Matyu 4:10 - Uhohug na Namaratu gafu te Hesus Kristu

¹⁰ “Atsii, umadayu kan teyak, Satanas, te ya nesurat ta lebru na Namaratu a ‘Namaratu la ya dayawan muy, a intu la tatakday ya pakidafun muy,’ kunna.”

Matyu 4:10 Iomraidhean Croise

Matyu 16:23

A nagbalittag hapa i Hesus nga nangatubang te Pedru, a “Umadayu kan teyak, te itta ya Satanas teko, te sanatan nak nga magliwat, te bakkan ta uray na Namaratu ya ibar mu teyak awa uray hud la na tolay,” kunna tentu.

Markus 1:13

A nagyan la ten abat ta appatafulu araw, a nekihkihu ta magdaduma na ayam nga simaron ikid na maporay. A yen hapa ya neange ni Satanas tentu, petta paruban na, ammi ta nekabalin ni Satanas tentu a umange hapa ya anghel kiden nga manguffun te Hesus petta magsikan.

Lukas 10:18

A ya uhohug na hapa tekid a “Naitak hapa ya pagtukalit na dafu da en Satanas ta kuman na pagsunak na kilat gafu ta pagpatugut muy ta daddoban na kidina.

Lukas 13:16

A kumanen dulay hud am araw na agimmang ya nekaubad na kagitta muyin tolay nga nagalutan ni Satanas abat ta mafulu walu darun?” kunna.

Lukas 22:3

A tekiden para la nagmiting a itta hapa ig Hesus ikid na ituldu na kiden ta takwan na lugar, a yen hapa ya nesassarok ni Satanas ta nonot ni Hudas Iskaryote petta italaba na i Hesus, te intu ya takday na mafulu duwa kiden kahulun ni Hesus.

Lukas 22:31

“A iko hapa Simon, a dangagam ya ibar ku teko, te pake ikayat ni Satanas ya mangalap tekamuy ngamin, petta paruban na kam sangaw ta kuman na magsap ta aggik,

Lukas 4:8

Ammi ya tabbag ni Hesus tentu a “Iko hud ya pakidafun ku, te ya uhohug na suraten a ‘Namaratu la ya dayawan muy, a intu la tatakday ya pakidafun muy,’ kunna.”

Hwan 13:27

A ta nekabalin ni Hudas nga nanggawat ta panen a yen hapa ya nesarok ni Satanas tentu. A ya uhohug hapa ni Hesus tentu a “Tarabakum na ya ikayat mu tarabakun,” kunna.

Turin Kiden 26:18

petta pagladdangam ya mata da, petta pagtugutān da ya sugiram nga iturayan ni Satanas, a simarok kid ta dakar nga iturayan na Namaratu. Te am mangurug kid teyak a mapakoman ya liwat da, a mesipat kid hapa ta tolay kiden nga binaggawan na Namaratu,’ kunna haman teyak.

Turin Kiden 5:3

Ammi ya uhohug ni Pedru tentu a “Ananayas, anu kawagan na ta iningwam ya nepanonot ni Satanas teko? Nagtuladam mantu ya Kahalwa na Namaratu, te nesirak mu haman ya kadwan naglakun muy ta lutak muyen.

1 Korinto 7:5

A maski am bagu nagatawa ono am nabayag na nagatawa a aweda mina iituk ya bari da ta atawa da. Ammi am ikayat muy ta immangan muy bit la ya pagdorug muy petta mapmappya ya pakatagop muy ta pakimallak muy a mabalin hapa am naggitta ya nonot muy. Ammi mappya hapa ta awemuy pabayagan ya awemuy pagdorug talo am sanatan na kam ni Satanas a e kam makidorug ta takwan gafu ta awemuy pakaguwad ta bari muy.

2 Korinto 11:14

A anggem, te maski ya dafu da en Satanas a ape pagbalinan na hapa ya bari na ta anghel na Namaratu ewan.

2 Korinto 12:7

A gafu ta ngamin kiden nepakkamu na Namaratu teyak ta langitewan a nepalubus na ta itta ya dakal na pagzigātān ku nga nagafu te Satanas, petta awek magparayag gafu ta nepaita na teyak.

2 Korinto 2:11

petta awan sangaw ta ibbalan ni Satanas ta panguyoyung na tekitam, te dana amu tam haman ya gagangay na.

Santiago 4:7

Kappyanan na mantu ta timuluk kam ta Namaratu, a atubangan muy ya Satanas, petta pagbilagān na kam.

1 Pedru 5:9

Mappya mantu ta pake itug muy ya pangurug muy te Hesus, petta masikan kam nga mang-atubang te Satanas. A awemuy pahig ta ikamuy la ya pagzigātan na, te maski ya kagitta muy kiden mangurug ta ngamin paglelehutin a mazigatan kid hapa ta kuman na pagzigātān muy.