Matyu 24:44 - Uhohug na Namaratu gafu te Hesus Kristu

⁴⁴ A mappya ta dana magparan kanan hapa ta datang ku, te am pahig muy sangaw ta awek para la dumatang, a yen hala sangaw ya datang ku,” kunna.

Matyu 24:44 Iomraidhean Croise

Matyu 24:27

te yen hapa sangaw ya pagdulot na bida da en ta ‘Kompormi ya agyan na malogon maayayaw a yen hapa ya eyan na mangayayaw tekid,’ kunda. Ammi am dumatang sangaw ya Tolayin taga Langit, a ka-ma la sangaw ya iange na kuman na kilaten nga magdangang.

Matyu 24:42

“A mappya mantu ta if-ifunan muy ya bari muy, te awemuy amu am kanu sangaw na araw ya pagtoli na dafu muy.

Matyu 24:43

A itan muy ta parigan muy sangaw ya natulisanen ta bali na, te am dana amu na mina ya oras na iange na tulisan a awena mina nasidug, te inifunan ya bali na en, petta awena natulisan.

Matyu 25:10

“A tekid na umange gumatang a dumatang na hapa ya lalaki en, a ya nakanonot kiden nga dana nakaparan a nehulun kid na tentu nga simarok ta bali en nga pagbabodan da, a nelitup ya bali en.

Matyu 25:13

“A yen mina ya pagnonotan muy petta awemuy sangaw melogot awa dana nakaparan kam mina, te awemuy hapa amu am kanu ya datang na Dafu muy,” kun ni Hesus tekid.

Lukas 12:39

“A itan muy hapa ta awemuy sangaw parigan ya natulisan ta bali na, te am dana amu na mina ya oras ya iange na tulisan a awena mina nasidug, petta awena mina natulisan na bali na en.

Lukas 12:40

A yen mina ya nonotan muy petta dana nakaparan kanan ta datang ku, te am pahig muy sangaw ta awek para la dumatang a yen hala sangaw ya datang ku,” kunna.

Lukas 21:36

A mappya mantu ta hutunān muy, a sigida makimallak kam, petta itta ya pagsikan muy nga magattam ta ngamin kiden dumatang, petta awemuy sangaw mamat am mapaatubang kam sangaw ta Tolayin taga Langit ta datang na,” kunna.

Pilipos 4:5

A maski am anu ya problema muy a awemuy hama magimpalpaliwat, te mangikalkallak kam mina, te tanagay na ya datang ni Afu Hesus tekitam, a intu sangaw ya makkamu ta makaliwat.

Santiago 5:9

A awemuy hapa magkamulmulmug gafu ta pagzigātān muy, kahkahulun ku, petta awemuy sangaw mapaliwatan, te tanagay na ya iange na magimbestigar tekitam.

Nagmatakar 19:7

Magayayat kitanan! A dayawan tam ya Dafu tam, te dumatang na ya araw na boda na Kalneru en, a neparan ya atawa na en.