Lukas 5:1 - Uhohug na Namaratu gafu te Hesus Kristu

¹ A sangaw ta mittan a imatayuk la i Hesus ta pingit na Alugen Genesaret, a pake imabikan ya pake addu na tolay petta dangagan da ya uhohug na Namaratu.

Lukas 5:1 Iomraidhean Croise

Matyu 14:34

A ta nepakadakit dan a itta kid na ta lugar na Genesaret,

Markus 3:9

A gafu ta kaddu na tolay kiden nga umab-abikan te Hesus a “Iparan muy bit ya barangayen talo am malipitak ta tolay kiden,” kunna ta ituldu na kiden.

Markus 4:1

A sangaw ha ta mittan a namegafu i Hesus mangituldu ta pingit na alugen, a magananwan la a itta ya pake addu na tolay kumalihung tentu. A gafu ta kaddu da a gimon na ta selayag kapye na ha nagtuttud, a nagyan hapa ya tolay kiden ta pingit na alugen magdangag.

Markus 5:24

A dumagdag mantu i Hesus tentu nga ange ta agyan na anak na en masi. A sakā dumadagdag hapa ya magamagaddu na tolay nga ange mangiil-ilat te Hesus.

Markus 6:53

A ta nepakadakit dan a itta kid na ta lutak na Genesaret, a negon da ya selayag da en.

Lukas 12:1

A ta pagbabida da para la ta dalan a kimalihung te Hesus ya rinibribu na tolay addet ta naginglublubeg kid, te ikayat da dangagan ya ituldu na. Ammi dana naguhohug bit i Hesus ta ituldu na kiden nga nekihu tekid. “Mappya ta palanan muy ya gagangay na Pariseyu kiden te magimmamappya kid la.

Lukas 5:2

A naita ni Hesus ya duwa na selayag nga negalut ta pingit. Awan ta totolay da te itta kid ta danumen nga magbaggaw ta tahukul da kiden.

Lukas 8:22

A sangaw ta mittan a binaran ni Hesus ya ituldu na kiden, “Entanan ta dammangewan,” kunna tekid, a naglalugan kid na ta selayag da en, a nagtugut kid.

Lukas 8:23

A ta pagtugtugut na selayag da en ta danumen a nasidug i Hesus. A kima-ma la umange ya masikan na paddad, a pake nagpalung na ya danumen abat ta lima-nug na ta umag na selayag da en, a tanagay kid na lumammad.

Lukas 8:33

“A e kanan mantu,” kun ni Hesus tekid. A nagtugutan da ya lalaki en kapye da simarok ta bahuy kiden. A ka-ma la nagadukal ya bahuy kiden bumilag. A sa nagurdak kid ta gatab na bagetayen kapye da nagkahunnak ta alugen, a nagkalimat kid ta danumen.

Lukas 8:45

Ammi tentu en nangsi-ged tentu a nagtayuk hapa i Hesus, a nebar na ta “Inya hud ya nangsi-ged teyak,” kunna, “Bakkan teyak,” kunna hapa na ngamin kiden kumalihung tentu. A ya uhohug hapa ni Pedru tentu a, “Addu haman, Afu, ya magitaptapal nagsi-ged teko,” kunna.

Hwan 1:40

Andres ya ngagan na takday na duwa kiden, a itta hapa ya kabagis na en Simon, ammi Pedru ya agngilinan da tentu.

Hwan 6:1

A ta kabalinan na kumanen a nagganwat ig Hesus, te ange kid ta dammang na alugen.

Hebreyu 13:7

A kumanen hapa, awemuy kaliwatan ya nangituldu kiden ta uhohug na Namaratu tekamuy ta idi, a nonotan muy hapa ya agangwa da ikid na pangurug da te Hesus Kristu, petta maparigan muy hapa.