Nagmatakar 13:10 - Uhohug na Namaratu gafu te Hesus Kristu

¹⁰ Am inya sangaw ya mebalud gafu ta awena makidafu ta simaronen a timuluk la mebalud. A am inya sangaw ya mapapasi gafu ta awena makidafu ta simaronen a timuluk la mapapasi. A yen ta pake maturad mina ya tolay kiden na Namaratu, petta idulot da la ya pangurug da.

Nagmatakar 13:10 Iomraidhean Croise

Matyu 26:52

Ammi ginamman hapa ni Hesus ya nangkattaben, “Ialag mun ya kampilamina, te am inya ya imunan mangkattab a masi hapa sangaw ta kattab.

Matyu 7:2

Te am anu ya pangitan muy ta kadwan a kumanen hapa sangaw ya pangitan na Namaratu tekamuy. A ya pangikwenta muy ta ikattolay muy a kumanen hapa sangaw ya pangikwenta na Namaratu tekamuy.

Lukas 21:19

te am attaman muy la ya ngamin makkwa tekamuy a maatadan kam hala sangaw ta magnayun na angat.”

Kolosas 1:11

A adangan ku para ta pake mapasinapān kam ta pakapangwa na en, petta itta ya turad muy ikid na talak muy nga magattam ta ngamin dumatang tekamuy.

Hebreyu 6:12

A nabidak yan tekamuy petta awemuy la matalakag, am awa parigan muy mina ya imunnan kiden nangurug nga nakagamid ta nekari na Namaratu gafu ta pangurug da ikid na nepagattam da ta zigat da en.

Nagmatakar 1:9

A iyak, Hwan, ya takday kabagis muy nga nedagga te Afu Hesus, a kahulun dak hapa nga mesipat ta iturayan na kiden, ikid na magattam ta pagzigātān gafu ta pangurug tam. A ta kuman na iyak ta idi a nafukukak ta fugu na Patmos gafu ta pangipadangag ken ta uhohug na Namaratu ikid na nepakkamu ni Hesus teyak.

Nagmatakar 11:18

Kakurugan ta nakaporay ya awan kiden mangurug teko, ammi nepaitam hapa ya pagporay mu tekid. A ittan ya araw na pangimbestigar mu ta nagpasi kiden, ikid na pangsagolyat mu ta ngamin kiden pinaguhohug mu, ikid na tolay mu kiden nga magtalaw teko nga pobre ikid na naba-nang. A ayanin hapa ya araw na pangpa-gang mu ta ngamin kiden nagperdi ta lutakin,” kunda ta pangdayaw da tentu.

Nagmatakar 14:12

A yen mina ya pangnonotan na tolay na kiden na Namaratu, te am idulot tam ya pangurug tam ta uhohug na Namaratu ikid ni Afu Hesus a attaman tam la bit ya dumatang tekitam gafu ta awetam pakidafu ta simaronen.

Nagmatakar 16:6

te yen kid ya nangpagarut ta daga na tolay mu kiden ikid na pinaguhohug mu kiden ta idi. A ta ayanin a pinenum mu kid hapa ta daga. A yen ya mappya na balat,” kunna.

Nagmatakar 17:11

“A ya bari na simaronen nga pagtakayan na babbayen a intu hala ya keangarigan na mekawalu na ari, ammi ta idi a intu hala ya mekapitu ta pitu kiden. A awan na yen ta ayanin, ammi ta idi itta. A lumattog hala sangaw kapye na mewarad ta pangpa-gangan na Namaratu tentu.

Nagmatakar 17:8

“A ya simaronina nga nagtakayan na babbayina a itta ta idi, te awan haman ta ayanin, ammi tanagay na ha magtoli, te magafu sangaw ta avuten ta pake umag na lutakin. A sangaw am lumattog na a intu sangaw ya dayawan na tolay kiden nga awan nelista ta nakelistan na matolay kiden ta awena para pakapadday na paglelehutin. Te am maita da ta limattog na a ‘Imawan haman ta idi a anu kawagan na ta itta ha,’ kunda. Ammi awena sangaw mabayag, te mewarad hala sangaw ta pangpa-gangan na Namaratu tentu.

Nagmatakar 2:19

A amuk ya ngamin tarabaku muy gafu ta pangidduk muy ikid na pangurug muy teyak, ikid na panguffun muy ta ikattolay muy kiden, ikid na pagattam muy ta ngamin pagzigātān muy. A amuk hapa ta dakdakal ya tarabaku muy ta ayanin ammi ta idi.

Nagmatakar 2:2

Amuk mantu ya tarabaku muy ikid na pagbanbannag muy ikid na pagattam muy. A amuk hapa ta aweyan muy ya mangwa kiden ta dulay, te pinaruba muy ya ape turin kiden ni Hesus a amu muy ta nagtulad kid.

Nagmatakar 3:10

“A gafu ta kinurug muy ya uhohug ku tekamuy nga magattam ta zigat na pangurug muy a ilillik ta kam hapa sangaw ta kadakalan na zigat nga dumatang ta ngamin paglelehutin, te yen sangaw ya pangparubak ta ngamin kiden awan mangurug.

Nagmatakar 3:3

Magbabawi kanan mantu ta katalakag na nonot muy, a nonotan muy ya nepadangag da tekamuy ta idi nga kinurug muy, te yen mina ya itug muy. Te am awemuy mahukal a pagka-ma muy sangaw ya iangek tekamuy ta kuman na tulisan, te awemuy sangaw amu ya araw na datang ku tekamuy.