Lukas 6:28 - Uhohug na Namaratu gafu te Hesus Kristu

²⁸ A am igaged da kam a bendisyonan muy kid, a pakimallak muy ya manguyoyung tekamuy.

Lukas 6:28 Iomraidhean Croise

Matyu 5:44

Ammi ya uhohug ku tekamuy a iddukan muy ya makitapil tekamuy, a pakimallak muy hapa ya mangigaged tekamuy,

Lukas 23:34

A ta nepagpaappa da te Hesus a nepakimallak na kid “Amang, pakomam kid te aweda amu ya kwan da,” kunna. A ya suddalu kiden hapa a nagbabinunutan da ya ga-gamit kiden ni Hesus.

Lukas 6:27

“A am madangag muy ya uhohugan ku tekamuy a iddukan muy ya mangikatupag tekamuy, a uffunan muy kid.

Lukas 6:35

“Ammi bakkan mina ta kunna ten tekamuy, te iddukan muy hud la ya mangikatupag tekamuy, a uffunan muy kid anna pagatutan muy kid, a awemuy nonotan ya pagsupapak da tekamuy, te am kunna ten ya tarabakun muy a dakal sangaw ya sagolyat muy, a megitta kam ta Namaratu ewan, te maallak hapa ya Namaratu ta dulay kiden na tolay nga awan matalak tentu.

Turin Kiden 14:5

Ammi sangaw a nahahulun ya kadwan kiden Hudyo ikid na Hentil kontodu pinakadakal da, petta pa-gangan da ig Pablu, te igakkad da ya mamapasi tekid ta batu.

Turin Kiden 7:60

kapye na hapa namalentud ikid na nagayag ta masikan. “Ay Afu, awem la nonotan ya liwat da in teyak,” kunna, a nasin.

Roma 12:14

A kumanen hapa am itta ya makitapil tekamuy a “Maski ikatupag nak a mappya yak la teko,” kummuy, te awemuy igaged, a pakimallak muy hapa.

1 Korinto 4:12

A am mapadpadulay kami a mappya la ya itabbag mi. Nagbalin kamin ta kuman na hugta na kadwan kiden tolay, te ikwenta da kami ta kuman na tapang na paglelehutin.

Santiago 3:10

Itta hud mantu ya kapkappyan na simuk tam, kahkahulun, am magserbi ta pangdayaw tam ta Namaratu kapye na magserbi ta pamadakat tam ta tolay?

1 Pedru 3:9

A awemuy la ibalat ya dulayen, te atadan muy hud la ta mappya, te yen ya gafu na nepangalap na Namaratu tekamuy petta maatadan kam hapa ta mappya.