Matyu 20:21 - Uhohug na Namaratu gafu te Hesus Kristu

²¹ “Anu ya ikayat mu, Ina?” kun ni Hesus tentu. “A te ya ikayat na duwa kidin anak ku a ikid kan mina ya mesaad sangaw ta hebing mu am makatogkok kan sangaw ta pagariyam ta lutakin,” kunna hapa.

Matyu 20:21 Iomraidhean Croise

Matyu 18:1

A ta pagyan da para la ten a itta ya ikayat na ituldu na kiden ta pohutan da te Hesus, “Afu, inya hud sangaw tekami ya pake kadakalan na makipagturay teko ta pagariyan na Namaratu ewan?” kunda.

Matyu 19:28

A ya tabbag hapa ni Hesus tentu a “Kakurugan ya uhohug ku tekamuy ta sangaw am ittan ya bagu en paglelehut a yen hapa sangaw ya pagtogkok na Tolayin taga Langit ta pagariyan na en. A ikamuy hapa nga nagattam dumagdag teyak a maatadan kam hapa sangaw ta turay muy, petta makkamu kam ta mafulu duwa kiden tribu na Istralita kiden.

Matyu 20:22

“Ahu, awemuy de amu ya zigat na adangan muy,” kun ni Hesus tekid. “Makkwa muy hud sangaw ya magattam ta kagitta na neatad na Namaratu teyak ta zigat kin?” kunna. “A on ay, makkwa mi hapa,” kunda.

Matyu 20:32

A nagtayuk hapa i Hesus, a binaran na kid; “Anu hapa ya pakkwa muy teyak?” kunna tekid.

Markus 10:51

“A anu hapa ya pakkwam teyak?” kun ni Hesus tentu. “Ay Afu, ipaitak ya awekin pakaita,” kunna hapa.

Markus 16:19

A ta nekabalin na naguhohug tekid a ka-ma la timullu ta langit, a nakipagtogkok ta hebing na Namaratu ewan.

Markus 6:22

A ye-yen hapa na araw ya pakagāsāt na babbayen petta papapasi na i Hwan, te umange nagsala ya anak na en nga balatang ta atubang ni Heruden ikid na sangaili na kiden, a pake natalakan kid ta pagsala na. A ya uhohug ni Herud tentu a, “Maski am anu ya ikayat mu, Aboy, a adangam la teyak te iatad ku hala teko.

Lukas 18:41

“Anu hapa ya pakkwam teyak?” kunna tentu. “Ay, Afu, ipaitak teko ya awekin pakaita,” kunna hapa.

Lukas 19:11

A gafu ta bida ni Hesus te Sakyo a pahig na kadwan kiden nakadangag ta tanagay na ya pagpatayuk ni Hesus ta pagariyan na Namaratu ta ili na Herusalem, te abikan na ya ili en, a amu da ta yen pagdulotan ni Hesusen. A yen ta nagbida i Hesus ta takwan na keangarigan tekid, petta pake amu da mina ya dumatang.

Lukas 22:24

A sangaw nakidibati hapa ya ituldu kiden ni Hesus, te nagingfulfulatan da am inya tekid ya pinakadakal da.

Hwan 15:7

Ammi am medagga kam la teyak ikid na itug muy la ya uhohugan ku tekamuy a magadang kam mantu ta kompormi ya ikayat muy, a dumatang hala sangaw tekamuy.

Turin Kiden 1:6

A sangaw ta takday ha na araw a sa nagkakampat kid ta utun na bagetay na Olibo, a itta ya pinohutan da te Hesus. “Afu, damagan mi haen teko am arawin yan de ya pangpatugut mu ta taga Roma kiden nga nanggubat ta lugar tamin, petta ikitam hapa la nga Hudyo ya makkamu ta lugar tamin?” kunda.

Roma 12:10

A magkaid-idduk kam hapa ta kuman na magkakabagis, te nonotan muy apolu ya kadwan kapye muy nonotan ya bari muy.

Roma 8:34

A mabalin hud ta itta sangaw ya pangpa-gang na tekitam, te dana nekaru ni Hesus ya liwat tam kiden. A kustu hapa ya nepangikaru na te natolay hala, a ta ayanin intun ya pinakabari tam ta hebing na Namaratu ewan, te pakimallak na kitam.

Kolosas 3:1

A ta kuman na inuhohug ken ta idi, kahkahulun, a nesipat kanan haman ta nepagtolay ni Hesus, a takwan na mantu ya lintig muy, petta intu mina karagatan muy ya itta en ta Namaratu ewan, te yen haman ya agyan na dafu muyewan Hesus nga makipagturay tentu ta ngamin paglelehutin.