Matyu 8:2 - Uhohug na Namaratu gafu te Hesus Kristu

² A ka-ma la itta ya takday lalaki nga naggalis, a umange namalentud ta atubang ni Hesus. “Ay Afu, ikallak nak haen, te amuk ta maurum ya tabbit kin am ikayat mu,” kunna.

Matyu 8:2 Iomraidhean Croise

Matyu 10:8

“A pagmappyan muy hapa ya magtatākit, ikid na tolayan muy ya nagpasi, ikid na pagmappyan muy ya maggalis, a patugutan muy ya anitu na seanitu kiden. Te ya neatad ken tekamuy a awemuy haman pinagan, a yen hapa ya iatad muy, a awemuy papaga.

Matyu 13:58

A gafu ta aweda kinurug a assang la ya nepaita na ta pakapangwa na ta agyan da.

Matyu 14:33

A ya kadwan kiden hapa ta selayagen a pake dinayawan da i Hesus. “Kakurugan kad, Afu, ta iko ya Anak na Namaratu ewan,” kunda.

Matyu 15:25

Ammi umabikan hapa ya babbayen, a namalentud ta atubang ni Hesus, a “Uffunan nak kad, Afu,” kunna.

Matyu 18:26

Ammi alistu namalentud hapa ya lalaki en ta ari en, te nakimemallak tentu. ‘Ay afu, indagam para haen ya pagpagak, te sa pagan ku ngamin gatut ku,’ kunna.

Matyu 2:11

A sangaw simarok kid hapa ta umag na bali en, a naita da hala ya abbingen Hesus ikid na hina na en Mariya. A alistu kid namalentud ta atubang ni Hesus nga nagdayaw tentu, kapye da inukadan ya kaha na agitunan da ta balituk ikid na mangina na bangog, a neuhet da ya iatad da tentu.

Matyu 20:20

A tekid na nagdulot ta dalan a himebing te Hesus ya hina nig Santiago ikid ni Hwan, a namalentud ta atubang na en ta pagadang na tentu.

Matyu 26:6

A sangaw umange ig Hesus ikid na ituldu na kiden ta iten Betanya ta bali ni Simonen nga nagkangaw ta idi.

Matyu 28:17

A tekiden nakaita tentu a namalentud kid na nga nangdayaw tentu. Ammi ta kadwan a aweda kurugan ta intu in yen.

Matyu 28:9

ammi ka-ma la itta i Hesus ta atubang da, te nesimmun na kid ta dalanen. “O ey, itta kanan,” kunna tekid. A enda inahakupan ya takki na kiden, a dinayawan da. A ya uhohug na hapa tekid a

Matyu 4:9

“A ya ngamin nepaitak teko a kwam na sangaw am makidafu ka teyak,” kunna.

Matyu 8:1

A gafu ta nabalin na i Hesus nangituldu a dumagut na ta bagetayen, a dimadagdag hapa ya pake addu na tolay.

Matyu 8:25

A gafu ta nagburung na ya kahulun na kiden a enda hapa hinukal i Hesus. “Ay Afu, ikerutan na kami, te lumammad kitanan,” kunda.

Matyu 9:18

A tentu en para la naguhohug tekid a itta ya takday pinakadakal na Hudyo kiden nga umange namalentud ta atubang na en ta pagadang na tentu. “Ay Afu, bagu nasi ya anak ken nga balatang, ammi em haen isi-ged ya kamat mu tentu petta matolay,” kunna.

Lukas 4:27

“A kumanen hapa ta kaarawan ni mina Eliseyo, te addu hapa ya nagkangaw ta kagitta muy kiden Istralita ta ketta ni Eliseyo, ammi bakkan ta isina kid ya enna pinagmappya, te intu hud la pinagmappya na i Naaman nga kapitan na Hentil kiden taga Siriya,” kunna. A yen hapa ya addet na binida ni Hesus tekid.

Hwan 9:38

“Ay, mangurugak mantu, Afu,” kunna, kapye na namalentud hapa ta atubang ni Hesus nga nangdayaw tentu.

Turin Kiden 10:14

“Atsi, awek O, Afu, te maski abat ta kaabbing ku awek para nangigup ta kuman na mehangat kidina,” kun ni Pedru.

Turin Kiden 10:25

A ta isarok ni Pedru a enna dinafung ni Kornelyu, a namalentud ta atubang na en ta kuman na mangdayaw tentu.

1 Korinto 14:25

A gafu ta naukadan ya ngamin nelemad na ta nonot na a magtakab hapa magdayaw ta Namaratu, a ibar na sangaw ta itta kad ya Namaratu tekamuy.

Nagmatakar 19:10

A nagtumagak na ta atubang na anghelen, te dayawan ku mina, ammi ginamman nak, “Bakkan mina ta iyak ya dayawam, te Namaratu la mina, te daddoban nak la na Namaratu ta kuman na iko ikid na kagittam kiden aglavun nga mangipasikkal te Hesus, a yen ta paglavunan nak na Kahalwa na Namaratu, petta iyak ya mangipasikkal te Hesus,” kunna.