Nagmatakar 11:18 - Uhohug na Namaratu gafu te Hesus Kristu

¹⁸ Kakurugan ta nakaporay ya awan kiden mangurug teko, ammi nepaitam hapa ya pagporay mu tekid. A ittan ya araw na pangimbestigar mu ta nagpasi kiden, ikid na pangsagolyat mu ta ngamin kiden pinaguhohug mu, ikid na tolay mu kiden nga magtalaw teko nga pobre ikid na naba-nang. A ayanin hapa ya araw na pangpa-gang mu ta ngamin kiden nagperdi ta lutakin,” kunda ta pangdayaw da tentu.

Nagmatakar 11:18 Iomraidhean Croise

Matyu 5:12

A mappya ta magayayat kanan, te pake dakal sangaw ya isagolyat na Namaratu tekamuy. A awemuy la magdamdam, te nonotan muy mina ya aglavun kiden na Namaratu ta palungu na araw, te kagitta muy kid hapa nga natapangan.”

Lukas 1:50

te ikallak na ikallak ya ngamin mamat tentu, a kumanen hapa ta simsima da kiden.

Hebreyu 9:27

A gafu ta mittan la ya pasi na tolay kapye na imbestigaran na Namaratu ewan, a gagangay ta mittan la hapa ya pangikaru ni Hesus ta liwat tam kiden kapye na hala magtoli ta isin. Ammi bakkan ta intu sangaw iange na ya mangikaru ha ta liwat, am awa alapan na ya tolay kiden nga matalak magindag tentu.

Nagmatakar 10:7

Te am kanu sangaw na araw ya pagsitang na mekapitu en amaryung a yen kid na araw ya pangibalin na Namaratu ta ngamin gakkad na en nga nelemad na ta idi, ammi dana nepakkamu na ta pinaguhohug na kiden,” kunna.

Nagmatakar 11:2

ammi awem rukudan ya bagawen ta lehut na simbaanen, te yen ya meatad ta tolay kiden nga awan makkamu ta Namaratu, a gubatan da sangaw ya ili na Namaratu, te pagyanan da sangaw abat ta tallu darun annam na hulan.

Nagmatakar 13:10

Am inya sangaw ya mebalud gafu ta awena makidafu ta simaronen a timuluk la mebalud. A am inya sangaw ya mapapasi gafu ta awena makidafu ta simaronen a timuluk la mapapasi. A yen ta pake maturad mina ya tolay kiden na Namaratu, petta idulot da la ya pangurug da.

Nagmatakar 13:16

A ya ngamin kiden tolay nga ata-nang ikid na alinnak, ikid na maba-nang ikid na pobre, ikid na magturay ikid na magtagabu a sa persan na kid sangaw nga mamarkan ta ziwanan na kamat da ono mukat da,

Nagmatakar 14:10

a Namaratu hapa sangaw ya magporay tentu, a penuman na kid hapa sangaw ta binarayang na pangpa-gang na tekid te kuman na iburud na sangaw tekid ya pagporay na nga awan pulus ta laok, te pake masikan la. “A pake kakallak kid hapa sangaw gafu ta afuy ikid na burbura ta pakaitan na Kalneru en ikid na anghel kiden.

Nagmatakar 15:1

A ta kabalinan na kumanen a naitak ya takwan na pakaitan ta langit nga pake pagpaka-latan, te itta ya pitu na anghel, a ikid hapa ya makkamu mangiburud ta pitu na pagzigātān ta tolay kiden ta lutak. A am nabalin na sangaw ye-yen kid na pagzigātān a yen sangaw ya addet na pangpa-gang na Namaratu.

Nagmatakar 15:7

A ya mekappaten ta ayam kiden nga itta ta bikat na ari en a enna nesaned ya diyug na balituk ta tagtakday ta pitu kiden anghel. A ya tagtakday diyug da a napannu ta pagporay na Namaratu ewan nga awan masi.

Nagmatakar 18:6

Aran, Afu, ibalat mu ya liwat na ili ina, te atadam ta kuman na neatad na ta kadwan, ammi doblem ya pangpa-gang mu tentu, te ya dulayen nga nepenum na ta kadwan a masmasikan ya ipenum mu tentu.

Nagmatakar 19:18

E kanan sin te mangigup kanan ta bilsag na ari kiden ikid na suddalu kiden pase kumander da kiden, ikid na bilsag na kabayu pase magtakay kiden. Kakkapan muy ya bilsag na ngamin tolay nga tagabu pase awan nagtagabu, ikid na alinnak pase ata-nang,” kunna.

Nagmatakar 19:5

A sangaw itta ha ya takday magsitang ta bikat na agtuttudan na Namaratu, “Ikamuy ngamin nga daddoban na Namaratu a dayawan muy. Kumanen hapa tekamuy nga magtalaw tentu nga magturay pase awan magturay. Sa dayawan muy ya Dyos tam,” kunna.

Nagmatakar 20:12

A sangaw naitak hapa ya nagpasi kiden, ngamin ata-nang pase alinnak, a gitayukan kid ta atubang na imatuttuden ta furaw na agtuttudan, te ya ngamin kiden nagpasi ta bebay ikid na lutak a sa imuhet kid ta tanam da kiden. A sangaw naukadan hapa ya lebru kiden nga nakesuratan ta ngamin kiden tinarabaku na nagpasi kiden ta katolay da en. A naukadan hapa ya takday para na lebru nga nakelistan na matolay kiden. A gafu ta lebru kiden a yen ya pakaitan ta tinarabaku na tagtakday, petta amu na Namaratu am anu sangaw ya pangpa-gang na tekid.

Nagmatakar 22:12

A ya uhohug hapa ni Hesus teyak, “Dangagam, te tanagay na ya datang ku, a ihulun ku hapa ya isagolyat ku, te atadan ku sangaw ya ngamin tolay ta kuman na megitta ta tinarabaku da.