Lukas 8:20 - Uhohug na Namaratu gafu te Hesus Kristu

²⁰ A yen kid hapa ya nangibar tentu; “Itta kan ta bagaw ig hinam ikid na kabagis mu kiden, te apagan da ka kan,” kunda.

Lukas 8:20 Iomraidhean Croise

Markus 6:3

A gafu ta kalugaran da ikid na kagitta da en napanglaw a aweda kinurug, a nedadula da. “Bakkan hud ta anak la na kalapintero ikid ni Mariya en nga kagitta tam napanglaw? Yaga kagitta tam hapa ya kabagis na kiden Santiago, ikid ni Hose, ikid ni Simon, ikid ni Hudas, ikid na wāgi na kiden nga babay nga magyan tekitam sin,” kunda.

Lukas 8:19

A ta pagbida na para la a dumatang na hapa ig hina ni Hesus ikid na kabagis na kiden, ammi aweda nakaabikan tentu gafu ta kaddu na tolay kiden.

Lukas 8:21

Ammi ya tabbag na tekid a “On ay, ammi intu hapa ig hinak ikid na kabagis ku ya mangdangag ta uhohug na Namaratu petta kurugan da,” kunna.

Turin Kiden 1:14

A sa nagyan kid ten makimalmallak ta Namaratu, kontodu hina ni Hesus ikid na kadwan kiden babay ikid na kabagis kiden ni Hesus, te nagdadagga hapa ya nonot da.

1 Korinto 9:5

A awan hud ta katunungan mi nga mangihulun ta atawa mi petta mesipat kid hapa tekami ta kuman ni Pedru ikid na kadwan kiden turin hi Hesus ikid na kabagis na kiden?

Galasya 1:19

A awek naita ya kadwan kiden turin fwera la te Santiago nga kabagis na Dafu tamen Hesus.