Matyu 2:2 - Uhohug na Namaratu gafu te Hesus Kristu

² te pohutan da ta tolay kiden am had agyan na bagu en ari na Hudyo kiden “Te naita min ya lattog na bitwanen nga mangibar ta nekeanak na, a yen ta itta kamin sin te emmi hapa dayawan,” kunda.

Matyu 2:2 Iomraidhean Croise

Matyu 2:3

A ta nepakadamag ni Ari en Herud ta ittan ya takwan na ari nga neanak ta lugar na en a nagburung na hapa, yaga nagburung hapa ya tolay na kiden ta ili na Herusalem.

Matyu 27:11

A i Hesusen hapa a pinagtayuk da ta atubang na gubernadoren, petta imbestigaran na. “Anu, iko hud ya nebar da en nga Ari na Hudyo kiden?” kunna te Hesus, “A kompormi ya ibar mu,” kunna hud la ni Hesus tentu.

Lukas 19:38

“Bendisyonam, Afu, ya Ari in nga pinakabarim, petta mappya ta lutakin ta kuman na langitina, a kumanen ka hapa,” kunda.

Lukas 2:11

te ittan ya mangikerutan tekamuy nga bagu neanak ta ayanin ta ili na Betlihem. A intu hala ya ari muyen Kristu nga nekari na Namaratu tekamuy.

Lukas 23:3

A gafu ta kumanen a pinohutan hapa ni Pilato, “Kurug de ta iko ya ari na Hudyo kiden?” kunna. “Itta la teko,” kunna hapa ni Hesus.

Lukas 23:38

te dana netun da ya surat ta utun na ulu na en, a “Ari na Hudyo kiden,” kun na suraten.

Hwan 1:49

“Ay, Afu, kakurugan mantu ta iko ya Anak na Namaratu ewan, talaga ta iko ya Ari na Istralita kiden nga indagan mi,” kunna hapa tentu.

Hwan 12:13

A nangalap kid mantu ta addu na don na kuman na anyog, a enda kid nepaypay te Hesus ta pangdayaw da tentu. A nagayayag kid na hapa. “Madaydayaw ya Namaratu ewan. Bendisyonam, Afu, ya umange in sin ta ngagam. Bendisyonam ya Ari na Istralita kiden,” pakakin kid.

Hwan 18:37

“A ari ka mantu ay?” kun ni Pilato tentu. “Iko ya mangibar ta ari yak, ammi ibar ku teko ya gafu na nekeanak ku, te umange yak ta lutakin petta ipasikkal ku ya kakurugan ta tolay kiden. A ya ngamin kiden mangidulot ta kakurugan a yen kid ya mayat mangdangag teyak,” kunna hapa ni Hesus.

Hwan 19:19

A nepesurat ni Pilato ya ngagan ni Hesus, a nepetun na ta nagappan na en ta utun a ulu na en. “Hesus Taga Nasaret, Ari na Hudyo kiden,” kun na surat na en.

Hwan 20:28

“Ay, Afu, iko kad hala ya dafuk ikid na Dyos ku,” kunna hapa ni Tomas.

Hwan 5:23

A iyak mantu ya makkamu ta tolay, petta dayawan nak na ngamin tolay maski ta kuman na pangdayaw da te Damakewan. Ammi ya awan kiden mangdayaw ta Anak na Namaratu a mekwenta mantu ta aweda dayawan ya Dama na en nga nangidob tentu.

Hwan 9:38

“Ay, mangurugak mantu, Afu,” kunna, kapye na namalentud hapa ta atubang ni Hesus nga nangdayaw tentu.

Hebreyu 1:6

A ta nepangilattog na Namaratu ta mementu en anak na ta lutakin a “Mappya ta intu ya dayawan na anghel kiden,” kunna.

Nagmatakar 22:16

“Iyak, Hesus, a dinob ku ya anghel ken teko, petta ibar mu sangaw ya ngamin naitam ikid na nadangag mu ta iglesya kiden ta tagtakday lugar. Iyak ya simsima ni mina Ari en Dabid, a iyak ya nengagan da en Darāmagan nga magdakar ta magkarawan,” kunna.