Lukas 5:38 - Uhohug na Namaratu gafu te Hesus Kristu

³⁸ Mapmappya hud la ta mekarga ya bagu na basi ta bagu na abyat.

Lukas 5:38 Iomraidhean Croise

Matyu 9:17

“A kumanen hapa ta mamadday kiden ta basi, te aweda haman ikarga ya bagu na basi ta dana na abyat, te am bumlad ya basi en a mabattak ya abyaten, otturu meburud hapa ya basi en. Mapmappya ta mekarga ya bagu na basi ta bagu na abyat petta azo mabayag kid,” kunna ha tekid.

Lukas 5:37

“A kumanen hapa ta basi muy, te awemuy haman ikarga ya bagu na basi ta dana na abyat, te sangaw am bumlad ya basi en a mabattak ya abyaten otturu meburud hapa ya basi en.

Lukas 5:39

“Ammi am napenam na ya tolay ta baak na basi a gagangay ta awena ikayat paruban ya bagu, te ‘Kustu ya singat na baaken,’ kunna.” A yen ya addet na bida na tekid.

2 Korinto 5:17

A am itta mantu ya nedagga te Hesus Kristu a nagbalin na ta bagu na tolay, te newasa nan ya dana en nonot na ikid na gagangay na, a kuman na bagun ya nonot na ikid na gagangay na.

Galasya 2:4

A yen hapa ya ikayat mi dangagan tekid, te ta idi a itta ya umange nakigimung tekami nga ape pumarig tekami, petta pang-itan da tekami am magpabanggit kami ta Hentil kiden nga mangurug. A gafu ta mangurug kamin te Hesus a nebar da haman ta makurang ya pangurug mi gafu ta awemin dagdagan ya lintigen nga netuldu ni Moses ta kuman na ikid. A yen ta kinasaba da kamin petta pagtagabun da kami ha ta lintigen.

1 Timotyo 4:8

Awan ta dulay am ipenam tam ya bari tam ta zigat, ammi mapmappya ta ipenam tam ya nonot tam ta patarabaku na Namaratu tekitam, te itta ya iatad na ta pagkatolay tam ta lutakin, yaga itta hapa ya iatad na ta pagkatolay tam ta agyan na Namaratu ewan.

Nagmatakar 21:5

A sangaw naguhohug hapa ya imatuttuden ta agtuttudan na ari, “Itan muy awa sa naulik ya ngamin petta bagu,” kunna. A ya nebar na teyak a “Isurat mun ya nadangag mu, te kakurugan na uhohug,” kunna.