Matyu 2:6 - Uhohug na Namaratu gafu te Hesus Kristu

⁶ ‘Maski am ili na Betlihem ya kaassangan na ili ta lugar na Hudeya a pake madaydayawan sangaw ammi ta ngamin kiden ili ta lugar na Hudeya, te yen sangaw ya pagafun na Akkimohayan nga magtaron ta tolay ku kiden nga Istralita,’ kunna.”

Matyu 2:6 Iomraidhean Croise

Matyu 2:1

A ta nepaganak ni Mariya te Hesus a itta kid ta ili na Betlihem ta lugar na Hudeya. A i Heruden hapa ya ari na Hudyo kiden. A ta nekeanak ni Hesusen a itta ya lālāki kiden nga dumabilbig ta bitwan nga nagafu ta pake adayu ta daya na Hudeya, a nagdulot kid hapa ta ili na Herusalem,

Matyu 28:18

A ya uhohug ni Hesus tekid a “Iyak ya nagitunan na Namaratu ta ngamin makkwa ta langit ikid na lutak.

Hwan 21:16

A sangaw ta mittan a pinidwa na ha ya nebar na en. “Simon, damagan ku ha am iddukan nak?” kunna. “On, Afu, te amum haman ta ikayat ta ka,” kunna ha. “Tahonam mantu ya tolay ku kiden nga kuman na kalneruk,” kunna ha ni Hesus tentu.

Hwan 7:42

Te ya nesurat ta Bibliya a intu sangaw ya pangpanga ni mina Dabiden, a meanak sangaw ta ili na Betlihem, te yen haman ya lugar ni mina Dabiden,” kunda.

Efeso 1:22

Te intu ya pinagturay na Namaratu ta ngamin kiden naparatu ta ngamin paglelehutin, yaga intu hapa ya nesaad na ta kuman na ulu na ngamin kiden mangurug ta paglelehutin.

Kolosas 1:18

A intu hapa ya kuman na ulu tam, te ikitam ngamin mangurug ya bari na ta lutakin. A gagangay ta intu ya ulu tam nga mangtolay tekitam, te intu ya imunnan magnayun tentu en natolay ta pasi na en, petta magbalin ta kātā-nangān na ngamin.

Nagmatakar 11:15

A ta kabalinan na kumanen a pinagsitang na mekapitu en anghel ya amaryung na en, a dadangagan ku ya addu na magsitang ta masikan ta langit: “Nangabak na ya Dafu tamin Namaratu ikid na pinili na en magturay. A ta ayanin na i Hesus Kristu ya makākwa ta ngamin kiden iturayan ta paglelehutin, a intu la ya magnayun magturay,” kunda.

Nagmatakar 2:27

A masikan hapa sangaw ya pangpa-gang da ta katapil da kiden, te pa-gangan da kid sangaw ta kuman na pagtappok na barreta ta kalamba.

Nagmatakar 7:17

te itta ya Kalneru en ta atubang na agtuttudan na Namaratu a intu ya mangtaron tekid, a itulud na kid sangaw ta huhunen nga mangtolay tekid, a Namaratu sangaw ya mangfurid ta zigu na mata da.” kunna.