Matyu 21:11 - Uhohug na Namaratu gafu te Hesus Kristu

¹¹ “A i Hesus yan, ya aglavunen taga Nasaret ta iten Galileya,” kunna hapa na tolay kiden nga nakihulun te Hesus.

Matyu 21:11 Iomraidhean Croise

Matyu 2:23

A yen mantu ya nagdulotan da, a nagyan kid ta ili na Nasaret, a yen hapa ya dumakalan ni Hesus. A gafu ta kumanen a nagdulot hapa ya uhohug na aglavun kiden gafu tentu, te ya uhohug da ta surat da kiden a “Ingagan da sangaw ta Taga Nasaret,” kunda.

Matyu 21:10

A ta nepakasarok nig Hesus ta ili na Herusalem a pake masitang na ya tolay kiden ta pagpaka-lat da tentu, te “Inya hud ya tolayin yan?” kukunda.

Matyu 21:26

Ammi am ‘Tolay la ya nangatad,’ kun tam a ikatupag na kitam sangaw na tolay kiden, te pake ipasikkal da haman ta Namaratu ya nangidob tentu,” kunda.

Matyu 21:46

A yen ta ikayat da gafutan petta idarum da, ammi pinalanan da hapa ya kaddu na tolay kiden, te amu da ta intu ya aglavun nga dinob na Namaratu.

Markus 6:15

Ammi ya uray kadwan a “Intu hala ya aglavunen Eliyas, te nagtoli hala ta lutakin,” kunda. A ta kadwan para a “Kakurugan ta aglavun ta kuman na aglavun kiden ta palungu araw,” kunda.

Lukas 13:33

Yen sangaw ya ibar muy tentu, te maski am anu ya panatalaw na teyak a mappya ta idulot ku la ya umange ta ili na Herusalem. Te gagangay ta yen ya pangpapasin da ta aglavun na Namaratu,” kunna tekid,

Lukas 24:19

“Anu hud ya iningwa da?” kunna hapa na tolayen tekid. “A ya iningwa da en te Hesus nga taga Nasaret,” kunda ha, “te amu haman na Namaratu ikid na ngamin tolay ta intu ya kasikanan na aglavun, te masikan ya ngamin tarabaku na ikid na uhohug na.

Lukas 7:16

A sa nakagtut ya tolay kiden nga nakaita, a dinayawan da hapa ya Namaratu; “Mappya te ninonot na Namaratu ya tolay na kiden, te dinob na ya turin na en tekitam nga pake malalaki,” kunda.

Lukas 7:39

A ta nepakaita na Pariseyu en ta iningwa na babbayen a linibakan na i Hesus ta nonot na en hapa la. “Am kakurugan mina ta aglavun na Namaratu ya tolayin yan a amu na mina ya gagangay na babbayin nga mangsi-ged tentu, te dulay haman na babbay,” kun na nonot na.

Hwan 1:21

“A anu mantu ya katolay mu? Iko de i mina Eliyasen nga magtoli kan ta lutakin,” kunda ha. A “Bakkan,” kunna hapa. “A iko mantu de ya takdayen paguhohugan na Namaratu nga nebar ni mina Moses?” kunda, a “Bakkan,” kunna ha.

Hwan 1:25

A ya pohut da en hapa tentu a “Am bakkan ta iko ya Mangikerutan, ikid na Eliyas, ikid na paguhohugan na Namaratu nga binida ni mina Moses a anu kawagan na mantu ta mangzigut ka ta tolay kidin?” kunda.

Hwan 4:19

A gafu ta nagpaka-lat ya babbayen ta uhohug ni Hesus a takwan ha ya nebar na; “Ser, ya kuman na mariknak teko a iko hala ya takday aglavun nga paguhohugan na Namaratu ewan.

Hwan 6:14

A ta nepakaita na tolay kiden ta pakapangwa ni Hesusen a “Talaga ta ye-yan na tolay ya kinan da en aglavun na Namaratu nga ange kan ta lutakin,” kun na kadwan kiden tekid.

Hwan 7:40

A ta nepakadangag na tolay kiden ta uhohug ni Hesus a nebar na kadwan ta “Talaga ta intu hala ya paguhohugan na Namaratu nga binida ni mina Mosesen,” kunda.

Hwan 9:17

A gafu ta kumanen a pinohutan da ha ta lalaki en. “Iko haman ya pinaladdang na ta mata, anu mantu ya uray mu tentu?” kunda. “A talaga ta paguhohugan na Namaratu,” kunna.

Turin Kiden 7:37

A intu hapa ya nanglavun tekid, ta ‘Itta sangaw ya patudunan na Namaratu ta takwan na paguhohugan na tekamuy ta kuman na nepagpatudun na teyak, ammi kagitta muy hala ya patudunan na, a intu hala sangaw ya kurugan muy,’ kunna kan tekid.