Lukas 6:25 - Uhohug na Namaratu gafu te Hesus Kristu

²⁵ A ikamuy nga magbattug ta ayanin a kakallak kam sangaw, te mabisin kam. A ikamuy nga magayayat ta ayanin a magtangit kam sangaw ta damdam muy.

Lukas 6:25 Iomraidhean Croise

Lukas 12:20

“Ammi tumubbat hapa ya Namaratu nga naguhohug tentu. ‘Iko ya awan ta nonot, te masi kan sangaw ta hiklamin yan, a amum para sangaw am inya ya makākwa ta ngamin neappiyam,’ kunna.

Lukas 13:28

A am maita muy sangaw ta madugiman kam mehulun teg Abraham ikid ni Isaac ikid ni Hakob ikid na aglavun kiden ta agyan na iturayan na Namaratu a magtatangit kam sangaw anna magngaritam ya ngipan muy ta zigat muy.

Lukas 6:24

“Ammi ikamuy nga maba-nang a kakallak kam sangaw, te am maafut na sangaw ya kaba-nang muy a awan sangaw ta talak muy.

Lukas 6:26

A kakallak kam hapa sangaw am mappya la ya bibidan na ngamin tolay gafu tekamuy, te negitta kanan hala ta matulad kiden aglavun nga dinayawan na tolay kiden ta idi. A mehulun kam sangaw tekid ta pama-gang na Namaratu.

Lukas 8:53

A nekakatawa da hapa, te amu da haman ta nasin.

Efeso 5:4

A dulay hapa am bidan muy ya kaamamatan ikid na awan ta kapkappyan na bida, te intu hud la bidan muy ya mappya en nga pakaitan ta talak muy ta Namaratu ewan,

1 Tesalonika 5:3

Te sangaw am pahig na tolay kiden ta awan ta dulay, ikid na awan ta burungan da, a yen sangaw ya datang na pakadulayan da, te pagka-ma da sangaw ta kuman na maganaken am pagka-ma na ya zigat na paganak na, a awedan sangaw malillikan ya pama-gang na Namaratu tekid.

Santiago 4:9

Awemuy mina magayayat ikid na magkakatawa ta ketta para la na liwat muy, te mapmappya hud la ta madamdam kam gafu ta liwat muy kidina.

Nagmatakar 3:17

A ibar muy haman ta maba-nang kam, ikid na mappya la ngamin kasasaad muy gafu ta awan pulus ta pagkurangan muy. Ammi ta kakurugan a awemuy haman amu ta kakallak kam ta kuman na nadisgrasya en, te kuman kam na pobre, ikid na daram, ikid na nauhagan.