Lukas 6:46 - Uhohug na Namaratu gafu te Hesus Kristu

⁴⁶ “Ibar muy haman ta iyak ya dafu muy, ammi anu kawagan na ta awemuy idulot ya patarabakuk tekamuy?

Lukas 6:46 Iomraidhean Croise

Matyu 25:11

A ta pagtoli na kadwan kiden balatang nga umange gumatang ta gās da a baran da hapa ya lalaki en ta umag na bali, ‘Afu, ihukatan na kamin O,’ kunda.

Matyu 25:24

A sangaw umange hapa ya naatadan ta maribu la. A ya uhohug na hapa a ‘Ay, Afu, awek napadakal ya pirak men te nagburungak ta maabakak, a yen ta enku nekali ta lutak petta itta hala sangaw ya itolik teko ta datang mu, te amuk ta masistema ka na tolay nga makapakaddu ta maski assang la na pirak, te yaga magba-nang ka ta banbannag na kadwan. A yeh, alapam na ha, te itta ya ngamin kwam sina,’ kunna.

Matyu 25:44

A pagpaka-lat da hapa sangaw ya uhohug na tekid, a ‘Kanu huden, Afu, ya nekabisim ta awemi nepangikallak teko? A kanu hud ya nepakainum mu ta awemi nepangpenum teko? A kanu hud ya nepagdulot mu tekami ta awemi nepagpadulot teko? A kanu huden ya awemi nepangatad teko ta kawan na nepagbarawasim, ikid na nepagtakit mu, ikid na nekabalud mu?’ kunda sangaw tentu.

Galasya 6:7

A awemuy pahig ta maayayyaw muy ya Namaratu, te maski am anu ya imula na tolay a kumanen hala sangaw ya apitan na.

Santiago 1:22

A am kada magdangag kam ta uhohug na Namaratu, a mappya ta kwam muy ya madangag muy. Te am awemuy kwan a awan mantu ta serbi na pagdangag muy, te uyoyungan muy hud la ya bari muy.