duwa kiden, a am naabak na kid a papasin na kid hapa.

Nagmatakar 12:17

A gafu ta pake nagporay ya lamagen ta babbayen, a nangunungan na ya kadwan kiden anak na petta gubatan na kid, te ikid ya mangurug ta ibar na Namaratu ikid na mangipasikkal ta damag ni Hesus.

Nagmatakar 17:15

A ya binida na en para teyak, “A ya karayan kiden nga naitam nga magar-arut ta pagyanan na babbayen makikadallaw a yen kid ya keangarigan na tolay kiden ta addu na lugar ikid na maguhohug ta addu na agsitang.

Nagmatakar 5:9

A sa nagkakansyon hapa ya lala-laay kiden ta bagu na kansyon ta Kalneru en: “Iko la, Afu, ya makaalap ta papelen nga nalukut, ikid na mangazi ta dirkat na kiden. Te iko ya nasi, a ya dagam ya nepangsakam ta tolay kiden na Namaratu ta ngamin kiden nasyon ikid na lugar ikid na ngamin kiden agsitang.