Matyu 16:18 - Uhohug na Namaratu gafu te Hesus Kristu

¹⁸ A gafu ta Pedru hapa ya ngagam a iko ya kuman na pundasyon na batu, te iko ya pamepegafwanan ku ta tolay ku kiden nga pagyanan ku ta lutakin, a awan sangaw ta makaperdi ta pagyanan ku maski ta pasi.

Matyu 16:18 Iomraidhean Croise

Matyu 10:2

A ya ngagan na mafulu duwa kiden a i Simon ya patudunan da, ammi Pedru ya agngilinan da tentu, a i Andres nga kabagis ni Simon, ikid ni Santiago nga anak ni Zibadeyu, ikid ni Hwan nga kabagis ni Santiago,

Matyu 11:23

“A ikamuy hapa nga taga Kapernayum, a pahig muy ta dayawan na kam na Namaratu, ammi mewarad kam sangaw ta pangtaguhali na tekamuy, te awemuy haman magbabawi. Te am naita mina na taga Sodom kiden ya kuman na naita muy a itta la mina ya ili da abat ta ayanin.

Matyu 18:17

A am awena kid hapa kurugan a mappya mantu ta mebida ya liwat na ta atubang na maggagimung kiden. A am awena hapa ikayat dangagan ya tabarang na maggagimung a ikwenta muy mantu ta kuman na dulay na tolay nga awan mangurug, a awemuy na sangaw pagdulotan.

Matyu 4:18

A tentu en nagtugtugut ta pingit na Alug na Galileya a nesimmun na ya duwa na magkabagis, ig Simon nga magngagan hapa te Pedru, ikid ni Andres. A magtahukul kid na ta alugen te dumatahukul kid ta ikan, a binaran na kid.

Matyu 7:24

“A am pake nonotan muy ya ngamin kiden netulduk tekamuy petta yen kid ya tarabakun muy a megitta kam hapa ta kuman na nakanonoten nga nagbali ta maladda na bali. Te ya nakanonoten nagbali a dana nagpili ta maladda na arigi, kapye na kid nekali ta adalam.

Hwan 1:42

A enna mantu netulud i Simon ta agyan ni Hesus. A pake aitan na bit ni Hesus kapye na kinabida. “Iko mantu i Simon nga anak ni Hwan, ammi magngagan ka sangaw te Sepas,” kunna. (A ya ngagan na en Sepas a intu hala Pedru ta aguhohug na Giregu, ammi ya ikayat na uhohugan tekitam a “Batu”.)

Turin Kiden 2:47

te matalak kid nga magdayaw ta Namaratu ewan, a pake nekamat da kid hapa na kadwan kiden tolay. A dumakal la dumakal ya kaddu na mangurug kiden, te kinanghahaw itta ya nedagga na Namaratu ta bagu kiden mangurug.

Turin Kiden 20:28

A makkamu kam mantu nga magtaron ta bari muy ikid na ngamin kiden mangurug, te ikamuy haman ya netun na Kahalwa na Namaratu nga manaron ikid na mangituldu tekid, te tolay kid ni Afu Hesus nga sinaka na ta daga na en.

Turin Kiden 8:1

A ta kabalinan na kumanen a umange ya kadwan lalaki na Namaratu, a enda inalap ya bari ni Esteban, petta itanam da, a pake tinangtāngitān da. Ammi te Salu a pake natalakan ta pasi na en, a yen hapa ya gafu na pakitapil na ta ngamin kiden mangurug, te maski enna kid sarokan ta bali da kiden, a gergeran na kid iuhet, ngamin lālāki pase bābāy, a enna kid pebalud. A yen hapa ya nepagtatugut na mangurug kiden ta ili na Herusalem fwera ta turin kiden, te pake pagzigātan na kid ni Salu. A naggugungay kid abat ta ngamin paglelehut ta lugar na Hudeya ikid na Samariya.

1 Korinto 15:55

Had para mantu ya pangabak na pasi? Awan na, te awan na ya dagat na pasi,” kunna.

Galasya 2:9

A gafu ta naita da ya panguffun na Namaratu teyak, a ya uhohug nig Pedru ikid ni Santiago, ikid ni Hwan teyak, te ikid ya kuman na makkamu, a “Mappya mantu ta ikamuy ni Barnabas ya mangipadangag ta Hentil kiden, a ikami ya umange ta Hudyo kiden,” kunda, a nagaalimano kamin hapa, petta mepasikkal ya pagkaap-appya mi.

Efeso 3:10

A yen ta pinagdadagga na Namaratu ya ngamin kiden mangurug te Hesus, petta magbalin kid ta takday la na iglesya nga pakaitan ta magindumohuma na kalalaki ikid na pakapangwa na Namaratu ewan, te yen ya ipakkamu na ta ngamin kiden anghel ikid na anitu nga seppakapangwa ta lugar na ewan.

Efeso 5:32

A ya ikayat na uhohugan ta isin a medyo maumag hapa, ammi ta kuman na pangawatan ku a intu bidan na ya gagangay ni Hesus ikid na iglesya na en.

Kolosas 1:18

A intu hapa ya kuman na ulu tam, te ikitam ngamin mangurug ya bari na ta lutakin. A gagangay ta intu ya ulu tam nga mangtolay tekitam, te intu ya imunnan magnayun tentu en natolay ta pasi na en, petta magbalin ta kātā-nangān na ngamin.

1 Timotyo 3:5

Te ya awan makkamu magtaron ta ānāk na kiden ta bali na a had kukunna mantu taronan ya itta kiden ta bali na Namaratu.

Hebreyu 12:28

A gafu ta nesipat kitanan ta iturayan na Namaratu nga awan mawalwag, a magserbi kitam mantu tentu setalak ta kuman na ikayat na. A ipaita tam hapa ya amat tam ikid na pangdayaw tam tentu.

Nagmatakar 11:15

A ta kabalinan na kumanen a pinagsitang na mekapitu en anghel ya amaryung na en, a dadangagan ku ya addu na magsitang ta masikan ta langit: “Nangabak na ya Dafu tamin Namaratu ikid na pinili na en magturay. A ta ayanin na i Hesus Kristu ya makākwa ta ngamin kiden iturayan ta paglelehutin, a intu la ya magnayun magturay,” kunda.

Nagmatakar 21:14

A ya kuman na kepundasyon na gibawen a mafulu duwa na batu, a nasuratan hapa ya tagtakday batu ta takday ngagan na mafulu duwa kiden turin na Kalneru en.