Nagmatakar 1:11 - Uhohug na Namaratu gafu te Hesus Kristu

¹¹ A ya uhohug na teyak a “Isurat mun ya maitam,” kunna. “A petulud mu sangaw ya surat mu ta mangurug kiden ta pitu kiden iglesya nga itta ta iten Efeso, ikid na Ismirna, ikid na Pergamo, anna Tiyatira, ikid na Sardis, ikid na Piladelipya, ikid na Laodisya,” kunna.

Nagmatakar 1:11 Iomraidhean Croise

Turin Kiden 16:14

A ya takdayen babbay nga nagdangag ta bida mi a dana mangurug hapa ta Namaratu, ammi tentu en nakadangag ta damag ni Hesus nga binida ni Pablu a inukadan na Namaratu ya nonot na, a pazigut hapa ta ngagan ni Afu Hesus, a nesipat hapa ya ngamin kiden magyan tentu. Lidya ya ngagan na, a taga ili na Tiyatira, a maglaklaku hapa ta ga-gamit.

Turin Kiden 18:24

A ta ketta para la ni Pablu ta iten Galasya a itta ya takday Hudyo nga immange nagpasyar ta ili na Efeso. Apolos ya ngagan na, a taga ili na Alehandra ta lugar na Egipto. A tentu en immange makigimung ta kapilya na Hudyo kiden a pake naturad hapa magbida tekid, te malalaki maguhohug, yaga awena metawag ta surat kiden ta Bibliya. A pake pinasikkal na ya maguhohug, a awan kad ta pagkilluyan na ituldu na ta damag ni Hesus, te kustu ngamin ya bidan na, te pake naadal na ta mappya ya ngamin netuldu tentu gafu te Afu Hesus. Intu la pagkurangan na ya kazigut na en, te maski dana nesipat ta pangzigut ni mina Hwan a awena para la nakompleto na kazigut na. A ta nepakadangag nig Persila ikid ni Akila tentu ta kapilya en a nebar da tentu ta “Magdulot ka hala ta bali mi, te magbida kitam,” kunda tentu, a pake netuldu da ya awena en para amu nga dalan na Namaratu.

Turin Kiden 20:17

A ta datang mi ta ili na Miletu a nangidob i Pablu ta ili na Efeso petta maayagan ya kalalaklakayan na iglesya.

1 Korinto 16:8

A magyanak mantu la bit ta isin ili na Efeso addet ta pyesta na Pentikostes,

Efeso 1:1

Tekamuy nga tolay na Namaratu taga Efeso nga mangikatalak te Hesus Kristu; Ampade Dama tam Namaratu ikid ni Afu Hesus ya mangikallak tekamuy petta mappya kam la. A ya nagsurat tekamuy a iyak, Pablu, nga turin ni Hesus gafu ta uray na Namaratu ewan.

Kolosas 2:1

A pake ibosag ku tekamuy, kahkahulun, ta ikakinan ku la ya tarabakukin gafu tekamuy, kontodu mangurug kiden ta ili na Laodisya, a kumanen hapa ta ngamin kiden nga awan para la nakaita teyak,

1 Timotyo 1:3

A ya pakikekallak ku teko, Aleng, teyaken nagtugut nga umange ta Masadonya a “Magyan ka la ta isin ili na Efeso, petta matabarangam ya kadwan kidin mangituldu, petta aweda ituldu ya awan kustu,” kunku.

Nagmatakar 1:17

A ta nepakaitak tentu a napaidda yak na ta kuman na nasi ta takki na kiden. Ammi nepotun na ya ziwanan na en teyak, a “Awem la magtalaw, iyak ya nangigafu ta ngamin, a iyak hala sangaw ya mangibalin,

Nagmatakar 1:19

Isurat mu mantu ya ngamin maitam, te ibar na ya itta ta ayanin, ikid na dumatang sangaw,” kunna.

Nagmatakar 1:2

A iyak mantu ya mangipasikkal ta Uhohug na Namaratu ikid na ngamin nepakkamu ni Hesus teyak, a naitak ikd na nadangag ku ya ngamin nagmatakar teyak.

Nagmatakar 1:20

“A ya pitu kiden bitwan nga naitam ta ziwanan kin a yen kid ya keangarigan na daddoban kiden na Namaratu ta pitu kiden iglesya. A ya pitu kiden hilag nga balituk a yen kid ya keangarigan na tarabaku na daddoban na kiden nga mesaned ta tagtakday iglesya,” kunna.

Nagmatakar 1:4

A iyak i Hwan, a ye-yan mantu ya surat ku tekamuy ngamin nga maggagimung ta pitu kiden kapilya ta lugar na Asya. Ampade kanayun pasinapān na kam na Namaratu ewan ikid na Kahalwa na en ikid ni Hesus Kristu. Te ya Namaratu ta idi a intu hala ta ayanin, a intu hala sangaw ya umange. A ya Kahalwa na en hapa ya kahulun na nga makapangwa ta ngamin. A i Hesus hapa ya mekatalak nga nangipasikkal ta kakurugan, ikid na napopolu en natolay ta pasi, ikid na kata-nangan ta ngamin kiden magturay ta paglelehutin. Ampade intu ya madaydayawan ikid na masikan magturay addet ta addet, te gafu ta pangidduk na tekitam ikid na daga na en a naubadan kitam ta liwat tam kiden. A pinagbalin na kitam hapa ta kuman na padi na kiden, petta magserbi kitam nga makipagturay tentu, ikid na mangiatang ta pangdayaw tam ta Dama na ewan Namaratu. Onay!

