Lukas 8:32 - Uhohug na Namaratu gafu te Hesus Kristu

³² “Doban na kami haen ta bahuy kidewan petta magyan kami la tekid,” kunda, te abikan hapa ya addu na bahuy nga magdukdukit ta hukeb na bagetay.

Lukas 8:32 Iomraidhean Croise

Matyu 7:6

“A am ikayat muy bidan ya mappya nga netuldu na Namaratu tekamuy a itan muy ta awemuy bidan ta kuman na atu kiden nga malogon magporay, talo am tapilan da kam sangaw. A awemuy hapa iwarad ya mapateg teko ta atubang na awan kiden makanonot talo am ilublubeg da la sangaw ta kuman na bahuy kiden.

Lukas 8:31

A nakimemallak kid hapa te Hesus ta awena kid doban ta agyan na avuten nga pake adadalam.

Lukas 8:33

“A e kanan mantu,” kun ni Hesus tekid. A nagtugutan da ya lalaki en kapye da simarok ta bahuy kiden. A ka-ma la nagadukal ya bahuy kiden bumilag. A sa nagurdak kid ta gatab na bagetayen kapye da nagkahunnak ta alugen, a nagkalimat kid ta danumen.

Hwan 19:11

Ammi ya uhohug ni Hesus tentu a “Awan mina ta pakapangwam teyak am awena neatad na Namaratu teko. Dakdakal mantu ya liwat na nangpetulud teyak teko, te pepapasi na teko ya awanen ta liwat,” kunna.

1 Hwan 4:4

Ammi mappya, ānāk ku, te ānāk kanan na Namaratu ewan, a naabak muy ya mangituldu kiden ta tulad, te masmasikan ya Kahalwa na en nga manguffun tekamuy ammi ta manguffunen ta awan kiden mangurug.

Nagmatakar 20:7

A sangaw am nagpasan ya maribu na darun a ipalubus na Namaratu ta lumattog ya Satanas ta nakebaludan na en.