Lukas 9:24 - Uhohug na Namaratu gafu te Hesus Kristu

²⁴ Te maski am inya ya mangkenga ta angat na a masi hala sangaw ta magnayun. Ammi ya mangisagapil ta angat na gafu ta pangurug na teyak a matolay hala sangaw nga magnayun.

Lukas 9:24 Iomraidhean Croise

Matyu 10:39

Te am kengan na mina ya angat na a mawakay hala. Ammi ya mangisagapil ta angat na gafu ta dumagdag teyak a yen sangaw ya matolay nga magnayun.

Lukas 17:33

A ya mangkenga ta angat na ikid na katolay na ta lutakin a yen sangaw ya melogot, ammi ya awanen mangkenga ta angat na ikid na katolay na a yen sangaw ya magnayun.

Hwan 12:25

A kumanen hapa tekamuy, te am kengan muy mina ya katolay muy sin a mawakay mantu sangaw ya katolay muy nga magnayun. Ammi am awemuy la nonotan ya katolay muy ta paglelehutin yan a meappiya hala ya katolay muy nga magnayun.

Hebreyu 11:35

A gafu ta nangurug hapa ya kadwan kiden babay a natolay hala ya kahulun da kiden nasi. Ammi ya kadwan kiden a nabalud kid gafu ta pangurug da, a napalpaluk kid addet ta nasi kid. A naibbatan kid mina am nagtalekudan da mina ya pangurug da, ammi inawe da te ikaykayat da hud la ya masi petta mapmappya sangaw ya katolay da ta pagaddetan na arawin yan.

Nagmatakar 12:11

A naabak da mantu gafu ta daga na Kalneru en ikid na pangibosag da ta uhohug na en, te aweda kinenga ya angat da en maski abat ta pakapapasi da.

Nagmatakar 2:10

Ammi pake nonotan muy yan, te itta sangaw ya pebalud ni Satanas ta kadwan tekamuy. A uray na Namaratu ta mazigatan kid abat ta mafulu araw, petta maparuba kid, ammi awemuy sangaw burungan ya zigaten nga magge ittan tekamuy, te idulot muy la ya pangurug muy maski addet ta pasi muy, a atadan ta kam sangaw ta magnayun angat ta sagolyat muy.