Matyu 16:14 - Uhohug na Namaratu gafu te Hesus Kristu

¹⁴ “A pahig na kadwan ta iko i mina Hwanen nga nangzigut ta tolay kiden ta idi, te ibar da ta natolay hala. Ammi ta kadwan a pahig da ta iko ya aglavunen Eliyas nga magtoli kan ta lutakin. A ta kadwan para a pahig da ta iko ya aglavunen mina Heremyas,” kunda.

Matyu 16:14 Iomraidhean Croise

Matyu 14:2

“Intu malat i Hwanen nga nangzigut ta tolay kiden, a yen ta itta ya pakapangwa na, te natolay hala ta pasi na en,” kunna kan ta magyan kiden tentu.

Matyu 16:15

“A ikamuy ay, anu hapa ya pangitan muy teyak?” kunna ha tekid.

Matyu 17:10

A ya uhohug da hapa tentu, “A am gagangay ta kunna ten sangaw ya kasasaad mu, Afu, ta iangem ta lutakin a anu mantu ya ikayat na uhohugan na mangituldu kiden? Te ibar da haman ta apolu maglattog ha i mina Eliyasen kapye na umange ya Mangikerutanen nga nekari na Namaratu. Ammi ikon haman ya napolu,” kunda.

Matyu 3:1

A ta nepagpasa na addu na darun a itta ya takday lalaki nga nagngagan te Hwan, a intu hala ya nangzigut ta tolay kiden gafu ta liwat da kiden. A naglattog hapa i Hwan ta kawanan na babali ta lugar na Hudeya, te kinasaba na ya tolay kiden nga nagtalib.

Markus 6:15

Ammi ya uray kadwan a “Intu hala ya aglavunen Eliyas, te nagtoli hala ta lutakin,” kunda. A ta kadwan para a “Kakurugan ta aglavun ta kuman na aglavun kiden ta palungu araw,” kunda.

Markus 8:28

“A pahig na kadwan ta iko i mina Hwan nga nangzigut ta tolay nga napapasi ta kwa en sina. Ammi ta kadwan a pahig da ta iko ya aglavunen Eliyas nga magtoli kan ta lutakin. A ta kadwan para a pahig da ta iko ya takday na aglavun nga nasi ta palungu araw,” kunda.

Lukas 9:8

Ammi ta bida na kadwan a nagtoli kan ya aglavunen Eliyas. A ta bida na kadwan para a natolay hala kan ya takday aglavun nga nasi ta palungu araw.

Hwan 1:21

“A anu mantu ya katolay mu? Iko de i mina Eliyasen nga magtoli kan ta lutakin,” kunda ha. A “Bakkan,” kunna hapa. “A iko mantu de ya takdayen paguhohugan na Namaratu nga nebar ni mina Moses?” kunda, a “Bakkan,” kunna ha.

Hwan 7:12

A addu hapa ya nean-anisat na tolay kiden gafu tentu. “Mappya na tolay yen O,” kun na kadwan. Ammi ta kadwan a “Mappya hud yeyana, te mangitawag ta tolay kiden,” kunda.

Hwan 9:17

A gafu ta kumanen a pinohutan da ha ta lalaki en. “Iko haman ya pinaladdang na ta mata, anu mantu ya uray mu tentu?” kunda. “A talaga ta paguhohugan na Namaratu,” kunna.