Matyu 28:10 - Uhohug na Namaratu gafu te Hesus Kristu

¹⁰ “Awemuy la magtalaw, te emmuy ibar ta kabagis ku kiden ta e kid mina ta iten Galileya, te maita dak sangaw ten,” kunna hapa tekid.

Matyu 28:10 Iomraidhean Croise

Matyu 14:27

Ammi alistu hapa i Hesus nagayag tekid, “Awemuy la magtalaw te iyakin yan,” kunna.

Matyu 25:40

‘A kakurugan ta kunna ten, te tekamuyen nangikallak ta kaāassangan na kabagis ku kiden sin a mekwenta ta yen hapa ya nepangikallak muy teyak,’ kunna hapa sangaw na Ari en tekid.

Matyu 25:45

‘A kakurugan ta kunna ten, te tekamuyen awan nangikallak ta kaāassangan na kabagis ku kidin a mekwenta hapa yen ta awemuyen nepangikallak teyak,’ kunna sangaw tekid.

Matyu 26:32

Ammi sangaw am matolayak a mapa-polu yak sangaw ammi tekamuy nga ange ta iten Galileya,” kunna.

Matyu 28:16

A ya mafulu takday kiden na ituldu ni Hesus a umange kid hala ta lugar na Galileya ta nebar na en bagetay nga pangdafungan na tekid.

Matyu 28:5

A ta datang na babay kiden a itta para la ya anghelen a “Awemuy la magtalaw,” kunna, “te amuk ta apagan muy i Hesusen nga pinagappa da,

Matyu 28:7

A alistu kam sangaw magtoli ta ituldu na kiden, te ibar muy sangaw tekid ta natolay hala ya nasi en, a maita da sangaw ten Galileya, te mapmapolu ammi tekid. Aranan, te yen la ya ibar ku tekamuy,” kunna tekid.

Matyu 28:9

ammi ka-ma la itta i Hesus ta atubang da, te nesimmun na kid ta dalanen. “O ey, itta kanan,” kunna tekid. A enda inahakupan ya takki na kiden, a dinayawan da. A ya uhohug na hapa tekid a

Markus 16:7

“Ammi alalag muy magtoli ta ituldu na kiden, aglalo te Pedru, te ibar muy sangaw tekid ta imunnan i Hesus tekid ta iten Galileya. ‘Maita muy kan hala sangaw ten ta kuman na nebar na en tekamuy,’ kummuy sangaw tekid,” kunna.

Hwan 20:17

A ya uhohug ni Hesus tentu a “Awem na mina gafgafutan ya barikin, te mappya ta timullu yak para te Damakewan. A e kan mantu ta kabagis ku kiden, te ibar mu tekid ta eyak na te Damakewan Namaratu, a intu hala ya Dama muy ikid na Namaratu muy,” kunna.

Hwan 6:20

Ammi intu hala i Hesus, a nagayag hapa tekid, “Awemuy la magtalaw, te iyakin yan,” kunna.

Roma 8:29

Te maski ta pake gafgafu na ngamin a dana amu na ya ngamin kiden nga mangurug sangaw tentu, a dana nekari na hapa ta yen kid ya igitta na ta Anak na en Hesus, petta pake madayawan i Hesus gafu ta kaddu na wāgi na kiden nga negitta tentu.