Lukas 7:43 - Uhohug na Namaratu gafu te Hesus Kristu

⁴³ A ya tabbag hapa ni Simon a “Ya dakdakalen de ta gatut ya pake matalak tentu,” kunna hapa. “A kustu kad ya tabbag mina,” kun ni Hesus tentu.

Lukas 7:43 Iomraidhean Croise

Matyu 18:27

A gafu ta ikallak na ari en a sa inazi na ya ngamin gatut na, a pinatugut na.

Markus 12:34

A ya uhohug hapa ni Hesus tentu gafu ta mappya ya inuhohug na a “Kakurugan ta assang na la ya awena pakatolay teko na Namaratu,” kun ni Hesus tentu. A yen hapa ya abat na pagpohut da tentu, te mamat kid na.

Lukas 10:38

A ta nekabalin na ten a nagdulot ig Hesus ikid na ituldu na kiden ta takday lugar na babali, a nagimmang kid ta bali na takday babbay nga nagngagan ta Marta, a pinagdulot na kid ta bali.

Lukas 7:42

Ammi kadulayan na te aweda makapaga ta gatut da, ikid duwa. A gafu ta aweda mapagan ya gatut da kiden a inazi na nagpagatuten gafu ta allak na tekid. A ta kuman na uray mu, Simon, a had sin ta duwa kiden ya pake mataltalak ta nagpagatuten tekid?” kunna ha ni Hesus.

Lukas 7:44

A sangaw linipay ni Hesus ya babbayen kapye na ha naguhohug te Simon. “Itam ya iningwa na babbayin, Simon, te addet ta nesarok ku ta balimin a awan haman ta nedasar mu ta pagbaggawan ku ta takkik kiden, ammi tentu a binaggawan na ya takkik kiden ta zigu na mata na, a finunatan na kid ta huk na.

Lukas 7:47

“A yen ta ibar ku teko, Simon, ta pake dakdakal ya talak na babbayen teyak ammi teko, te amu na ta dakal ya liwat na kiden nga nepakoma na Namaratu tentu. Ammi am pahig na tolay ta assang la ya liwat na nga nepakoma tentu a assang mantu la ya pangayat na ta nangpakoma en tentu,” kunna.