Lukas 7:41 - Uhohug na Namaratu gafu te Hesus Kristu

⁴¹ “A ta idi itta ya nagpagatut ta duwa na tolay, a ya gatut na takday a limagatut, ammi limafulu la ya gatut na takdayen.

Lukas 7:41 Iomraidhean Croise

Matyu 18:28

A tentu en nagtugut a nesimmun na ya sakā tagabu na en nga nakagatut tentu ta mafulu la ta idi, ammi awena para la napagan ya gatut na en. A ka-ma la ginafut na ya hul na en pattalan, a ‘Pagam na ya gatut mu,’ kunna tentu.

Matyu 6:12

A pakoman na kami hapa ta liwat mi kiden teko, te napakoma min hapa ya nagliwat tekami.

Markus 6:37

“A ikamuy na mina ya mangatad ta kanan da,” kunna hapa tekid. “A had mantu ya pangalapan mi ta awan bababang na pirak, petta igatang mi ta ipakan mi tekid?” kunda hapa.

Lukas 11:4

A pakoman na kami haen ta liwat mi kiden, te pakoman mi hapa ya makaliwat tekami. A awena kami doban ta pagliwatan mi. Amen,’” kunna.

Lukas 13:4

A nonotan muy hapa ya mafulu walu kiden nga inigsilan na bali en ta iten Silowam, te pahig muy de ta nasi kid gafu ta pake dulay kid ammi ta kadwan kiden taga Herusalem,

Lukas 7:40

Ammi tinabbag hala ni Hesus ya itta en ta nonot na Pariseyu en, te ya nebar na a “Simon, itta haen ya ibar ku teko,” kunna tentu. “A anu yen, Afu?” kunna hapa.

Lukas 7:47

“A yen ta ibar ku teko, Simon, ta pake dakdakal ya talak na babbayen teyak ammi teko, te amu na ta dakal ya liwat na kiden nga nepakoma na Namaratu tentu. Ammi am pahig na tolay ta assang la ya liwat na nga nepakoma tentu a assang mantu la ya pangayat na ta nangpakoma en tentu,” kunna.

Roma 3:23

A kompormi hapa ya mangurug, te awan haman ta idaduma na tekitam, te sa nagliwat kitam haman, ikid na pake adayu kitam para la ta kalalaki na Namaratu ewan.

Roma 5:20

A ya lintigen hapa nga nedagut ni mina Moses ta dadagkal tam kiden a uray na Namaratu ta yen ya mangibar ta kadulay na tolay kiden, te ta kawan para la na lintig na en a aweda amu ta magliwat kid. A maski ta nepanggawat da ta lintig na Namaratu a aweda haman nedulot, a yen mantu ya mangipasikkal ta kanayun magsoysoy kid, a awan ta takwan na pagaddetan da am awa masi ya ngamin kahalwa da. Ammi maski pake nagliwat kitam gafu ta pagsoysoy tam ta lintig na en, a pake dakdakal para ya allak na Namaratu tekitam, te ya allak na en tekitam a yen ya mangibar ta matunung kitam gafu ta pangikatalak tam te Afu Hesus. A yen hapa ya mangibar ta matolay kitam nga magnayun.