Lukas 9:45 - Uhohug na Namaratu gafu te Hesus Kristu

⁴⁵ ammi aweda naawatan ya ikayat na uhohugan, te nelemad para la tekid, a mamat kid mangibar.

Lukas 9:45 Iomraidhean Croise

Matyu 16:22

Ammi ta nepaguhohug ni Hesus ta isin a sang neadayu ni Pedru, kapye na nehuya; “Awem mina ibar ta mapapasi ka, Afu, te Namaratu ya makkamu teko,” kunna.

Matyu 17:22

A ta takday ha na araw tekiden nagkakampat ta iten Galileya a itta hapa i Hesus tekid, a binida na ha ya pasi na tekid. “Papasin da hala sangaw ya Tolayin taga Langit, te itta sangaw ya mangitalaba teyak, a yen sangaw ya panggafut da teyak.

Markus 9:10

Aweda mantu binibida, ammi nagbabidan da am anu ya ikayat na uhohugan ta uhohug na en nga ‘masi kapye na sangaw matolay’.

Markus 9:32

Ammi aweda para la naawatan ya ikayat na uhohugan tekid, a mamat kid nangibar.

Lukas 18:34

Ammi pake napopoyung kid ta ngamin inuhohug na tekid, te aweda manonot am had kunna, a aweda naawatan.

Lukas 2:50

Ammi aweda amu ya ikayat na uhohugan tekid.

Lukas 9:46

A sangaw nakidibati ya ituldu na kiden, te pagtatabbagan da am inya tekid ya pinakadakal da.

Hwan 12:16

Ammi ta ituldu kiden ni Hesus a aweda bit nanonot ya suraten addet ta pagtoli ni Hesus ta langit, a yen ya nepakanonot da ta itta ya dana en surat nga nangilavun ta pagtakay ni Hesus ta kalakabayu en.

Hwan 12:34

Ammi tumubbat hapa ya tolay kiden nga magpohut tentu. “Annum haman ibar ta magappa sangaw ya Tolayen Taga Langit ta kayu? Te ya nadangag mi ta Bibliya a magnayun hala sangaw ya idob na Namaratu nga Mangikerutan. A am iko hala yen a inya mantu ya Tolayen Taga Langit?” kunda.

Hwan 14:5

Ammi ya uhohug hapa ni Tomas a “Pa-pa-nun mi hud makkamu ta dalanina, Afu, bakawa awemi haman amu ya lugarina nga eyam,” kunna.

Hwan 4:33

A yen ta nagimpopohut kid na. “Itta hud ya nangitulud ta kanan na?” kunda.