Nagmatakar 1:8

A ya uhohug na Namaratu nga Dafu tamewan a “Iyak ya mangigafu ikid na mangibalin ta ngamin,” kunna. Te intu hala ya itta ta idi, a intu hala ta ayanin, a intu hala sangaw ya umange nga seppakapangwa ta ngamin.

Nagmatakar 10:4

A ta pagsitang na dalak kiden a magge isurat kun mina ya nebar na dalak kiden, ammi ginamman nak na takday maguhohug ta agyan na langit. “Awem la isurat ya nebar na dalak kiden, te melemad,” kunna.

Nagmatakar 14:13

A ta kabalinan na kumanen a nadangag ku ya maguhohug teyak ta langit: “Isurat mun yan. Mamegafu ta ayanin a nagāsāt ya ngamin kiden masi nga mangurug te Afu Hesus,” kunna. “On, kustu,” kunna hapa na Kahalwa na Namaratu teyak, “Nagāsāt kid te magimmang kid na ta ngamin banbannag da, te yaga masagolyatan kid hapa sangaw ta tinarabaku da,” kunna.

Nagmatakar 19:9

A sangaw itta ya anghel nga naguhohug teyak, “Isurat mun yan: ‘Nagāsāt ya ngamin kiden magawi ta boda na Kalneru en, te mesipat kid na ta pagpamakan na,’” kunna. “Te kakurugan yan kid na uhohug na Namaratu,” kunna ha.

Nagmatakar 2:1

A ya uhohug na en para teyak a “Isurat mu yan ta daddoban na Namaratu nga magtaron ta iglesya ta ili na Efeso: ‘Iyak ya mangsaned mangita ta pitu kiden hilag ikid na mangibbal ta pitu kiden bitwan.

Nagmatakar 2:12

A ya nepesurat na hapa ta daddoban na Namaratu nga magtaron ta iglesya ta ili na Pergamo, a intu yan: “Iyak ya seuhohug nga kuman na kampilan nga maggwaakub ya tadam na,

Nagmatakar 2:18

A ya nepesurat na hapa ta daddoban na Namaratu nga magtaron ta iglesya ta ili na Tiyatira, a intu yan: “Iyak ya Anak na Namaratu nga nagmata ta kuman na bagkang, ikid na nagtakki ta kuman na baronsi.

Nagmatakar 2:24

“Ammi ta kadwan kidina tekamuy ta ili na Tiyatira nga awan dumagdag ta ituldu na babbayina, ikid na awan makkamu ta kinan da en ‘mazigat maawatan’ nga nagafu te Satanas, a awek daggan ya tarabaku muy,

Nagmatakar 2:8

A ya nepesurat na hapa ta daddoban na Namaratu nga magtaron ta igleysa ta ili na Ismirna, a intu yan: “Iyak ya nangigafu ikid na mangibalin ta ngamin, te nasi yak ta idi, ammi natolayak hala.

Nagmatakar 21:5

A sangaw naguhohug hapa ya imatuttuden ta agtuttudan na ari, “Itan muy awa sa naulik ya ngamin petta bagu,” kunna. A ya nebar na teyak a “Isurat mun ya nadangag mu, te kakurugan na uhohug,” kunna.

Nagmatakar 22:10

A sangaw nebar na anghelen teyak, “Awem sangaw ilemad ya bida kiden nga nesurat mu ta lebru in yan, te yen kid ya nepalavun na Namaratu teko, a awena la mabayag a magdulot.

Nagmatakar 22:16

“Iyak, Hesus, a dinob ku ya anghel ken teko, petta ibar mu sangaw ya ngamin naitam ikid na nadangag mu ta iglesya kiden ta tagtakday lugar. Iyak ya simsima ni mina Ari en Dabid, a iyak ya nengagan da en Darāmagan nga magdakar ta magkarawan,” kunna.

Nagmatakar 3:1

A ya nepesurat na hapa ta daddoban na Namaratu nga magtaron ta iglesya ta ili na Sardis a intu yan: “Iyak ya mangibbal ta pitu kidin bitwan ta ziwanan kin, a itta teyak ya Kahalwa na Namaratu nga makapangwa ta ngamin. A dana amuk hapa ya gagangay na tarabaku muy, te maski am ibar da ta magatotolay ya pangurug muy a masin haman.

Nagmatakar 3:14

A ya nepesurat na hapa ta daddoban na Namaratu nga magtaron ta iglesya ta ili na Laodisya a intu yan: “Iyak ya awan magtulad, te iyak ya mekatalak nga mangipasikkal ta kustu, ikid na nangigafu ta ngamin kiden pinaratu na Namaratu ewan.

Nagmatakar 3:4

“Ammi matalakak ta kadwan kidina tekamuy, te aweda tinapangan ya bari da ikid na nonot da ta dulay, a yen kid sangaw ya mehulun teyak nga magbarawasi ta furaw, te megitta kid.

Nagmatakar 3:7

A sangaw nebar na hapa ya isurat ku ta daddoban na Namaratu nga magtaron ta iglesya ta ili na Piladelipya, a intu yan: “Iyak ya kagitta na Namaratu ewan nga awan mangilogot, a iyak ya mangibbal ta tulbik na pangikerutan na Namaratu nga dana nebar na te mina Ari en Dabid. Am itta ya pasarokan ku ta pangikerutan na Namaratu a awena mabalin ta madugiman, a am itta ya dugiman ku a awena mantu mabalin ta simarok.